Daniel 7:4 - O Debleskro Drom 2021 (Sinte)

⁴ O ersto his har i lewo, un les his tchirklengre mussja har i adlari. Un me dikom, har i bare tchirklengre mussja lestar krik lino wan. Un ko viecho was pre hadedo i phubjatar, un pre-tchiddo ap peskre pire har i mensho. Un les was o dji i menshestar dino.

O Debleskro Lab 2024 (Sinte-Manouche)

⁴ O ersto his har i levo, oun les his čirklengre moussya har i adlari. Oun me dikom, har i bare čirklengre moussya lestar krik lino van. Oun ko firho vas pre hadedo i phoubyatar, oun pre-čiddo ap peskre pire har i mensho. Oun les vas o dji i menshestar dino.

Daniel 7:4 Iomraidhean Croise

2. Samuel 1:23

O Saul un o Jonatan, an lengro djipen kamam len un lengro baro dji. An lengro merepen hi le khetne. Jon his sikeder har i tchirklo un sorleder har i lewo.

Hiob 25:6

Te dikell lo ap i mensheste, hi kowa glan leste gar budeder har i kiri un i kirmo!

Debleskri gili 9:20

Baro Dewel, ste pre! Muk i menshen gar te hadenn le pen pral tute! An i menshen dran i tsele themma glan tute! Un rake o tchatchepen pral lende win!

Jeremia 25:38

Job djas win, har i terno lewo win well dran peskro khatepen, te marell lo. Un lengro them atchas khetne stakedo tchiddo. Jaake baro his o kurepen, un o baro Debleskri choli pral lende.

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 48:40

Kawa penell o baro Dewel: Dikenn, kowa, kai marell o Moab, well sik har i adlari, un krell peskre mussja buchles pral o them.

Jeremia 49:19

Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

Ropaskre gilja 4:19

Kolla, kai men palla lan, his sikeder har i adlarja tel o bolepen. Ap o pralstuno them lan le men palla, un an o mulo them luran le menge pre.

Ezekiel 17:3

Pen lenge: Kawa penell o baro Dewel, maro rai: Kote his i baro adlari. Koles his bare mussja un pesse shukar phora trul peskro shero. Kowa djas ap i berga Libanon un phagas o pralstuno kotar i rukestar krik, hoi kharell zedera,

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Ezekiel 28:9

Te dikeh tu palle kolenge an o mui, kai tut mulo denn, peneh buder gar: “Me hom o Dewel!” Te hal an i wasta kolendar, kai marenn tut, haiweh, te hal i mensho un kek dewel.

Daniel 2:38

Un das an tiro wast i tsele themma, kai menshe djiwenna, ninna i viechen an o weesh un i tchirklen tel o bolepen. Un kras tut rai pral lende. Tu hal ko shero dran sonakai.

Daniel 7:12

Un kol wawar viechenge was i soor krik lino, hoi len his pral i menshende. Lengro djipen djas i tikno tsiro dureder, jaake rah har lenge dino was.

Daniel 7:5

Un me dikom i wawar vieches, ko duites. Kowa his har i bero un his tardo ap dui herja. Un an leskro mui his les triin betcheskre kokale mashkral leskre danda. Un ap leste was penlo: “Ste pre un cha bud mass!”

Mateo 24:28

Kote, kai i mulo mass tchiddo hi, kote wenn i bare diwje tchirkle khetne te chan le.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.

Debleskro tsiro 13:2

Un ko viecho, hoi me dikom, his har i bari diwji margodja. Leskre herja his baro un sorelo. Un an leskro mui his bare danda. Un ko baro lolo sap das les peskri soor un peskro beshepaskro, te was ko viecho i baro rai, koles bud penepaske hi.