Biblia Todo Logo
Bìoball air-loidhne

- Sanasan -




Bičepangre 9:36 - O Debleskro Drom 2021 (Sinte)

36 An o foro Joppe djiwas i patsli. Lakro lab his Tabita ap hebretikes un Dorkas ap grichtikes. Koja kras bud latcho koowa, un das bud lowe kol tchorwelende.

Faic an caibideil Dèan lethbhreac

O Debleskro Lab 2024 (Sinte-Manouche)

36 An o foro Yoppe djivas i patsli. Lakro lab his Tabita ap hebretikes oun Dorkas ap grichtikes. Koya kras boud lačo koova, oun das boud love kol čorvelende.

Faic an caibideil Dèan lethbhreac




Bičepangre 9:36
30 Iomraidhean Croise  

Un o Salomo mukas win te hatsell, kitse wi-themarja an o them Israel hi. Glan i tsiro kras leskro dad, o David, kowa ninna. Kanna wan 153.600 (jek-sheel-pantch-deesh-te-triin-serja shob-sheel) mursha hatslo.


Un jon dan lowe kol murshen, kai budrenn i barrentsa un kol murshen, kai budrenn o kashtentsa. Ninna dan le chapen un pipen un djet kol murshen dran Sidon un Tirus, te nai anenn le Zedertikro kasht dran o Libanon pral o baro pani an ko foro Jafo. Kowa lauter kran le jaake har les lenge o Kirus, ko rai pral Persia penas.


I kamli wesheskri grumni hi li, i shukar diwji busni. Kokres mank lakre tchutchja tchiwess tut. Kokres an lakre mussja hatseh tiri bacht.


Miro pirno hi har i terni wesheskri busni har i terno tserfo. Kate hi lo! Pal maro kheer! Un dikell an i wochni, mank i kashta dren.


Tumer tcha dran o foro Jerusalem, i wesheskre busja un i tserfe shunenn, har mangau tumen: Mukenn men kokres, jaake rah har khetne ham, bis te stah pre.


Naash, miro pirno! Ab sik har i wesheskri busni un har i terno tserfo ap i berge, kai i burra tardo hi, hoi sungenna latcho.


Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.


Un ninna kowa, kai kol dui gone peskro rajestar las, kowa las dui wawar gone pashel.


Me hom ko drakengro ruk. Un tumer han kol kashta. Koon atchell an mande un me an leste, dran koleste well bud latchepen. Tumer te han gar mantsa khetne, nai krenn tumer tchi.


Te well bud latchepen dran tumende, well miro dad sharedo. Un tumer wenn mire mala.


Un o Petro mukas len an o kheer te well, un das len i isema, te atchenn le kote. O wawar diwes djas job lentsa an o foro Cesarea. Un wawar patsle dran o foro Joppe djan ninna leha.


Un job penas ap mande: Kornelio, o Dewel shunas tut, un hoi tu dal kol tchorwelende, dikas o Dewel ninna.


Kolenge penas job lauter, hoi o bolepaskro penas, un bitchras len an o foro Joppe.


Kowa penas menge, har dikas job i bolepaskres an peskro kheer, un kai kowa ap leste penas: Bitche murshen an o foro Joppe, te lenn le o Simones. Job kharella ninna Petro.


“Me homs an o foro Joppe,” penas job, “un mangom o Debles an. Koi mukas o Dewel man tchomone te dikell. Me dikom tchomone har i bari plachta. Koja was ap star rigja rikedo, un was tele dran o bolepen pash mande.


O foro Joppe his pash o foro Lidda tchiddo. Un har i patsle shunan, kai o Petro an ko foro his, bitchran jon dui murshen pash leste, un mangan les, te well job jaake sik har djala pash lende.


Kowa shunan i tsele menshe an o foro Joppe, un bud wan patslo ap o rai Jesuseste.


Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.


Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.


Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.


Un tumer krenn o latchepen ap i patslende an o tselo them Macedonia. Mire phrala, mukenn gar tele, te krenn kowa budeder un feteder!


Wawar menshe hunte dikenn ap late, te kras li latcho koowa, un te tserdas li peskre tchawen mishto pre. Jon hunte dikan, te las li menshen pash peste pre, un te thowas li i patslenge i herja. Jon hunte dikan, te his li kolenge koi, kolen i pharo djipen hi, un te kras li hako latcho koowa.


Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.


An hako koowa sike lende, har tu kowa kreh, te krenn le ninna latcho koowa! Pen o Debleskro lab an o tchatchepen, te djal les hakeneske an o dji!


Kau lab hi tchatcho. Doleske rake kowa i patslenge an o dji, te rodenn le koi pal, har nai krenn le latcho koowa. Kowa hi mishto un bud moldo hakeneske.


Mangau o Deblestar, te dell lo tumen i soor, te krenn lauter kowa, hoi latcho hi, jaake har job kamella. Mu dell lo men i soor, te djiwas jaake, har mishto hi glan leskre jaka. O Jesus Kristo nai krell kowa. Sharas o Jesus Kristes kanna un hako tsiro! Amen.


Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.


Me-Jarkon un Rakkon un ko kotar them trul o foro Jafo.


Lean sinn:

Sanasan


Sanasan