Bičepangre 8:17 - O Debleskro Drom 2021 (Sinte)

¹⁷ Koi tchiwan o Petro un o Johanni i wasta ap lende, un o Debleskro Ducho peras ap lende.

O Debleskro Lab 2024 (Sinte-Manouche)

¹⁷ Koy čivan o Petro oun o Yohanni i vasta ap lende, oun o Debleskro Dourho peras ap lende.

Bičepangre 8:17 Iomraidhean Croise

4. Mose 27:18

Un o baro Dewel penas ap o Moseste: “Le o Josua pash tute, koleskro dad o Nun hi. O Josua hi i mursh, ap koleste miro ducho tchiddo hi. Un tchip tire wasta ap leste,

4. Mose 8:10

Un tu aness kol Levitarjen glan o baro Debleste. Un kol Israelitarja hunte tchiwenn pengre wasta ap lende, te sikrenn le, jon hi kolla, kolen i Israelitarja o baro Debleste denna, te krenn jon i budi an leskro kheer. Un o Aron anell i Levitarjen glan o baro Debleste.

Markus 5:23

un mangas les o tselo djijeha un penas: “Miri tchai hi ap o merepen tchiddo. Am un tchip tire wasta ap late, te well li sasto, un te djiwell li!”

Bičepangre 13:3

Un jon chan gomme i tikno tsiro tchi un mangan o Debles an. Palle, tchiwan le i wasta ap lende un penan: “Atchenn mo Debleha!” un mukan len te djal.

Bičepangre 19:6

Un o Paulo tchiwas i wasta ap lende, un o Debleskro Ducho was ap lende. Un jon rakran an wawar rakepen, un penan kowa, hoi o Dewel lende sikras.

Bičepangre 2:4

Un jon wan lauter pherdo Debleskro Ducho, un rakran an wawar rakepen. Un jon rakran ko rakepen, hoi o Debleskro Ducho len das.

Bičepangre 6:6

Kol murshen anan le pash o Jesuseskre bitchepangre. Kolla tchiwan i wasta ap lende, un mangan o Debles, te dell lo len soor un goswepen an lengri budi.

Bičepangre 8:18

Har o Simon dikas, kai o Debleskro Ducho ap lende was, har o Jesuseskre bitchepangre i wasta ap lende tchiwan, kamas job len lowe te dell,

Bičepangre 9:17

O Anania djas koi, was an ko kheer, tchiwas i wasta ap o Sauleste un penas: “Miro phraal Saulo, maro rai Jesus bitchras man, kowa, kai mukas pes ap ko drom tutar te dikell. Job kamell, te dikess tu nai pale, un te wess pherdo Debleskro Ducho.”

Remarja 1:11

O tselo djijeha kamau tumen te dikell, te nai sikrap tumende, hoi o Debleskro Ducho mande sikras, te krap tumaro patsepen soreles.

1. Timoteo 4:14

Ma biste koi budi, hoi o Debleskro Ducho tut das, har kol phureder phrala tuke i wasta pre tchiwan, un hoi jon pral tute glan-wi penan!

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

2. Timoteo 1:6

Doleske mangau tut: Muk koi soor an tute te budrell, hoi o Dewel tut das! Tu lal koi soor, har mangom o Debles tuke, un har tchiwom tuke i wasta pre.

Hebrearja 6:2

Ninna was tumenge penlo, te mukenn tumen te taufrell, un hoske i patslo peskre wasta ap i wawareste tchiwella. Tumenge was ninna penlo, te krell o Dewel i mulen djido, un te rakrell lo o tchatchepen pral lende win. Kowa, hoi job len dell, – o djipen har i phagi, – kowa atchell hako tsiro ap lende.