Daniel 8:9 - O Debleskro Drom 2021 (Sinte)

⁹ Un dran jek lendar was jek wawar tikno shing win. Kowa was bareder un bareder un sikras ap koi rig, kai o kham pralstunes tardo hi, un palle ap koi rig, kai o kham pre djal, un palle ap koi rig, kai o railo them hi.

O Debleskro Lab 2024 (Sinte-Manouche)

⁹ Oun dran yek lendar vas yek vavar tikno shing vin. Kova vas bareder oun bareder oun sikras ap koy rig, kay o kham pralstounes tardo hi, oun palle ap koy rig, kay o kham pre djal, oun palle ap koy rig, kay o raylo them hi.

Daniel 8:9 Iomraidhean Croise

Debleskri gili 105:24

O baro Dewel mukas peskre menshen bud un budeder te well. Jaake wan le bareder un sorleder har kolla, kai len tikno rikrenn.

Debleskri gili 48:2

O baro Dewel, sorelo hi lo! Maro Dewel, moldo hi lo, te sharas les an peskro foro, hoi hi pral ap koi berga, kai job djiwella.

Jeremia 3:19

Me, o baro Dewel penom, har nai rikrau me tut, har te wess tu miro tchawo? Kamoms te dap tut ko latcho them, ko shukester kotar them i tsele themendar. Un patsom, tu peness palle ap mande ‘kamlo tata’, un djals buder gar mandar krik.

Ezekiel 20:15

Me hadom miro wast pre, un dom man sowel, te anau len gar an ko them, hoi lenge win rodom, ko them, an koleste budeder har doha thud un gwin hi, un hoi shukeder hi har i tsele wawar themma.

Ezekiel 20:6

Me dau man sowel, te anap tumen win dran o them Egiptia un anau tumen an i them, koles me tumenge win rodom. Kowa hi i them, kai budeder har doha thud un gwin hi. Kau them hi shukeder har i tsele wawar themma.

Daniel 11:16

Un ko baro rai dran o them Syria krell lentsa, hoi job kamell. Un kek nai atchell glan leste tardo. Un job peskre lurdentsa well ninna an o railo them, un stakrell les khetne.

Daniel 11:21

Un pal koleste stell jek pre, kowa hi gar an-diklo un gar moldo, te well lo baro rai. Un pokones un chochenes lell job peske i rajeskri soor.

Daniel 7:8

Un har me jaake ap kol deesh shinga jak dom, was i tikno wawar shing pre mashkral kol wawar shinga. Un triin lendar wan glan leste win tserdedo. Ap ko shing his jaka har menshengre jaka, un i mui, hoi baro koowa rakras.

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.