Daniel 8:3 - O Debleskro Drom 2021 (Sinte)

³ Un kote dikom pre, un dikom i bakro glan ko pani tardo. Koles his dui shinga, jek lendar his bareder har ko wawar. Un ko bareder was pal ko tikneder win.

O Debleskro Lab 2024 (Sinte-Manouche)

³ Oun kote dikom pre, oun dikom i bakro glan ko pani tardo. Koles his douy shinga, yek lendar his bareder har ko vavar. Oun ko bareder vas pal ko tikneder vin.

Daniel 8:3 Iomraidhean Croise

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

Esra 1:2

Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Esra 4:5

Un jon dan kolende lowe, kai budran o baro rajeske, te rikrenn jon kowa pre, hoi i bibolde penge glan lan. Kowa kran le jaake rah, har o Kirus o baro rai pral o them Persia his, un gomme an ko tsiro, kai o Darius o baro rai pral o them Persia his.

Ester 1:3

Har job o triinto bersh o baro rai his, kras job i baro festo i tsele pralstunenge un barenge: kolenge, kai his pralstune pral kol bud lurdende an i themma Persia un Media, ninna kol brawelenge un themeskre rajenge dran peskre tsele themma.

Jesaja 13:17

Me, o baro Dewel, dau i menshenge an o them Media an o dji, te djan le ap kolende pre an o them Babilonia. Kolla denn tchi ap rup, un putchenn gar pal o sonakai.

Jesaja 21:2

Hawo pharo koowa was mange siklo! O phukepaskro phukrella, un o randepaskro randella. Tumer lurde dran i themma Elam un Media, krenn tumen ap o drom, un tchiwenn tumen pre trul lo foro Babilon. O baro Dewel krell, te hunte rowell buder kek pral kowa, hoi i Babilonarja kran.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Jeremia 51:11

I Babilonarja kran o baro Debleskro kheer paash. Doleske las pes o baro Dewel glan, te phagell lo o foro Babilon tele. Job das i rajende dran o them Media bud soor an lende, te djan le ap o foro Babilon pre. Tchinenn tumare faile! Lenn tumare sasterne betcheskre patria an o wast!

Daniel 10:5

Un dikom pre, un dikom i murshes. Kowa his rido an laintikre koola, un i pereskri dori dran sonakai his trul leste.

Daniel 2:39

Un pal tute well i wawar rai. Kowa hi buder gar jaake sorelo har tu. Un pal koleste well i triinto rai. Koleskro them hi har dran lolo saster, un hi rai pral i tseli phub.

Daniel 6:28

Job nai lell jekes dran o merepen win, an hawi bibacht kowa ninna hi. An o bolepen un ap i phub, krell lo baro sorelo koowa, hoi kek wawar nai krella. O Danieles las job dran i lewengre muja win, jaake te nai dukran le les gar.

Daniel 7:5

Un me dikom i wawar vieches, ko duites. Kowa his har i bero un his tardo ap dui herja. Un an leskro mui his les triin betcheskre kokale mashkral leskre danda. Un ap leste was penlo: “Ste pre un cha bud mass!”

Daniel 8:2

An miri suni homs an o sorelo kheer an o foro Susa an o them Elam, pash o lengsto pani Ulai.

Daniel 8:20

Ko bakro kol dui shingentsa, hoi tu dikal, kolla hi i bare raja pral i themma Media un Persia.

Zakarie 2:1

An i wawar dikepen dikom star shinga.

Zakarie 5:1

Me dikom pale pre un dikom i liil, hoi djas an i lufta.

Zakarie 5:5

Un ko bolepaskro, kai mantsa rakrell, was glan un penas ap mande: “Dik! Hoi well kote?”

Zakarie 5:9

Un me dikom pre un dikom dui djuwjen, kai wan pash mande. Kolen his mussja har kol bare tchirkle, hoi kharenn ‘storche’. Un o ducho djas an lengre mussja un tradas len glan. Un kal djuwja hidjran koi korba mank i phub un o bolepen krik.

Zakarie 6:1

Un me dikom pale pre un dikom star wurdja. Kolla wan mank dui berge win. Kol berge his dran lolo saster.

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

Debleskro tsiro 13:11

Un me dikom i wawar vieches dran i phub pre te well. Un les his dui shinga har i terno bakro. Un job rakras har o baro lolo sap.

Debleskro tsiro 5:6

Un me dikom i terno bakres pash o rajeskro beshepaskro, hoi wi-dikas, har wals lo maredo. Kowa hi tardo mashkral kol star sorele bolepangre un kol tchatchepangre phurende. Les hi efta shinga un efta jaka. Kol efta jaka hi o Debleskro Ducho, hoi pral i tseli phub win bitchedo was.