Daniel 7:1 - O Debleskro Drom 2021 (Sinte)

¹ An ko tsiro, har o Belsazar an o ersto bersh o baro rai his pral o them Babilonia, dikas o Daniel i dikepen an i suni, har his lo tchiddo ap peskro tchiben. Un job tchinas an i liil, hoi dikas lo. Un kawa hi koi suni:

O Debleskro Lab 2024 (Sinte-Manouche)

¹ An ko tsiro, har o Belsazar an o ersto bersh o baro ray his pral o them Babilonia, dikas o Daniel i dikepen an i souni, har his lo čiddo ap peskro čiben. Oun yob činas an i liil, hoy dikas lo. Oun kava hi koy souni:

Daniel 7:1 Iomraidhean Croise

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 46:2

I rati rakras o Dewel leha an i suni un penas ap leste: “Jakob, Jakob!” Un job penas: “Ake hom.”

Hiob 4:13

Rati, har sowom soreles dom djungeles suni.

Jesaja 30:8

Mange penas o baro Dewel: Dja tu kanna koi, un tchin kal laba an i bar glan i jaka kal menshendar, awa, tchin len an i liil, te wenn le i sikepen, hoi atchell o tsireske, hoi wella.

Jesaja 8:1

Un o baro Dewel penas ap mande: “Le tuke tchomone, kai nai tchineh laba pre, un tchin an i latcho tchinepen jaake, te nai drawerell hakeno kol laba ‘Sik-randedo un sik-tchoredo’.”

Jeremia 23:28

Te dell i rakepaskro suni, mu penell lo peskri suni! Kowa, kai lell i lab mandar, kowa te penell ko lab mishto dureder! Me, o baro Dewel penau tumenge: O phuss un o djob hi gar o emligo koowa. Jaake hi witar gar emligo ko rakepen, hoi kol chochene rakepangre rakrenna, un o rakepen, hoi mandar wella.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Jeremia 36:32

Koi las o Jeremia i newo liil un das les o Baruches, ko tchinepaskres, koleskro dad o Nerija his. Un o Baruch tchinas kol tsele laba pre, hoi o Jeremia leske glan penas, kol laba, hoi an o ersto liil tardo his, hoi o Jojakim, ko baro rai pral Juda an i jag witsras. Un bud wawar laba, hoi jaake har kolla his, wan koi pashel tchinlo.

Jeremia 36:4

Koi kharas o Jeremia o murshes, koleskro lab Baruch hi. Leskro dad his o Nerija. Un o Baruch tchinas i tsele laba pre, hoi o baro Dewel ap o Jeremia penas, jaake har o Jeremia leske kowa penas.

Ezekiel 1:1

An o 30. (triin-deshto) bersh djiwom khetne wawar menshentsa, kai pandles krik anlo wan, pash ko lengsto pani, hoi kharell Kebar. An o starto tchon ap o pantchto diwes an ko bersh djas o bolepen pre, un o baro Dewel sikras pes mande.

Ezekiel 40:2

An i visiona anas lo man an o them Israel, un mukas man tele ap i bari berga, hoi dur pre djas. Ap koi rig i bergatar, kai o kham pralstunes tardo hi, dikom tchomone, hoi win dikas har i foro.

Daniel 1:17

Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Daniel 2:1

Un an ko tsiro, har o Nebukadnezar an o duito bersh o baro rai his, his les i suni, kai les sawi daar kras, te nai sowas lo buder gar dren.

Daniel 2:26

Un o baro rai putchas o Danielestar, koleskro lab kanna Beltsazar his: “Haiweh tu kowa, te nai peness tu mange, hoi me suni dikom, un hoi koi suni kamell te penell?”

Daniel 4:13

Leskro mensheskro dji well lestar krik lino, un i viecheskro dji well leske dino! Un efta bersha djan jaake pral leste krik!

Daniel 4:5

Un o palstuno, koon glan mande was, his o Daniel, kowa kanna Beltsazar kharell pal o lab miro deblestar. Un an leste hi o ducho o bolepangre deblendar. Un ap leste penom:

Daniel 5:1

Un o baro rai Belsazar kras i baro chapen peskre jek-sero (1.000) bareder murshenge. Khetne lentsa pijas lo mool.

Daniel 5:22

Un tu Belsazar, leskro tchawo, djinal kawa lauter, un kral tut gar tiknes glan o Debleste.

Daniel 5:30

An kai rat was o Belsazar, ko baro rai pral o them Babilonia, maredo.

Daniel 7:13

Un me dikom an kau dikepen an i rat jekes, kai wi-dikas har i mensho. Kowa was mank i wolke bis pash ko phureste, un was glan leste anlo.

Daniel 7:15

Mange o Danieleske, was miro ducho an mande pharo, un kowa hoi dikom, kras mange bari daar.

Daniel 7:7

Un pal kowa dikom an kau dikepen koi rati i starto vieches, hoi tchilatcheder un diwjeder his har kol wawar. Les his bud soor un sasterne danda, chas trul peste un dandras lauter paash. Un kowa, hoi pral atchas, stakras lo peskre pirentsa tel peste khetne. Un job his wawartchandes har kol wawar vieche, hoi glan leste his. Un les his deesh shinga.

Daniel 8:1

An ko tsiro, har o Belsazar an o triinto bersh baro rai his, dikom me, o Daniel, i dikepen, jaake har glan kowa dikom.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Habakuk 2:2

O baro Dewel rakras mantsa pale un penas: Tchin pre, hoi tuke sikrau! Tchin les shukar pre ap i tafla, te nai drawerell les hakeno, kai kote djal un kowa dikell.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

Remarja 15:4

Lauter kowa, hoi an o phuro tsiro an o Debleskro lab tchinlo was, was tchinlo, te las mer newi soor dran o Debleskro lab, un das maro patsepen gar pre, un dikas ap ko latchepen, hoi o Dewel men della, an ko tsiro hoi wella.

2. Korintarja 12:1

Tumer kamenn, te sharap man, ninna te molell kowa tchi. Jaake kamau te rakrap pral o bolepaskro koowa, hoi o Jesus Kristo i menshes mukell te dikell.

Debleskro tsiro 1:19

Tchin lauter, hoi dikal, an i liil: kowa, hoi kanna hi, un kowa, hoi pal kowa lauter wella.

Debleskro tsiro 10:4

Har me kamom kol laba, hoi shunom, pre te tchinell, penas jek dran o bolepen ap mande: “Ma tchin ko bolepaskro rakepen pre, te djinell les kek!”