Bičepangre 9:13 - O Debleskro Drom 2021 (Sinte)

¹³ O Anania penas: “Rai, me shunom bud pral ko mursheste, hawo tchilatcho koowa job kol patslenge an o foro Jerusalem kras.

O Debleskro Lab 2024 (Sinte-Manouche)

¹³ O Anania penas: “Ray, me shounom boud pral ko morsheste, havo čilačo koova yob kol patslenge an o foro Yerusalem kras.

Bičepangre 9:13 Iomraidhean Croise

Ezekiel 3:14

Un o ducho hadas man pre un las man krik. Un an mande his i bari choli. Kowa, hoi o baro Dewel mande sikras, his phares tchiddo ap mande.

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Bičepangre 22:4

Me lom kolen palla, kai djan ap o newo drom – me lom len jaake palla, te marom len. Murshen un djuwjen pandom, un witsrom len an o stilepen.

Bičepangre 8:3

O Saulo kras lauter, te nai marell lo i tsele patslen. Job djas an i khera, las len koi win, murshen har djuwjen, un witsras len an o stilepen.

Bičepangre 9:1

An ko tsiro his o Saules i bari choli ap kolende, kai djan o Jesuseskro drom, kamas len te marell, un djas pash ko baro rashajeste,

Bičepangre 9:21

Lauter kolla, kai shunan kowa, atchas o rakepen krik, un jon penan: “Hi kowa gar ko mursh, kai las an o foro Jerusalem i tsele patslen palla, un kamas len te marell, kolen, kai denn o Jesuseskro lab an-gole? Was job gar kate, te anell job i patslen pandlo glan kol bare rashajende an o foro Jerusalem?”

Bičepangre 9:32

Har o Petro an o tselo them trujel djas, was job ninna pash kol patslende an o foro Lidda.

Bičepangre 9:41

Un job das lat o wast un hadas lat pre. Palle das job kol patslen gole, ninna kol djuwjen, kolengre romma mulo his. Un joi his djido glan lende tardo.

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

Remarja 15:31

te wap me gar dino an i wasta kolendar, kai patsenn gar ap o Debleste an o them Judea. Mangenn les ninna, te lenn kol patsle an o foro Jerusalem kol lowe latches pre, hoi anau lenge.

Remarja 16:15

Penenn latche laba ap o Filologo un i Julia, o Nereo un leskri pheen, un ap o Olimpas un kol tsele patsle, kai pash lende hi.

1. Korintarja 1:2

ap i patslende, kai wenn khetne an o Debleskro lab an o foro Korint. Kolen rodas o Dewel win, te wenn le leskre tchawe, un te djiwenn o Jesus Kristeha khetne. Kau liil hi ninna kol tsele wawarenge, kai o Jesus Kristes an hake gaba un forja an-mangenna. Job hi lengro un maro rai.

1. Korintarja 14:33

O Dewel kamell kek tchingepen. Job kamell, te djal lauter mishto. Kowa hi jaake an hake forja, kai i patsle khetne wenna.

1. Korintarja 16:1

Kanna kamau te rakrell pral i lowe, hoi tumer khetne tchiwenn i patslenge. Krenn kowa jaake, har me les ninna penom kol patslenge an o them Galatia.

1. Korintarja 6:5

Kowa, hoi tumer kran, hi i bari ladj. Hi kek gosewo mursh mank tumende, koon nai penella, kones tchatcho hi?

Efesarja 1:1

Kau liil tchinau me, o Paulo. O Jesus Kristo bitchras man, te penap i menshenge leskro lab. Jaake kamell kowa o Dewel. Me tchinau kau liil ap kolende, kolen o Dewel win gole das an o foro Efesus, un kai patsenn ap o Jesus Kristeste.

Filiparja 1:1

Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

Hebrearja 13:24

Penenn latche laba mendar kolenge, kai denn garda ap tumende, un ninna ap i tsele patslende! I patsle dran o them Italia penenn tumenge “Atchenn o Debleha!”

Judas 1:3

Mire phrala un phenja, his i tsiro, kai kamoms tumenge an i liil te tchinell, har latcho o Dewel ap mende hi, te las lo men dran o tchilatchepen win. Pral kowa kamau me kanna buder gar te tchinell. Kanna dikau, hi feteder, te tchinap tumenge, te atchenn soreles an o patsepen. Ma mukenn tumen o Debleskro dromestar tele te anell! Leskro lab, hoi tumenge penlo was, atchell tchatcho hako tsiro.

1. Samuel 16:2

O Samuel penas: “Har nai krau kowa? Te shunell o Saul kowa, pale mukell job man te marell.” Koi pre penas o baro Dewel: “Le i terni grumni tuha, un pen ‘Me wom te anap kai grumni o baro Debleske!’