Bičepangre 8:33 - O Debleskro Drom 2021 (Sinte)

³³ Jon kran leha, har te wals lo tchi moldo un rakran gar o tchatchepen, har anan le les glan i tchatchepangre. Kek nai rakrell leskre tchawendar. Leskro djipen was kai phubjatar krik lino.

O Debleskro Lab 2024 (Sinte-Manouche)

³³ Yon kran leha, har te vals lo či moldo oun rakran gar o čačepen, har anan le les glan i čačepangre. Kek nay rakrell leskre čavendar. Leskro djipen vas kay phoubyatar krik lino.

Bičepangre 8:33 Iomraidhean Croise

Hiob 27:2

O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

Hiob 34:5

O Hiob penas: “Me hom an o tchatchepen tardo. Un miro tchatchepen las o Dewel mandar krik.

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Debleskri gili 22:30

Ninna i brawele ap kai phub, kolen hako tsiro budeder hi har doha chapaske, hunte witsrenn pen tele glan leste. Ninna hakeno, kai meras un pale tchik was, hunte perell ap i tchanga glan leste.

Jesaja 10:2

An i tchorwelengro koowa rakrenn le kek tchatchepen win. Un kolenge, kai gar an-dikle hi mank mire menshende, lenn le kowa krik, hoi lenge pal o tchatchepen hi. Jon lenn kowa krik, hoi i djuwjen hi, kolengre romma meran, un tchorenn i tchawen win, kolen kek dad buder hi.

Jesaja 5:23

Djungeles djal kolenge, kai i lowenge koles an o tchatchepen tchiwenn, kai doosh ap peste anas, un kolenge lengro tchatchepen krik lenn, kai an o tchatchepen tardo hi.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Jesaja 53:12

Doleske dau me les i platsa mank i bare un sorele rajende. Doleske, te das job peskro djipen an o merepen. Ninna te dikan i menshe ap leste, har te wals lo i tchilatcho, las job i doosh kol budendar ap peste, un mangas o Debles i tchilatchenge.

Jesaja 53:7

Job was phares dino, un rikras kowa win, un das kek gole. Har sau terno bakro his lo, koles jek koi anella te well lo maredo. Un har sau bakro, hoi gar gole dell, te wenn lestar i balla tele tchinlo. Jaake kras job peskro mui gar pre.

Jesaja 53:8

Job was stildo un glan i tchatchepangre anlo un krik lino, te well lo maredo. Un kek nai rakrell leskre tchawendar, kai pal leste wenna. I doshake mire menshendar was job win tserdedo dran o them, kai i djide djiwenn.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

Habakuk 1:4

O tchatchepen nashrell peskri soor, un well buder gar win rakedo. Kowa hoi i tchatchepangre mursha penenn, dell i tchilatchenge tchatcho un gar i latchenge. Jaake well dran o tchatchepen chochepen.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Bičepangre 8:34

Har ko pralstuno kowa draweras, putchas lo o Filipestar: “Konestar rakrell o Debleskro rakepaskro? Rakrell job pestar? Rakrell job i wawarestar?”