Daniel 4:12 - O Debleskro Drom 2021 (Sinte)

¹² Leskro telstuno kotar i drabentsa hunte atchell an i phub mashkral o senlepen, hoi trul leste bares wella. Un sasterne shelle wenn trul leste pandlo. Un o brishin perell ap leste tele un krell les sapenes. Un har i vieche chal lo o senlepen ap i phub.

O Debleskro Lab 2024 (Sinte-Manouche)

¹² Leskro telstouno kotar i drabentsa hounte ačell an i phoub mashkral o zenlepen, hoy troul leste bares vella. Oun sasterne shelle venn troul leste pandlo. Oun o brishin perell ap leste tele oun krell les sapenes. Oun har i firhe rhal lo o zenlepen ap i phoub.

Daniel 4:12 Iomraidhean Croise

Hiob 12:24

Job krell, te wenn lengre raja dinelo, un krell, te nashenn le trujel kote, kai kek drom hi.

Hiob 14:7

Te dell jek i ruk tele, hi leske gar lauter trujel. Dran leste nai wenn pale newe tikne kashta win, un wenn bud un budeder.

Hiob 14:9

te perell pani ap leste, well lo pale senelo, ninna te hi kowa gar bud pani. Un newe tikne kashta wenn dran leste, har te wals lo i terno ruk.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Ezekiel 17:23

Pral ap koi bari berga an o them Israel, kote tchiwau les an i phub. Un job lell bud kashta un hidjrell rukengre, un well i railo zedertikro ruk. Un an leste djiwenn bud tchirkle un hi khere mank leskre kashta.

Ezekiel 31:17

Kolla dran wawar themma, kai ap leskri rig his, un pral kolende job peskro wast rikras, ninna jon hunte djan leha khetne tele pash i mulende, pash kolende, kai wan o chareha mulo dino.

Daniel 4:14

I bolepangre, kai lauter an o jak lenn, rakran kowa win. Un jon, kai wenna o Deblestar, kamenn, te well kowa jaake, te dikenn i menshe, te hi o pralstuno Debles i soor pral i rajengre themma, un job len koleste dell, koneste job kamell. Koles, kai tikno hi mank i menshende, nai tchiwell job pral lende.’

Mateo 13:32

O senftikro djob hi tikneder har ko tselo wawar djob. Job te well baro, well lo bareder har i tsele wawar burra. Dran leste well i ruk. Un i tchirkle wenna, un djiwenn ap leste.

Markus 13:32

Kek djinell ko diwes un ko tsiro, kai kowa lauter wella. I bolepangre an o bolepen djinenn les gar, witar gar o Debleskro tchawo. Miro dad an o bolepen kokres djinell les.

Markus 4:32

Hi lo an i phub, djal lo pre un well bareder har o tselo wawar senlepen. Dran ko tikno djob well i ruk jaake baro, te nai djiwenn i tchirkle ap leste, kote, kai o kham gar jaake tato hi.

Louka 13:19

Kowa hi jaake: I mursh tchiwas i tikno senftikro djob an i phub. Un dran ko tikno djob was i baro ruk. Un i tchirkle djiwan ap leste.”