Daniel 6:3 - O Debleskro Drom 2021 (Sinte)

³ Un pral kolende tchiwas lo triin rajen. Jek kolendar his o Daniel. Kolenge hunte penenn i pralstune, kitse lowe jon an pengro them dre-lan un wi-dan, un hoi le lauter kran, jaake te hunte dikas gar o baro rai ap sawo koowa.

O Debleskro Lab 2024 (Sinte-Manouche)

³ Oun pral kolende čivas lo triin rayen. Yek kolendar his o Daniel. Kolenge hounte penenn i pralstoune, kitse love yon an pengro them dre-lan oun vi-dan, oun hoy le lauter kran, yaake te hounte dikas gar o baro ray ap savo koova.

Daniel 6:3 Iomraidhean Croise

Esra 4:22

Denn jak, te krenn kowa sik, te well kek doosh pral maro them, un te nashrap kek lowe.

Nehemia 7:2

Un me tchiwom dui pralstunen pral o foro Jerusalem, miro phrales, o Hanani, un o Hananja, kai o pralstuno lurdo pral o lurdengro kheer his. Job his i mursh o labestar, un djiwas jaake o Debleha har gar bud wawar.

Ester 10:3

jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

Gosewe laba 17:27

Kowa, kai peskre laba pale rikrell, sikrell, te djinell lo, hoi mishto hi. Kowa, kai gar sik an i choli well, sikrell, te hi lo gosewo.

Gosewe laba 22:29

Dikeh i mursh, kai peskri budi haiwella, palle djiness, kowa nai budrell bare rajenge. Sawenge, kai gar an-diklo hi, budrell lo gar.

Sikepaskro 2:13

Me dikom, o goswepen hi feteder har o dinlepen, jaake har o diwes feteder hi har i rati.

Daniel 5:12

Kowa, hoi job haiwell, hatseh gar pash i wawareste. Job hi gosewo, nai penell, hoi sunja kamenn te penell, haiwell phare laba, un sikrell pre, hoi kek djinell. Job hi o Daniel. Un o baro rai das les o lab Beltsazar. Muk kanna o Danieles gole te dell, te well lo kai. Un job penell tuke, hoi kawa kamell te penell.”

Daniel 5:14

Me shunom, te hi o ducho o bolepangre deblendar an tute. Ninna well tuke kowa siklo, hoi i wawarenge khatedo atchell, un hal gosewo un djineh bud koowa.

Daniel 5:7

Un o baro rai das sorjah gole un penas, te anenn le i drawepangren pash leste, ninna kolen, kai an i bolepangre momlia drawerenn un kolen, kai i mulen putchenn. Un job mukas kol siklenge dran o foro Babilon te penell: “Hakeno, kai nai drawerella, hoi koi tchinlo hi, un mange nai penella, hoi kowa kharella, kowa well rido an rajengre lole koola, un lell koi pashel i sonakaskri werkli trul peskri meen. Un job well o triinto pralstuno an miro them.”

Daniel 9:23

Har mangal o Debles, un rakral tire erste laba win, lom i lab lestar. Un me wom, te penap tuke kau lab. Tu hal kutch o Debleske. Kanna de jak, hoi penau, te haiwess, hoi ko dikepen kamell te penell.