Daniel 7:5 - O Debleskro Drom 2021 (Sinte)

⁵ Un me dikom i wawar vieches, ko duites. Kowa his har i bero un his tardo ap dui herja. Un an leskro mui his les triin betcheskre kokale mashkral leskre danda. Un ap leste was penlo: “Ste pre un cha bud mass!”

O Debleskro Lab 2024 (Sinte-Manouche)

⁵ Oun me dikom i vavar firhes, ko douytes. Kova his har i bero oun his tardo ap douy herya. Oun an leskro mouy his les triin bečeskre kokale mashkral leskre danda. Oun ap leste vas penlo: “Ste pre oun rha boud mass!”

Daniel 7:5 Iomraidhean Croise

2. Rajengro liil 2:24

Job rissras pes trujel, un har job len dikas, praassas job len an o baro Debleskro lab. Koi wan dui bere dran o weesh un dandran star-deesh-te-dui kol mursh tchawendar an kotja.

Gosewe laba 17:12

Hi tuke feteder, te wess pash i bari diwji margodja, kolake i terne krik lino wan, har te wess i dineleha khetne, kai narwelo koowa krell.

Jesaja 56:9

Awenn kai, tumer lurde dran wawar themma, un perenn pral mire menshende har diwje vieche un chan!

Daniel 11:2

Un job penas dureder: Un kanna penau, hoi tchatchepah wella an ko tsiro hoi wella. Shun, triin bare raja stenn pre jek pal o wawar an o them Persia. Pal lende well i starto, kai well brawleder har i tsele wawar. Un ko brawlepen krell les soreles. Un te hi les palle bud penepaske, krell lo wawaren diwjo, te djan le khetne leha an o kurepen o grichtikro themeha.

Daniel 2:39

Un pal tute well i wawar rai. Kowa hi buder gar jaake sorelo har tu. Un pal koleste well i triinto rai. Koleskro them hi har dran lolo saster, un hi rai pral i tseli phub.

Daniel 5:28

‘Peres’ kharell ‘paash tchinlo’. Tiro them well an dui kotja un well ap i Medarja un i Persarja dino.”

Daniel 7:4

O ersto his har i lewo, un les his tchirklengre mussja har i adlari. Un me dikom, har i bare tchirklengre mussja lestar krik lino wan. Un ko viecho was pre hadedo i phubjatar, un pre-tchiddo ap peskre pire har i mensho. Un les was o dji i menshestar dino.

Daniel 7:6

Un pal kowa dikom i wawar vieches, hoi win dikas har i bari margodja. Koles his star tchirklengre mussja ap peskro dumo. Un ko vieches his star sherja un les was bari soor dino pral i menshende.

Hosea 13:8

Me perau pral lende har i baro diwjo viecho, koleske i tchawe krik line wan. Me dandrau len an kotja un chau len pre har i lewo, awa, har i diwjo viecho dandrau len khetne.

Debleskro tsiro 13:2

Un ko viecho, hoi me dikom, his har i bari diwji margodja. Leskre herja his baro un sorelo. Un an leskro mui his bare danda. Un ko baro lolo sap das les peskri soor un peskro beshepaskro, te was ko viecho i baro rai, koles bud penepaske hi.