Daniel 4:3 - O Debleskro Drom 2021 (Sinte)

³ Un me penom soreles, te wenn i tsele sikle mursha an o them Babilonia pash mande khetne, te nai penenn le mange, hoi koi suni kamell te penell.

O Debleskro Lab 2024 (Sinte-Manouche)

³ Oun me penom zoreles, te venn i tsele sikle morsha an o them Babilonia pash mande khetne, te nay penenn le mange, hoy koy souni kamell te penell.

Daniel 4:3 Iomraidhean Croise

Hiob 25:2

O Debles hi i soor pral halauter, un hakeno hunte trashell lestar. I sorelo wasteha krell lo, te well kek tchingepen an peskro bolepaskro them.

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

Debleskri gili 105:27

Un jon kran baro koowa an o Debleskri soor mank i Egiptarja, sawo koowa, hoi kek wawar nai kras an o them o Hameskre tchawendar.

Debleskri gili 145:13

Tu hal un atcheh o baro rai kanna un hako tsireske. O baro Dewel rikrell peskre tsele laba, un hi latcho an halauter, hoi krell lo.

Debleskri gili 66:7

Job hi o baro rai hako tsireske. Leskri soor pral i menshenge hi baro. Hake themma lell job an o jak, te nai hadenn pen kolla gar, kai lestar tele peran.

Debleskri gili 72:18

Sharas o baro Debles, ko Debles pral o Israel. Job kokres krell baro un sorelo koowa!

Debleskri gili 77:19

Tu kral bari gole ap o bolepen. Koi jag ap o bolepen kras i rat har te wals diwes. I phub trissas i darjatar.

Debleskri gili 86:10

Tu hal baro un kreh baro koowa, hoi kek wawar nai krella. Tu kokres hal o Dewel.

Debleskri gili 92:5

Kowa, hoi tu kral, baro Dewel, mukell man bachteles te giwell. Kowa, hoi tire wasta lauter kran, sharau me.

Jesaja 25:1

Baro Dewel, tu hal miro Dewel. Tut sharau, un tuke giwau. Tu kral baro koowa, hoi kek wawar nai krella. Hoi tu penal i glan rah tsiro, ap kowa rikral tut un kral kowa.

Jesaja 28:29

Ninna kawa djal win o baro Deblestar, ko rajestar pral o bolepen un i phub. Kowa, hoi job peske glan las, hi jaake shukar, te atchell menge o rakepen krik. Un leskro goswepen hi baro.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Daniel 2:2

Un o baro rai mukas khetne te kharell i tsele durkepangren un drawepangren, kolen, kai bengeskro koowa krenn un kolen, kai an i bolepangre momlia drawerenn. Jon hunte penan leske, hoi leskri suni kamell te penell. Un jon wan un his tardo glan leste.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Daniel 7:14

Un kowa das les i rajeskri soor un barepen un railepen, te well lo rai pral i menshende dran hako them un rakepen. Leskri rajeskri soor atchell hako tsiro un herell gar pre. Un job atchell baro rai an i tsele tsirja.

Daniel 7:27

Un kol tsele themma ap i phub wenn kol menshende o pralstuno Deblestar dino. Un jon wenn i raja pral lende, un len well i soor un penepaske pral lende. Un o pralstuno Dewel atchell o baro rai hako tsireske. Un kolla lauter, kai pralstune hi ap kai phub, hunte mangenn les an un hunte shunenn ap leste.”

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

Hebrearja 1:8

Ap peskro tchaweste penas lo: Tu, o Dewel, atcheh o baro rai kanna un hako tsiro. Tu hal tchatcho un latcho ap tire menshende.

Hebrearja 2:4

Un o Dewel das len peskri soor, te krenn le baro un sorelo koowa, hoi kek wawar mensho nai krella. Jaake sikras lo, te penan le o tchatchepen. Ninna das lo i patslende peskro Ducho un peskri soor, te krenn le peskri budi mashkral i menshende. Hakeneste das lo i soor, te krell job koi budi, hoi o Dewel lestar kamas.

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”