Daniel 11:2 - O Debleskro Drom 2021 (Sinte)

² Un job penas dureder: Un kanna penau, hoi tchatchepah wella an ko tsiro hoi wella. Shun, triin bare raja stenn pre jek pal o wawar an o them Persia. Pal lende well i starto, kai well brawleder har i tsele wawar. Un ko brawlepen krell les soreles. Un te hi les palle bud penepaske, krell lo wawaren diwjo, te djan le khetne leha an o kurepen o grichtikro themeha.

O Debleskro Lab 2024 (Sinte-Manouche)

² Oun yob penas doureder: Oun kanna penau, hoy čačepah vella an ko tsiro hoy vella. Shoun, triin bare raya stenn pre yek pal o vavar an o them Persia. Pal lende vell i starto, kay vell bravleder har i tsele vavar. Oun ko bravlepen krell les zoreles. Oun te hi les palle boud penepaske, krell lo vavaren divyo, te djan le khetne leha an o kourepen o grichtikro themeha.

Daniel 11:2 Iomraidhean Croise

Esra 4:24

Kote atchas i budi ap o Debleskro kheer an o foro Jerusalem tardo. Un kowa atchas jaake bis o rai Darius an o duito bersh o baro rai his pral o them Persia.

Esra 4:7

Un an ko tsiro, har o Artaxerxes o baro rai his, tchinan o Bishlam, o Mitredat, o Tabeel un lengre mala i tchilatcho liil o rajeske pral o them Persia. Ko liil his tchinlo an o aramtikro tchinepen un an o aramtikro rakepen.

Ester 1:1

His an ko tsiro, har o Ahasveros o baro rai his pral 127 (jek-sheel-te-biish-te-efta) themma, hoi djan o themestar India bis pash o them Etiopia.

Gosewe laba 22:21

te sikrap tute, hoi o tchatchepen hi, jaake te nai peness koleske, kai tut bitchras, hoi lo kamell te djinell.

Daniel 10:1

An ko tsiro, har o Kirus an o triinto bersh o baro rai his pral o them Persia, las ko Daniel, kai ninna Beltsazar kharella, i lab o Deblestar. Un kowa, hoi leste siklo was, well tchatchepah un rakrell i pharo tsirestar. Un job rodas te haiwell lo les, un dikas an i dikepen, hoi kowa kamell te penell. [Job ginell dren:]

Daniel 11:25

Un peskri tseli sorjah un bud lurdentsa djal lo an o kurepen o baro rajeha dran o them Egiptia. Un kowa anell gomme budeder lurden khetne un djal lentsa an o kurepen o baro rajeha dran Syria. Un chocheno koowa well wi-kerdo khatar o baro rajeste dran Egiptia. Doleske nai rikrell lo pes gar.

Daniel 7:5

Un me dikom i wawar vieches, ko duites. Kowa his har i bero un his tardo ap dui herja. Un an leskro mui his les triin betcheskre kokale mashkral leskre danda. Un ap leste was penlo: “Ste pre un cha bud mass!”

Daniel 8:21

Un koi mursh busni hi o baro rai pral o grichtikro them. Un ko baro shing, hoi mashkral leskre jaka his, hi ko ersto baro rai.

Daniel 8:26

Un kau dikepen, hoi dikal, un kowa hoi tuke penlo was pral kol viechende, hoi o Debleske buder gar haki rati un haki tsalla anlo wan, kowa hi o tchatchepen. Hi gomme i rah tsiro, bis te kowa jaake wella. Doleske rike les khatedo un ma rake kolestar!”

Daniel 8:4

Un me dikom, har das ko bakro peskre shingentsa ap kol triin rigja: kote, kai o kham tele djal, un kote, kai o kham gar well, un kote, kai lo pralstunes tardo hi. Un kek viecho his sorleder har ko bakro. Un koon an leskre wasta peras, koles nai las kek win. Un ko bakro kras, hoi job kamas, un was pre-phurdo.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Johanni 10:35

Kolentsa, kai o Dewel rakras, ap kolende penas job debla. Un kowa, hoi an o Debleskro lab tchinlo hi, nai well gar krik lino.

Debleskro tsiro 21:5

Un kowa, kai ap o Debleskro beshepaskro beshdo hi, penas: “Dikenn, me krau lauter newes.” Un ap mande penas lo: “Tchin kal laba an i liil! Kal laba hi tchatcho. Un jaake well lauter.”