Daniel 4:1 - O Debleskro Drom 2021 (Sinte)

¹ Me, o Nebukadnezar homs bachtelo an miro kheer, un man his lauter, hoi kamom.

O Debleskro Lab 2024 (Sinte-Manouche)

¹ Me, o Neboukadnezar homs barhtelo an miro kheer, oun man his lauter, hoy kamom.

Daniel 4:1 Iomraidhean Croise

1. Familjakro liil 12:18

Un o David djas pash lende win, un penas ap lende: “Wan tumer an o kamlepen pash mande, te rikrenn pash mande, palle hi miro dji tumentsa jek! Te wan te phukrenn ap mande pash kolende, kai kamenn man te marell, palle mu dikell o Dewel mare dadendar koi pal, un mu dell tumen i phagi. Job djinell, kai krom kek tchilatcho koowa.”

Esra 4:17

Koi bitchras lenge o rai pral o them Babilonia kau liil un mukas lenge te penell: Tuke Rehum, ko pralstuneske un tuke Shimshai, ko tchinepaskro, un tumenge wawarenge halauterenge an o foro Samaria un kol wawarenge halauterenge ap i wawar rig o panjestar Eufrat: Bacht tumentsa!

Esra 5:7

Kalla hi i laba, hoi jon leske tchinan: O baro rajeske Darius bud bacht!

Ester 3:12

Ap o 13. (deesh-te-triinto) diwes an o ersto tchon wan kol mursha kharedo, kai o baro rajeskre lila tchinenn. Un kolla tchinan, hoi o Haman lenge penas, an lila ap i pralstunende ko themestar, ap i themeskre rajende un i pralstunende pral hako them. Hako liil his jaake tchinlo, har an ko them tchinlo was, un an ko rakepen, har kote rakedo was. An o lab o baro rajestar Ahasveros wan kol lila tchinlo. Un leskri gustjah was leskro sikepen tel hako liil tchiddo.

Ester 8:9

Jaake wan kol murshen kharedo, kai o baro rajeskre lila tchinenn. Kowa his an o triinto tchon, – kowa hi o tchon Siwan – ap o biish-te-triinto diwes. Un i lila wan jaake tchinlo, har o Mordekai penas: ap i biboldende, un ap i pralstunende ko themestar, ap i themeskre rajende un i pralstunende pral i tsele themma mank o pani Indus un o pani Nil. Kolla his 127 (jek-sheel-te-biish-te-efta) themma. Un tchinlo was jaake har an hako them tchinlo was, un an o rakepen kol menshendar, kai kote djiwan, un ninna ap i bibolde jaake har jon tchinenn un rakrenn.

Daniel 3:29

Un jaake penau me kanna: Koon i tsele menshendar dran hako them un rakepen rakrell djungeles pral ko Debleste, koles o Shadrach un o Meshach un o Abed-Nego an-mangenn, kowa well an kotja dino. Un koleskro kheer well pash dino. Hi kek wawar dewel, kai nai lell jekes jaake dran o merepen win har job.”

Daniel 3:4

Un jek, kai win gole dell, hoi o baro rai kamella, stas pre un das gole: “Menshale dran hako them un rakepen, shunenn, hoi o baro rai tumenge penell:

Daniel 6:25

Un o baro rai mukas kol murshen glan peste te anell, kai kowa ap o Daniel pre anan. Un job mukas len an i gruba te witsrell pash i lewe, len un lengre tchawen un romjen ninna. Un har jon gomme gar ap i phub tele wan, tapran i lewe len, un phagan lengre kokale.

Daniel 6:27

Kawa hi hoi tumendar kamau: An i tsele themma, kai me baro rai hom, hunte darell hakeno o Danieleskro Debles peskro tselo djijestar. Job hi o djido Dewel, un atchella hako tsireske. An kek tsiro nashrell lo peskri rajeskri soor. I tsele tsirenge atchell lo baro rai.

Daniel 7:14

Un kowa das les i rajeskri soor un barepen un railepen, te well lo rai pral i menshende dran hako them un rakepen. Leskri rajeskri soor atchell hako tsiro un herell gar pre. Un job atchell baro rai an i tsele tsirja.

Zakarie 8:23

Kowa penell o baro Dewel, ko rai pral o bolepen un i phub: “An ko tsiro wenn deesh wi-themarja pash jek biboldo, taprenn les ap leskri baja, mangenn lestar un penenn: ‘Mer shunam, o Dewel hi tumentsa. Doleske muk men tumentsa te djal!’”

Bičepangre 2:6

Har jon ko baro un sorelo ducho shunan, wan jon lauter koi khetne, un kran bare jaka, har hakeno shunas len an leskro rakepen te rakrell.

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

Efesarja 1:2

Mu well tumen latchepen un bacht an o dji! Ko dell tumen maro Dewel, kai maro dad hi, un maro rai, o Jesus Kristo.

1. Timoteo 1:2

Me tchinau kau liil ap tute, Timoteo. Tu hal mange har miro tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!