Bičepangre 9:17 - O Debleskro Drom 2021 (Sinte)

¹⁷ O Anania djas koi, was an ko kheer, tchiwas i wasta ap o Sauleste un penas: “Miro phraal Saulo, maro rai Jesus bitchras man, kowa, kai mukas pes ap ko drom tutar te dikell. Job kamell, te dikess tu nai pale, un te wess pherdo Debleskro Ducho.”

O Debleskro Lab 2024 (Sinte-Manouche)

¹⁷ O Anania djas koy, vas an ko kheer, čivas i vasta ap o Sauleste oun penas: “Miro phraal Saulo, maro ray Yezous bičras man, kova, kay moukas pes ap ko drom toutar te dikell. Yob kamell, te dikess tou nay pale, oun te vess pherdo Debleskro Dourho.”

Bičepangre 9:17 Iomraidhean Croise

1. Mose 45:4

Koi penas o Josef ap peskre phralende: “Awenn pash mande!” Un jon djan pash leste. Un job penas pale: “Me hom o Josef, tumaro phraal, kowa, kai bikran tumer ap i parepangre, kai anan man an o them Egiptia.

Mateo 19:13

Koi anan le tchawen pash o Jesuseste, te tchiwell lo peskre wasta ap lende, te mangell lo o Debles, te dikell job latches ap lende. Har peskre mala kowa dikan, tchingran le ap kol menshende.

Markus 5:23

un mangas les o tselo djijeha un penas: “Miri tchai hi ap o merepen tchiddo. Am un tchip tire wasta ap late, te well li sasto, un te djiwell li!”

Markus 6:5

Un kote nashte kras job kek baro koowa an o Debleskri soor, kokres i nasslenge tchiwas job i wasta pre un kras len sasto, un kolla his gar bud nassele.

Louka 1:41

Har i Elisabet kowa shunas, stas o ternepen an late. Un i Elisabet was pherdo Debleskro Ducho,

Louka 1:67

Un leskro dad Zachari was pherdo Debleskro Ducho, un penas kolla laba, hoi o Dewel an leste tchiwas:

Louka 1:76

Un tu miro tchawo, tu weh ninna i Debleskro rakepaskro. Un tu djah glan o Debleste, un kreh leske i drom pre, te well lo nai pash i menshende.

Louka 15:30

Tiro tchawo, kai was kanna pale khere, kowa, kai das tire lowe win i lubjentsa, koleske maral i terni thulli grumni.

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Louka 2:11

Kau diwes was tumenge an o foro Betlehem kowa boldo, kai lell tumen dran o tchilatchepen win. Job hi ko baro rai, kolestar o Dewel penas, te well job.

Bičepangre 10:36

Job mukas i biboldenge o latcho lab te penell, te hi o Jesus Kristo kowa, kai anell len pash o Debleste. Job hi gar lengro rai kokres, na-a, job hi o rai pral halauter.

Bičepangre 13:3

Un jon chan gomme i tikno tsiro tchi un mangan o Debles an. Palle, tchiwan le i wasta ap lende un penan: “Atchenn mo Debleha!” un mukan len te djal.

Bičepangre 13:52

Un kolla, kai wan patslo, wan pherdo Debleskro Ducho, un lengro dji his bachtelo.

Bičepangre 19:6

Un o Paulo tchiwas i wasta ap lende, un o Debleskro Ducho was ap lende. Un jon rakran an wawar rakepen, un penan kowa, hoi o Dewel lende sikras.

Bičepangre 2:4

Un jon wan lauter pherdo Debleskro Ducho, un rakran an wawar rakepen. Un jon rakran ko rakepen, hoi o Debleskro Ducho len das.

Bičepangre 21:20

Har jon kowa shunan, sharan le o Debles, un penan ap o Pauleste: Miro phraal, tu dikeh har bud serja bibolde patslo wan, un lauter rikrenn pen pengri tseli sorjah ap kowa, hoi o Mose an peskre lila penas.

Bičepangre 26:15

Me penom: Rai, koon hal tu? O rai penas: Me hom o Jesus, koles tu palla leh.

Bičepangre 4:31

Ap jek kopo, har jon o Debles an-mangan, trissas i phub kote, kai jon his. Un o Debleskro Ducho was ap lauterende. Un jon penan o Debleskro lab, un kek traash his an lende.

Bičepangre 6:6

Kol murshen anan le pash o Jesuseskre bitchepangre. Kolla tchiwan i wasta ap lende, un mangan o Debles, te dell lo len soor un goswepen an lengri budi.

Bičepangre 8:17

Koi tchiwan o Petro un o Johanni i wasta ap lende, un o Debleskro Ducho peras ap lende.

Bičepangre 9:18

Ap jek kopo, har te perals ko tamlepen leskre jakendar tele, dikas lo nai pale, stas pre un mukas pes te taufrell.

Remarja 15:7

Jaake har hi o Jesus Kristes i dji tumenge, jaake hunte well tumen i dji jek o wawareske! Palle well o Dewel sharedo.

1. Korintarja 15:47

O ersto mensho was i phubjatar un dran tchik kerdo. O duito mensho, o Jesus Kristo, was dran o bolepen.

1. Korintarja 15:8

Pal lende mukas job pes mandar te dikell. Pal mande dikas les buder kek. Un me homs gar moldo, te dikap les.

1. Korintarja 9:1

Dikenn ap mande, har me hom! Me nai kroms, hoi me kamau, un me krau les gar. Hom me gar o Jesuseskro bitchepaskro? Awa, me hom o Jesuseskro bitchepaskro. Me dikom o Jesuses, maro rajes. Tumer djinenna, koon tumen ap o Debleskro drom anas. Kowa homs me.

1. Timoteo 4:14

Ma biste koi budi, hoi o Debleskro Ducho tut das, har kol phureder phrala tuke i wasta pre tchiwan, un hoi jon pral tute glan-wi penan!

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

2. Timoteo 1:6

Doleske mangau tut: Muk koi soor an tute te budrell, hoi o Dewel tut das! Tu lal koi soor, har mangom o Debles tuke, un har tchiwom tuke i wasta pre.

Filemon 1:16

Kanna hi lo tuke buder gar kokres i budepaskro. Na-a. Job hi budeder har kowa. Job hi i latcho phraal. Kowa hi lo mange, un har bud budeder hi lo kowa kanna tuke: Job hi tiro budepaskro un ninna tiro phraal an o patsepen.

Hebrearja 6:2

Ninna was tumenge penlo, te mukenn tumen te taufrell, un hoske i patslo peskre wasta ap i wawareste tchiwella. Tumenge was ninna penlo, te krell o Dewel i mulen djido, un te rakrell lo o tchatchepen pral lende win. Kowa, hoi job len dell, – o djipen har i phagi, – kowa atchell hako tsiro ap lende.

2. Petro 3:15

Dikenn, te well maro rai Jesus gar jaake sik pale, krell lo kowa, te dell lo i menshen gomme i tsiro, te wenn le pash leste. Kowa tchinas tumenge ninna maro kamlo phraal Paulo, koles o Dewel bud goswepen das.