Daniel 1:12 - O Debleskro Drom 2021 (Sinte)

¹² “Hoi wals, te dess tu men, tire budepangren, deesh diwessa senlepen te chal un pani te pijell?

O Debleskro Lab 2024 (Sinte-Manouche)

¹² “Hoy vals, te dess tou men, tire boudepangren, deesh divessa zenlepen te rhal oun pani te piyell?

Daniel 1:12 Iomraidhean Croise

Daniel 1:11

Koi his i mursh, koles o pralstuno pral o rajeskro kheer pral lende tchiwas, te dell lo jak ap o Daniel, ap o Hananja un o Mishael un o Asarja. Ap koleste penas o Daniel:

Daniel 1:13

Un palle nai dikals tu, har mer wi-dikah, un har kol terne mursha win dikenn, kai chan o rajeskro chapen. Un pal kowa, hoi tu dikal, kre tu mentsa dureder.”

Daniel 1:16

Kote las ko mursh, kai ap lende jak das, ko chapen un koi mool krik, hoi lenge kerdo was, un das len senlepen te chal.

Remarja 14:2

Ko jek patsell, kek chapen hi pale-tchiddo. Ko wawar, kai hi gar sorelo an o patsepen, kowa patsell, te nai chal lo kek mass.

5. Mose 8:3

Un job mukas tumen te bokell, te haiwenn, tumaro chapen well lestar. Un job das tumen o Manna te chal, hoi tumer gar prindjran un tumare phure witar gar. Kowa kras lo, te sikrell lo tumen, te djiwell o mensho gar o chapastar kokres. Na-a, i mensho djiwell hako labestar, hoi dran o mui o baro Deblestar win djal.

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!