Bičepangre 8:36 - O Debleskro Drom 2021 (Sinte)

³⁶ Koi wan le pash o pani, un ko pralstuno penas: “Koi hi pani. Hi mange tchomone an o drom tchiddo, te mukap man te taufrell?”

O Debleskro Lab 2024 (Sinte-Manouche)

³⁶ Koy van le pash o pani, oun ko pralstouno penas: “Koy hi pani. Hi mange čomone an o drom čiddo, te moukap man te taufrell?”

Bičepangre 8:36 Iomraidhean Croise

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Mateo 3:11

Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

Mateo 3:6

Un jon penan glan i menshende hawo tchilatcho koowa jon kran, un mukan pen lestar an o pani Jordan te taufrell.

Johanni 3:23

Ninna o Johanni taufras i menshen pash o gab Ainon, hoi his pash o foro Salim tchiddo. Koi his bud pani. I menshe wan pash leste, un mukan pen lestar te taufrell.

Johanni 3:5

Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha.

Bičepangre 10:47

“Kolla lan o Debleskro Ducho jaake har mer. Nai rikrah mer len pale, te mukenn le pen te taufrell?”

Bičepangre 8:37

“Te patseh tu o tselo djijestar ap o Jesus Kristeste, nai krau me kowa,” penas o Filipo. Penas ko pralstuno: “Me patsau, kai hi o Jesus Kristo o Debleskro tchawo.”

1. Johanni 5:6

O Jesus Kristo was pash mende. Job was taufedo an o pani un meras ap o trushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kai job o Debleskro tchawo hi. Un o Debleskro Ducho penell menge kowa ninna. Un o Debleskro Ducho penell o tchatchepen.