Ester 10:2 - O Debleskro Drom 2021 (Sinte)

² Ko tselo baro railo koowa, hoi lo kras un leskri soor pral kol bud themma, kowa hi tchinlo an i familjakro liil kol bare rajendar pral o them Media un Persia. Kote hi ninna tchinlo, har o baro rai o Mordekajes hadas un bares kras,

O Debleskro Lab 2024 (Sinte-Manouche)

² Ko tselo baro raylo koova, hoy lo kras oun leskri zoor pral kol boud themma, kova hi činlo an i familyakro liil kol bare rayendar pral o them Media oun Persia. Kote hi ninna činlo, har o baro ray o Mordekayes hadas oun bares kras,

Ester 10:2 Iomraidhean Croise

1. Rajengro liil 11:41

Ko tselo wawar koowa, hoi pral o Salomo penepaske hi, un halauter, hoi lo kras, un leskro tselo goswepen, kowa hi tchinlo an i familjakro liil o Salomestar.

1. Rajengro liil 14:19

Ko tselo wawar koowa, hoi pral o Jerobeam penepaske hi, leskro kurepen un har lo baro rai his, kowa hi tchinlo an i familjakro liil i bare rajendar pral o Israel.

1. Rajengro liil 22:39

Un ko tselo wawar koowa, hoi pral o Ahab penepaske hi, un halauter, hoi job kras, kowa hi tchinlo an i familjakro liil o bare rajendar pral Israel. Kote dren hi ninna tardo, har job peske i kheer kras dran kutch parno dand, un hawe forja job mukas sorleder te krell.

Ester 2:23

Un har dikan le palla, was win, te his kowa tchatcho. Un kol dui wan ap o kasht bladedo. Un o baro rai mukas kau koowa dren te tchinell an o bershengro liil o themestar.

Ester 6:1

An koja rat nai sowas o baro rai gar, un mukas peske glan te drawerell dran o bershengro liil o themestar.

Ester 8:15

Un o Mordekai djas win o baro rajestar, rido an rajeskre koola. Kolla his blaueto un parno. Un ap leskro shero his shereskro sonakai. Leskri baja his dran laintikro than un lolo bakrengro bal. Un i menshe an o foro Susa stan un dan gole i bachtjatar.

Ester 8:2

Un las peskri gustri, hoi job o Hamanestar krik las, un das lat o Mordekai. Un i Ester tchiwas o Mordekajes pral o Hamaneskro tselo kheer.

Ester 9:4

Jon shunan, kai was o Mordekai i baro mursh an o kheer o baro rajestar. An i tsele themma was prindjedo, har lo baro un bareder was.

Debleskri gili 18:35

Job sikrell man, har mire wasta hunte kurenn pen, un har miri mussi rikrell o sasterno bogo.

Daniel 2:48

Un o baro rai kras o Danieles baro, un das les bud kutch koowa. Un job tchiwas les pral o tselo them Babilonia, un das les penepaske koi pral un kras, te well lo o pralstuno pral i tsele sikle murshende an o them Babilonia.