Bičepangre 6:3 - O Debleskro Drom 2021 (Sinte)

³ Doleske, mire phrala, rodenn mashkral tumende efta murshen win! Kolla hunte wenn mursha, kai hi pherdo Debleskro Ducho un goswepen. Kolla hunte lenn koi budi ap pende.

O Debleskro Lab 2024 (Sinte-Manouche)

³ Doleske, mire phrala, rodenn mashkral t'mende efta morshen vin! Kolla hounte venn morsha, kay hi pherdo Debleskro Dourho oun gosvepen. Kolla hounte lenn koy boudi ap pende.

Bičepangre 6:3 Iomraidhean Croise

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

Jesaja 28:26

Un har job kowa hunte krell, sikras les o Dewel, kowa hoi job djinell, well lestar.

Jesaja 28:6

Un i tchatchepangre rajende dell lo o tchatchepen an o dji, te nai rakrenn le tchatchepah o tchatchepen win. Un kol kurepangren dell lo i soor, te nai tradenn le i lurden dran wawar themma pale dran o foro win.

Mateo 23:8

Tumenge penau me: Ma mukenn tumen te kharell: Mo rai! Tumer han halauter phrala. Jek kokres hi tumaro rai.

Johanni 21:23

Jaake was mashkral kol patslende penlo: Kowa merella gar. O Jesus penas gar, kai kowa gar merella. Job penas: “Te kamau me, te atchell job djido, bis te wau pale, palle hi kowa gar tiro koowa!”

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Bičepangre 1:21

Doleske hunte rodas i wawar murshes win. Kowa hunte well i mursh, kai ko tselo tsiro mentsa khetne his, har o rai Jesus mank mende his,

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Bičepangre 15:23

An ko liil, hoi jon peha lan, his tchinlo: “Kau liil tchinan o Jesuseskre bitchepangre un i phureder mank i patslende. Mer ham tumare phrala un tchinah kau liil ap i patslende, kai kek bibolde hi, un kai djiwenna an kol themma Antiochia, Syria un Cilicia.

Bičepangre 16:2

O Timoteo his i mursh, pral koleste rakran i patsle mishto an i forja Listra un Ikonion.

Bičepangre 2:4

Un jon wan lauter pherdo Debleskro Ducho, un rakran an wawar rakepen. Un jon rakran ko rakepen, hoi o Debleskro Ducho len das.

Bičepangre 22:12

Koi his i patslo mursh. Kowa kharas Anania. Job rikras pes ap kowa, hoi an o Moseskre lila tardo hi. Kowa his an-diklo pash i tsele biboldende, kai kote djiwan.

Bičepangre 28:14

Kote hatsam patslen. Kolla mangan mendar, te atchas efta diwessa pash lende. Palle djam dureder an o foro Rom.

Bičepangre 6:2

Koi dan kol deesh-te-dui Jesuseskre bitchepangre kol tsele patslen khetne gole, un penan: “Hi gar mishto, te das mer o chapen win, un men wals buder kek tsiro, te penas i menshenge o Debleskro lab.

Bičepangre 6:5

Ko rakepen his i tsele patslenge mishto. Jon rodan o Stefanes win, koles his i sorelo patsepen un his i mursh pherdo Debleskro Ducho. Jon rodan ninna win o Filipo, o Prokoro, o Nikanor, o Timon, o Parmenas un o Nikolaus. Kowa his i gricho dran o foro Antiochia, kai las i biboldengro patsepen an un patsas kanna ap o Jesuseste.

Bičepangre 6:6

Kol murshen anan le pash o Jesuseskre bitchepangre. Kolla tchiwan i wasta ap lende, un mangan o Debles, te dell lo len soor un goswepen an lengri budi.

Bičepangre 9:30

Har kol patsle kowa shunan, anan le les an o foro Cesarea, un bitchran les dureder an o foro Tarsus.

1. Korintarja 12:8

Ko jekes dell o Debleskro Ducho i gosewo lab, un i wawares, te haiwell lo, hoi o Dewel kamella. Un job penell kowa i wawarenge dureder. Hi jek Debleskro Ducho, kai kowa lauter krella.

1. Korintarja 16:3

Te wom pash tumende, rodenn tumenge murshen win, kai hi mishto an tumare jaka. Un me bitchrau len kol lowentsa an o foro Jerusalem, un dau len lila peha, hoi dren tchinlo hi, koneske kol lowe hi un konestar.

Efesarja 5:18

Ma pijenn jaake bud mool, te wenn mato! Te han mato, palle krenn tumer hako dinelo koowa. Mukenn o Debleskro Ducho o rai an tumende te well, un wenn pherdo lestar!

5. Mose 1:13

Lenn tumenge dran tumare bare familjen gosewe un an-dikle murshen, kai haiwenn, hoi mishto un gar mishto hi! Kolen tchiwau pral tumende, te wenn le tumare tchatchepangre mursha.”

1. Timoteo 5:10

Wawar menshe hunte dikenn ap late, te kras li latcho koowa, un te tserdas li peskre tchawen mishto pre. Jon hunte dikan, te las li menshen pash peste pre, un te thowas li i patslenge i herja. Jon hunte dikan, te his li kolenge koi, kolen i pharo djipen hi, un te kras li hako latcho koowa.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

3. Johanni 1:12

O Demetrio krell o latchepen. Lauter rakrenn mishto pral leste. Un leskro djipen sikrella, te hi lo an o tchatchepen tardo. Mer ninna penah, kai kowa, hoi job krella, mishto hi. Un tu djineh, kai kowa, hoi mer penah, tchatcho hi.