Bičepangre 7:52 - O Debleskro Drom 2021 (Sinte)

⁵² Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

O Debleskro Lab 2024 (Sinte-Manouche)

⁵² Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

Bičepangre 7:52 Iomraidhean Croise

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 19:14

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

2. Familjakro liil 36:15

Un o baro Dewel, lengro phurengro Dewel, bitchras bud bitchepangren pash lende, te dell lo len trad. Les khaitan peskre menshen un peskro kheer.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Jeremia 2:30

Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

Jeremia 20:2

das lo les, un pandas leskre herja an i kotar kasht pash o wudar, hoi kharell Benjamineskro Wudar, un hi pash o baro Debleskro kheer.

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jeremia 26:23

Kolla tapran o Uries un anan les pale pash o baro rajeste Jojakim. Kowa mukas les o chareha mulo te dell un pash i tchorwelende te paskrell.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Mateo 5:12

Giwenn un denn gole i bachtjatar ap ko diwes! O Dewel dell tumen i baro brawlepen an o bolepen. Jaake har jon tumen palla lenna, jaake lan le o Debleskre rakepangren an o phuro tsiro ninna palla.

Louka 6:23

Awenn bachteles ap ko diwes, un khelenn i bachtjatar! O Dewel dell tumen i baro brawlepen an o bolepen. Kowa, hoi i menshe kanna tumentsa krenna, kowa kran ninna lengre phure ap o Debleskre rakepangre an o phuro tsiro.

Johanni 16:10

O Debleskro tchatchepen dikenn le ap kowa, kai me djau pash o dadeste, un tumer dikenn man buder gar.

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Bičepangre 22:14

Palle penas lo ap mande: “Ko Dewel mare dadendar rodas tut win, te djiness tu, hoi job kamella, un te dikess tu koles, kai hi kek tchilatchepen an leste, un shuness, hoi job penella.

Bičepangre 3:18

Lauter was jaake, har o Dewel kowa penas. Leskre rakepangre penan glan i rah tsiro, kai hunte merell ko baro rai, kolestar o Dewel penas, te well job un lell i menshen dran o tchilatchepen win.

Bičepangre 3:24

Ninna o Samuel un kol wawar rakepangre, kai pal leste wan, rakran pral kal diwessa, kai mer kanna djiwah.

Bičepangre 4:10

Jaake hunte djinenn tumer un i tsele menshe an o them Israel: O Jesus Kristo dran Nazaret, koles tumer ap o trushel dan, kras kau murshes sasto. Kau Jesuses mukas o Dewel i mulendar pre te stell.

1. Tessalonikarja 2:15

I bibolde maran o Jesus Kristes. Glan leste maran le o Debleskre rakepangren. Men lan le ninna palla. Jon choirenn o Debles. Un ap i tsele menshende hi jon tchilatcho.

2. Timoteo 3:4

Jon hi phukepangre. Jon wenn sik chojedo. Jon phurdenn pen pre. Jon kamenn budeder pengro khelepen har o Debles.

1. Petro 1:11

Jon kaman ninna ko tsiro te djinell, kai kowa wella. O Jesuseskro Ducho his an lende. Un kowa sikras len kol duka, hoi wenna pral o Jesuseste, un ko railepen, hoi lell lo pal kowa.

1. Johanni 2:1

Mire tchawe, me tchinau tumenge kowa, te krenn tumer kek tchilatchepen! Un jek te kras i tchilatcho koowa, jaake hi men i rakepaskro, kai well ap mari rig un rakrell mishto menge pash maro dadeste an o bolepen. Kowa hi o Jesus Kristo, kai an o tchatchepen glan o Debleste tardo hi.

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.