Daniel 1:9 - O Debleskro Drom 2021 (Sinte)

⁹ Un o Dewel kras, te was o pralstuno pral o rajeskro kheer latches un kamles ap o Danieleste.

O Debleskro Lab 2024 (Sinte-Manouche)

⁹ Oun o Devel kras, te vas o pralstouno pral o rayeskro kheer lačes oun kamles ap o Danieleste.

Daniel 1:9 Iomraidhean Croise

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Mose 39:21

Har job kote an o stilepen his, his o baro Dewel pash leste, un his kamlo ap leste un kras, kai hi o pralstuno pral o stilepen latches ap leste.

1. Rajengro liil 8:50

Un biste ko tchilatchepen, hoi jon ap tute kran, lengri tseli doosh, hoi anas len tiro dromestar tele. Kre, te wenn un dikenn kolla latches ap lende, kai len pandles rikrenn.

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Nehemia 2:4

Un o baro rai putchas: “Hoi kameh tu?” Kote rakrom o Debleha an o bolepen,

Ester 2:9

Un joi his shukar an koleskre jaka, un las jaake leskro latchepen. Un job dikas koi pre, te lell li sik kutch makepaskro djet un sasto chapen, hoi i djuwjat shukar krell. Un job das lat efta wi-rodede djuwjen, te wenn le lake koi. Un anas lat un lakre budepaskretse an i feteder iseme an o djuwjengro kheer.

Hiob 5:15

O Dewel lell o tchorweles dran o tchilatcho rakepen win, un dran o wast o sorleder tserdell lo les win.

Hiob 5:16

Jaake lell o tchorwelo pale newi soor an peskro dji, un o tchilatchepen hunte rikrell peskro mui.

Debleskri gili 106:46

Un job kras, te dikan lauter kolla latches ap lende, kai len pandan.

Debleskri gili 4:3

Murshale, har rah tserdenn tumer miro lab an i tchik! Tumer rodenn pal kowa, hoi tchi moldo hi, un kamenn o chochepen.

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Daniel 1:10

Un kowa penas ap o Daniel: “O baro rai kokres penas, hoi te chan un pijenn tumer. Me darau lestar, te dikell lo, te dikenn tumer gar jaake mishto win har kol wawar terne mursha. Te wals kowa jaake, wals mange tumenge o shero tele dino.”

Bičepangre 7:10

un las les win dran halauter, hoi o Josefeske pharo his. Un o Dewel das les bud goswepen un kras, te dikas o baro rai pral o them Egiptia latcho ap o Josefeste. Ko baro rai kras, te was o Josef o rai pral o tselo them Egiptia un pral o tselo rajeskro kheer.