Daniel 1:2 - O Debleskro Drom 2021 (Sinte)

² Un o baro Dewel, maro rai, das o Jojakimes, ko baro rajes pral o them Juda, an o wast o baro rajestar dran o them Babilonia. Ninna ko shukar koowa, hoi an o Debleskro kheer his, kolestar peras an leskre wasta. Un job anas kowa an o them Shinar, an o kheer leskro deblestar. Un tchiwas les pash ko brawlepen leskro deblestar pashel.

O Debleskro Lab 2024 (Sinte-Manouche)

² Oun o baro Devel, maro ray, das o Yoyakimes, ko baro rayes pral o them Youda, an o vast o baro rayestar dran o them Babilonia. Ninna ko shoukar koova, hoy an o Debleskro kheer his, kolestar peras an leskre vasta. Oun yob anas kova an o them Shinar, an o kheer leskro deblestar. Oun čivas les pash ko bravlepen leskro deblestar pashel.

Daniel 1:2 Iomraidhean Croise

1. Mose 10:10

An ko ersto tsiro was job o rai pral i forja Babel, Erek, Akkad un Kalne an o them Shinar.

1. Mose 11:2

Un jon mukan pengro them un djan kote, kai o kham pre djala. An o them Shinar hatsan le i buchlo them un atchan koi.

2. Rajengro liil 24:1

An ko tsiro, har o Jojakim o baro rai his, djas o baro rai dran o them Babilonia peskre lurdentsa pre ap o them Juda. Leskro lab his Nebukadnezar. Un o Jojakim hunte witsras pes tel leste un hunte plaissras leske bud lowe. Pal triin bersha phagas lo leha un kras buder gar, hoi kowa kamas.

2. Familjakro liil 36:5

Har was o Jojakim baro rai, his lo 25 (biish-te-pantch) bersh phuro. Un job his 11 (deesh-te-jek) bersh baro rai an o foro Jerusalem. Un job kras, hoi tchilatcho his glan i jaka o baro Deblestar, kai leskro Dewel his.

2. Familjakro liil 36:7

Ninna ko kutch kowestar dran o baro Debleskro kheer mukas o Nebukadnezar an o foro Babilon te anell, un tchiwas kowa kote an peskro debleskro kheer.

Esra 1:7

Un o baro rai Kirus das len o tselo koowa, hoi an o baro Debleskro kheer tardo his. Glan bud bersha mukas les o Nebukadnezar dran o foro Jerusalem te anell un tchiwas les an o kheer leskro deblestar.

Jesaja 11:11

Un ap ko diwes hadell o Dewel peskro wast i duito kopo, te ginell lo kolen win, kai peskre menshendar pral atchan an i themma Assur un Egiptia, Patros, Kush, Elam, Shinar, Hamat, un an kol panjeskre themma.

Jesaja 42:24

Koon his kowa, kai mukas o Jakobes win te randell, un das o Israeles i tchorepangren an i wasta? His kowa gar o baro Dewel? Job hi, koleske o dumo sikram un leskro drom gar djam, un ap leskre laba gar shunam.

Jeremia 25:1

O Jojakim, koleskro dad o Josia his, his o starto bersh o baro rai pral o them Juda. Un o Nebukadnezar his o ersto bersh baro rai pral o them Babilonia. Koi rakras o baro Dewel ap o Jeremia, un das les i lab o tselo themeske Juda.

Jeremia 27:16

Palle penas o Jeremia ap i rashajende un i tsele menshende, kai kote his: Kowa hi, hoi o baro Dewel penell: Ma patsenn kol rakepangre, kai penenn tumenge: Ko kutch koowa dran o baro Debleskro kheer, hoi was anlo an o them Babilonia, kowa well sik pale pale anlo. Kowa, hoi jon glan-wi penenn, hi chochepen.

Jeremia 28:3

Glan dui bersha trujel hi, anau ko tselo kutch koowa pale pale, hoi an o baro Debleskro kheer his, un hoi o baro rai dran Babilonia, o Nebukadnezar, kotar krik las, un an o them Babilonia anas.

Jeremia 35:11

Un har o Nebukadnezar, ko rai pral o them Babilonia, an o them Juda was, te kurell lo pes leha, penam menge mer halauter: Awenn, te nashas menge glan kol lurdende dran o them Babilonia un dran o them Syria, un djah an o foro Jerusalem! Jaake atcham kate an Jerusalem.

Jeremia 50:2

Denn win gole an i wawar themma! Halauter hunte shunenn! Hadenn tumari themeskri plachta pre! Hakeno te shunell kowa! Rikrenn les gar pale! Penenn: O foro Babilon hi dren lino, Lengro dewel Bel nai kras tchi, lengro dewel Marduk hi khetne phagedo; lengre mule debla nai kran tchi, lengre figure hi pash kerdo!

Jeremia 51:44

O baro Dewel penell: Awa, me dom o chocheno debles Bel an o them Babilonia peskri phagi, un tserdom dran leskro mui kowa, hoi job pre chas. I menshe dran wawar themma nashenn leske buder gar palla. I massurja o forestar Babilon peran khetne.

Daniel 5:13

Un o Daniel was glan o baro rajeste anlo. Un o baro rai putchas lestar: “Hal tu o Daniel, jek kolendar, kai o baro rai, miro dad, pandles dran o them Juda peha anas?

Daniel 5:18

Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

Habakuk 1:16

Lengre matchengre gone un lengre netse hi lenge har debla. Lenge chatchrenn le viechen un sungepaskro koowa, te parkrenn len pen, kai jon lenge jaake bud brawlepen un latcho chapen anan.

Zakarie 5:11

Job penas: “An o them Shinar, te well lake kote i kheer kerdo. Kote well koi korba pre tardo un an-mangedo.”

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Čačepangre 2:14

Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

Čačepangre 3:8

Kote chatchras i choli o baro Deblestar pral o Israel pre. Un job das len an o wast o baro rajestar Kushan-Rishatajim. Kowa his baro rai pral o them Mesopotamia. Un i Israelitarja hunte budran leske ochta bersha.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.

1. Samuel 5:2

Un kote tchiwan les i Filistarja an o kheer pengro deblestar, o Dagon, ap leskri rig.