Bičepangre 6:8 - O Debleskro Drom 2021 (Sinte)

⁸ O Stefano his i mursh pherdo Debleskro latchepen un Debleskri soor. Job kras bud baro un sorelo koowa an o Debleskri soor mank i biboldende.

O Debleskro Lab 2024 (Sinte-Manouche)

⁸ O Stefano his i morsh pherdo Debleskro lačepen oun Debleskri zoor. Yob kras boud baro oun zorelo koova an o Debleskri zoor mank i biboldende.

Bičepangre 6:8 Iomraidhean Croise

Johanni 4:48

O Jesus penas ap leste: “Te dikenn tumer gar bud Debleskro koowa, kai kek mensho nai krella, patsenn tumer gar.”

Bičepangre 6:10

O Debleskro Ducho das les goswepen, te nai rakras kek lendar leske pale.

Bičepangre 6:15

Un kol tsele pralstune dikan ap o Stefaneste, har leskro mui was jaake har i Debleskro bolepaskro.

Bičepangre 6:3

Doleske, mire phrala, rodenn mashkral tumende efta murshen win! Kolla hunte wenn mursha, kai hi pherdo Debleskro Ducho un goswepen. Kolla hunte lenn koi budi ap pende.

Bičepangre 6:5

Ko rakepen his i tsele patslenge mishto. Jon rodan o Stefanes win, koles his i sorelo patsepen un his i mursh pherdo Debleskro Ducho. Jon rodan ninna win o Filipo, o Prokoro, o Nikanor, o Timon, o Parmenas un o Nikolaus. Kowa his i gricho dran o foro Antiochia, kai las i biboldengro patsepen an un patsas kanna ap o Jesuseste.

Bičepangre 7:55

O Stefano, pherdo Debleskro Ducho, dikas an o bolepen pre, un dikas o Debleskro railepen un o Jesuses ap o Debleskri tchatchi rig tardo.

Bičepangre 8:6

Kol menshe dan jak ap kowa, hoi o Filipo penas un kras an o Debleskri soor.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

1. Timoteo 3:13

Kol budepangre, kai pengri budi mishto krenna, kolla wenn an-diklo pash i patslende, un pash o Debleste. Un len hi kek daar, te rakrenn le pral pengro patsepen ap o Jesus Kristeste.