Bičepangre 8:39 - O Debleskro Drom 2021 (Sinte)

³⁹ Har jon dran o pani win djan, las o Debleskro Ducho o Filipes ap jek kopo kote krik. Un ko pralstuno dikas les buder gar. Un job djas bachteles peskro drom dureder.

O Debleskro Lab 2024 (Sinte-Manouche)

³⁹ Har yon dran o pani vin djan, las o Debleskro Dourho o Filipes ap yek kopo kote krik. Oun ko pralstouno dikas les bouder gar. Oun yob djas barhteles peskro drom doureder.

Bičepangre 8:39 Iomraidhean Croise

1. Rajengro liil 18:12

Hoi hi, te djau kanna tutar, un o baro Debleskro ducho lell tut krik un anell tut ap i wawar kotar phub, hoi me gar djinau? Un me wau palle pash o Ahab un penau leske, tu hal kai, un job hatsell tut gar? Palle mukell lo man te marell. Tu djineh, me, tiro budepaskro, shunau ap o baro Debleste fun tiknes pre.

2. Rajengro liil 2:16

Un penan ap leste: “Mer ham tire budepangre. Mashkral mende hi paash-sheel sorele mursha. Kolen muk te djal, te rodenn le tiro rajes. Kowa nai was jaake, kai las o baro Debleskro ducho les un witsras les ap i berga oder an i tala.” Koi penas job: “Na-a, mukenn len gar te djal!”

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:14

Me hom jaake bachtelo pral tiro drom, kai tu mange sikral, har te djiwap. Kowa hi mange shukeder har i baro brawlepen.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Ezekiel 11:1

Un o ducho hadas man pre un anas man glan o baro Debleskro kheer, pash ko baro wudar, hoi kote hi, kai o kham pre djala. Un glan ko baro wudar his 25 (biish-te-pantch) mursha. Un me dikom mashkral lende o Jaasanja, koleskro dad o Assur his, un o Pelatja, koleskro dad o Benaja his. Kolla his pralstune pral i menshende.

Ezekiel 11:24

Un an ko dikepen, hoi dikom, un hoi was o Deblestar, hadas man o ducho pre, un anas man pale pash kolende, kai pandlo krik anlo wan an o them Babilonia. Un ko dikepen, hoi dikom, djas krik.

Ezekiel 37:1

I soor o baro Deblestar was pral mande, un leskro ducho hidjras man win, un mukas man tele mashkral an i buchli tala. Koja his pherdo mule kokale.

Ezekiel 43:5

Un o ducho hadas man pre un anas man ap koi tikni glanstuni platsa. Un dikom o baro Debleskro railepen, kolestar o kheer pherdo his.

Ezekiel 8:3

Un job tchiwas tchomone har i wast pal mande win, un tapras man ap mire balla ap o shero. Un an ko dikepen, hoi dikom, un hoi was o Deblestar, hadas man o ducho pre dur pral i phub, un anas man an o foro Jerusalem pash o baro wudar, hoi hi ap i nordetikri rig, glan koi platsa, hoi djal trul o Debleskro kheer. Kote his i figura tardo, hoi i menshe an-mangan, un pral kolate o baro Dewel bares chojedo his.

Mateo 13:44

Kowa, kai hatsas o drom pash o Debleste, koleske hi kowa har i kutch brawlepen, hoi an i kotar phub khatedo hi. Un i mensho hatsell les, un khatrell les pale. Un job hi jaake bachtelo koi pral, te bikrell lo lauter, hoi les hi, un ginell ko kotar phub.

Mateo 3:16

un taufras o Jesuses. Har o Jesus dran o pani pral djas, djas o bolepen pre. Un job dikas o Debleskro Ducho har i parno tchirklo ap peste tele te well.

Markus 1:10

Un har o Jesus pes dran o pani hadas, dikas lo, kai djas o bolepen pre, un o Debleskro Ducho was har i parno tchirklo ap leste tele.

Bičepangre 13:52

Un kolla, kai wan patslo, wan pherdo Debleskro Ducho, un lengro dji his bachtelo.

Bičepangre 16:34

Job las len dren an peskro kheer, das len te chal un te pijell, un his bachtelo peskre tsele menshentsa, kai wan jon patslo ap o Debleste.

Bičepangre 8:29

Koi penas o Debleskro Ducho ap o Filipeste: “Dja pash ko wurdin un atch koi pashel!”

Bičepangre 8:38

Un job penas, te atchell ko wurdin tardo. Un kol dui, o Filipo un o pralstuno, djan khetne an o pani, un o Filipo taufras les.

Bičepangre 8:8

Un hakeno an kau foro his bachtelo pral kowa, hoi koi djas.

Remarja 5:2

O Jesus Kristo anas men ap o Debleskro drom un kras menge o wudar pre, te djiwas o Debleha khetne. Jaake latcho his lo menge. Un mer djinah: O diwes wella, kai djiwah leha khetne an leskro railepen. Pral kowa ham bachtelo.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Filiparja 4:4

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

Jakobo 4:16

Kowa penenn tumer gar. Tumer krenn tumen bares, un sharenn tumen pral kowa, hoi tumer krenna. Tumaro sharepen hi gar mishto.