Ester 10:3 - O Debleskro Drom 2021 (Sinte)

³ jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

O Debleskro Lab 2024 (Sinte-Manouche)

³ yaake te vas o biboldo Mordekay o douyto pal o baro rayeste Ahasveros. Oun yob his baro pash i biboldende oun lačes an-diklo pash i tsele biboldende. Yob rodas o lačepen lenge oun rakras, hoy leskre menshenge ko feteder his.

Ester 10:3 Iomraidhean Croise

1. Mose 41:40

Tu wess rai pral miro baro kheer. I tsele menshe an miro them hunte krenn kowa, hoi tu peneh. Me kokres hom bareder har tu un atchau baro rai pral o them Egiptia.”

1. Mose 45:10

Tu djiwess an o them Gosen, hoi hi gar dur mandar: tu un tire tchawe un tire tchawengre tchawe, ninna tire bakre un busja, tire grumja un halauter, hoi tut hi.

1. Mose 45:11

Un me dau tut halauter, hoi tut hunte well djipaske. Jaake te wess gar tchorwelo, tu un tiri familja un lauter hoi tut hi. Pantch bersha hi glan mende, kai hi i menshen tchi te chal.’

2. Familjakro liil 28:7

Un o Sichri, i kurepaskro lurdo dran o them Efrajim, maras o baro rajeskro tchawes, leskro lab his Maaseja. Ninna maras lo o pralstunes pral o rajeskro kheer, leskro lab his Asrikam. Un kowa, koles his penepaske pal o baro rajeste, leskro lab his Elkana, koles maras o Sichri ninna.

Nehemia 2:10

Un har shunan kowa o Sanballat, ko Horonari, un leskro budepaskro, ko Ammonari o Tobija, wan le an bari choli, te was jek, kai kamas i Israelenge latchepen te krell.

Ester 2:5

Un an o sorelo kheer an Susa djiwas i biboldo. Kowa kharas Mordekai. Leskro dad his o Jair, un leskro papo his o Shimi. Koleskro dad his o Kish. Kowa his i Benjaminari.

Ester 3:2

Un o baro rai penas, te djan i tsele pralstune, kai an o baro wudar glan leskro kheer hi, ap i phub glan o Haman un parkrenn les. Un jaake kran le. Kokres o Mordekai kamas gar, un djas gar glan leste tele ap i phub.

Daniel 5:16

Tutar shunom, te nai peneh tu, hoi kowa kamell te penell, un te nai tchakreh tu pre, hoi kek djinell. Haiweh tu kanna kol laba te drawerell, hoi kote tchinlo hi un nai peneh mange, hoi kolla kamenn te penell, palle weh tu rido an rajengre lole koola, un leh koi pashel i sonakaskri werkli trul tiri meen. Un tu weh o triinto pralstuno an miro them.”

Daniel 5:29

Har o Daniel kol laba rakras, penas o Belsazar, te riwenn le les an lole rajengre koola, un tchiwenn leske i sonakaskri werkli trul leskri meen. Un job hadas les, te well lo o triinto pralstuno an o rajeskro them.

Daniel 6:3

Un pral kolende tchiwas lo triin rajen. Jek kolendar his o Daniel. Kolenge hunte penenn i pralstune, kitse lowe jon an pengro them dre-lan un wi-dan, un hoi le lauter kran, jaake te hunte dikas gar o baro rai ap sawo koowa.

Remarja 10:1

Mire phrala, miro tselo djijeha kamoms, te wenn i bibolde dran o Debleskri choli win. Un kowa mangau o Deblestar soreles.

Remarja 14:18

Koon jaake djiwella, kowa sharell o Jesus Kristes. Ap leste dikell o Dewel latches. Un pash i menshende hi lo an-diklo.

1. Samuel 18:16

O tselo Israel un o tselo Juda kaman les, har dikan le, hawo latcho kurepaskro job hi.

1. Samuel 23:17

Un o Jonatan penas ap o David: “Ma dare, miro dadeskro wast nai hatsell tut gar. Tu weh o baro rai pral o Israel. Un me wau o duito pal tute. Un ninna miro dad, o Saul, djinell kowa mishto.”