Bičepangre 7:23 - O Debleskro Drom 2021 (Sinte)

²³ Har o Mose star-deesh bersha phuro his, kamas lo pal peskre menshende, i Israelitarja, te dikell. Un job djas kote, kai budran le.

O Debleskro Lab 2024 (Sinte-Manouche)

²³ Har o Mose star-deesh bersha phouro his, kamas lo pal peskre menshende, i Israelitarya, te dikell. Oun yob djas kote, kay boudran le.

Bičepangre 7:23 Iomraidhean Croise

2. Familjakro liil 30:12

Un o Debleskro wast his pral o them Juda, te kran le jek djijeha, hoi o baro rai un i pralstune lenge penan, un hoi o baro Dewel lendar kamella.

Esra 1:1

An o ersto bersh, kai o Kirus o baro rai pral o them Persia his, kras o baro Dewel, te was ko lab tchatcho, hoi lo ap o Jeremia rakras, un kowa i menshenge dureder penas. O baro Dewel das o baro rajeske, o Kirus an o dji, te mukell lo an peskro tselo them win te kharell un i lilendar halauterenge te penell:

Esra 1:5

Kote kran le pen ap o drom, te tchiwenn le o baro Debleskro kheer pale pre an o foro Jerusalem. Kolla, kai djan, his i pralstune pengre familjendar dran Juda un Benjamin, ninna i rashaja un i Levitarja, halauter kolla, kolenge o Dewel o dji pre kras, te djan le kote.

Esra 7:27

Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

2. Mose 35:21

Halauter, kolengre djia chatchan, un kai kaman pendar tchomone te dell, wan un anan tchomone o baro Debleske, te well leske i plachteno kheer kerdo, kai i rashaja nai budrenn leske, un te nai krenn le ripja kolenge.

2. Mose 35:29

Jaake anan i Israelitarja, mursha un djuwja, kolengre djia chatchan, bud koowa pendar, te well koi tseli budi kerdo, hoi o baro Dewel o Moseske penas.

2. Mose 4:18

Un palle djas o Mose pash peskro romjakro dadeste, o Jetro, pale, un penas leske: “Me kamau pale an o them Egiptia pash mire menshende te djal, te dikap, te hi le djido!” Un o Jetro penas ap o Moseste: “Dja o Debleha!”

2. Mose 7:7

Un o Mose his 80 (ochta-deesh) bersha un o Aron 83 (ochta-deesh-te-triin) bersha phuro, har jon ap o Farao rakran.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Bičepangre 15:36

Pal jek tsiro penas o Paulo ap o Barnabeste: “Djas pale pale an kol tsele forja, kai mer o Debleskro lab i menshenge penam! Dikas pal mare phralende an i wawar themma, har lenge djala!”

Bičepangre 7:24

Un kote dikas job, kai jek leskre menshendar dawa chas. Un job djas koi, te well lo ap leskri rig, un das koi Egiptares pale un das les mulo.

2. Korintarja 8:16

Me parkrau man pash o Debleste, te das job maro phrales, o Tites, i baro dji tumenge.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Debleskro tsiro 17:17

Kowa das len o Dewel an lengre djia, te krenn jon, hoi job kamella. Doleske rikrenn le lauter khetne, un denn pengri soor ko viecheste. Kowa djala lauter jaake rah, bis te was lauter jaake, har o Dewel penas.