Bičepangre 6:1 - O Debleskro Drom 2021 (Sinte)

¹ An kol diwessa, kai i patsle budeder wan, djas i tchingepen mashkral i patslende, kai rakran hebretikes, un kol patslende, kai rakran grichtikes. Mashkral kolla, kai rakran grichtikes, his djuwja, kolengre romma mulo his. Un kolla lan gar jaake bud chapaske har kolla, kai rakran hebretikes. Doleske his kolla, kai rakran grichtikes, chojedo ap kolende, kai rakran hebretikes.

O Debleskro Lab 2024 (Sinte-Manouche)

¹ An kol divessa, kay i patsle boudeder van, djas i čingepen mashkral i patslende, kay rakran hebretikes, oun kol patslende, kay rakran grichtikes. Mashkral kolla, kay rakran grichtikes, his djouvya, kolengre romma moulo his. Oun kolla lan gar yaake boud rhapaske har kolla, kay rakran hebretikes. Doleske his kolla, kay rakran grichtikes, rhoyedo ap kolende, kay rakran hebretikes.

Bičepangre 6:1 Iomraidhean Croise

Hiob 29:13

Kolla, kai merans, te woms gar koi, rakran i bacht pral mande win. Un me krom, te giwas o dji kolatar, kolakro rom meras.

Hiob 31:16

Dom me gar o tchorweles kowa, hoi lo mandar mangas? Wom me gar koi djuwjake ap i rig, kolakro rom meras, un kai gar doha djipaske his?

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

Debleskri gili 72:16

An o them muk bud djob bares te well, te hi lo tardo bis pral ap i berge, jaake har o weesh ap i berga Libanon. An i forja mu wenn jaake bud menshe har o senlepen ap o them!

Jesaja 1:17

Dikenn, har te krenn o latchepen, denn jak, te lell hakeno peskro tchatchepen. Awenn ap i rig kolenge, kai tele rikedo wenn. Kol tchawe, kolen kek dai un kek dad hi, kolenge krenn o tchatchepen win. Un kol djuwja, kolenge o rom meras, kolengro koowa lenn an tumaro wast!”

Jesaja 27:6

Ko tsiro wella, kai well o Jakob pale sorelo. Awa, o Israel well har i ruk, koles sorele draba hi, un senelo well, un ap koleste blume pre djan, un bud rukengre win anenn. Kolendar well i tseli phub pherdo.

Jeremia 30:19

Un i menshe, kai djiwenn kote, giwenn sharepaskre gilja, un denn gole i bachtjatar. Un me dau len bud tchawe, te wenn le budeder. Me krau len railes un bares un gar tikneder.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Bičepangre 11:20

Mashkral kol patslende his ninna mursha dran Ciprus un Kirene. Kolla wan an o foro Antiochia, un penan ninna kolenge, kai kek bibolde hi, o latcho lab o rai Jesusestar.

Bičepangre 11:26

Har o Barnabas les hatsas, anas lo les an o foro Antiochia. Un kol dui atchan i tselo bersh kote pash i patslende, un penan bud menshenge o Debleskro lab. Kote dan jon i patslen ko lab Kriste.

Bičepangre 11:29

Koi penan kol patsle an o foro Antiochia: “Mer dah mare phralen an o them Judea jaake bud lowe, har hakeno nai della.”

Bičepangre 2:41

Kolla, kai lan leskre laba an pengro dji pre, mukan pen te taufrell. Un ap ko diwes wan triin serja menshe ap o Jesuseste patslo.

Bičepangre 2:45

Jon bikran kowa, hoi len his, i kotar phub un wawar kutch koowa, un dan les kol patslende, kai len tchi his.

Bičepangre 2:47

Jon sharan o Debles, un i tsele menshe dikan latches ap lende. Un hako diwes wan wawar menshe koi pashel, hoi patslo wan.

Bičepangre 4:35

un anan kol lowe pash i Jesuseskre bitchepangre. Un jon dan hakenes jaake bud, te his hakenes doha djipaske.

Bičepangre 4:4

Bud kolendar, kai shunan kol laba, hoi o Petro penas, wan patslo. Nai his pantch serja menshe.

Bičepangre 5:14

Bud mursha un djuwja patsan ap o Jesuseste un wan i patslentsa khetne.

Bičepangre 5:28

“Mer dam tumen soreles trad, te rakrenn tumer tchi buder o Jesusestar. Un kanna well lestar rakedo an o tselo foro Jerusalem. Un tumer penenn, kai mer maram les. Kamenn tumer, te well leskro rat pral mende?”

Bičepangre 6:2

Koi dan kol deesh-te-dui Jesuseskre bitchepangre kol tsele patslen khetne gole, un penan: “Hi gar mishto, te das mer o chapen win, un men wals buder kek tsiro, te penas i menshenge o Debleskro lab.

Bičepangre 6:7

O Debleskro lab was bud un budeder menshenge penlo, un bud wan patslo. An o foro Jerusalem wan ninna bud rashaja patslo.

Bičepangre 9:29

Job rakras ninna kol biboldentsa, kai rakrenn grichtikes, un tchingras lentsa pral kowa, hoi an o Debleskro lab tchinlo hi. Kal bibolde kaman les te taprell un te marell.

Bičepangre 9:39

O Petro stas pre un djas lentsa. Har job kote was, anan jon les an koi pralstuni isema, kai koi muli djuwel tchiddo hi. Bud djuwja, kolengre romma mulo hi, his kote un rowan. Kolla wan pash leste un sikran leste kol ripja, kai i Tabita kras, har joi djiwas.

Bičepangre 9:41

Un job das lat o wast un hadas lat pre. Palle das job kol patslen gole, ninna kol djuwjen, kolengre romma mulo his. Un joi his djido glan lende tardo.

Remarja 12:7

Wawar patsle haiwenn, har te wenn le nai i wawarenge koi. Koi budi hunte krenn le. Wawar haiwenn i menshenge o Debleskro drom te sikrell. Kolla hunte krenn kowa ninna.

1. Korintarja 10:10

Ma penenn, kai kowa gar mishto un doha hi, hoi o Dewel tumen das. Jaake rakran kol wawar pale te pale. Un jon wan mulo dino.

2. Korintarja 11:22

Jon hi Hebrearja. Me hom ninna jek. Jon hi bibolde. Me hom ninna jek. Jon wenna pal o Abraham. Me ninna.

5. Mose 26:12

Hako triinto bersh aness tu o deshto kotar khetne halauterestar, hoi ap tiri phub bares was. Un tu dess les i Levitarjen un i wi-themarjen un kol tchawen, kolen kek dad buder hi, un kol romjen, kolengro rom meras, te well jon ninna doha chapaske an tiro foro.

Filiparja 3:5

Me wom ap miro mass tchinlo, har homs ochta diwessa phuro. Me hom i Israelitari. Mire menshe hi Benjaminarja. Me hom i Hebreari. Un miro dad un miri dai hi ninna Hebrearja. Un me homs i Farisari, un djiwom pal o Moseskre lila.

1. Timoteo 5:3

Kanna rakrau pral kol djuwjende, kolengre romma buder gar djiwenna. De jak, te well kolen doha djipaske, kai hi len tchatchepah kek menshe, kai lenge koi hi.

1. Timoteo 5:9

Kanna rakrau pral ko liil, kai i laba kol djuwjendar dren tchinlo wenna, kolakro rom buder gar djiwella. Te hi jek lendar terneder har shob-deesh bersh (60), ma tchin lakro lab pre! Koja, kai well dren tchinlo, kolat hunte his jek rom.

Hebrearja 13:1

Mukenn gar tele, te kamenn i phralen un i phenjen o tselo djijestar!

Jakobo 1:27

Kanna penau tumenge, hoi o Dewel, maro dad, kamella, un hoi hi latcho glan leskre jaka: Krenn latchepen i tchorwele djuwjenge, kolen kek rom buder hi! Krenn ninna latchepen kol tchorwele tchawenge, kolen kek dad un dai buder hi! Ma mukenn tumen dren an ko tchilatcho koowa, hoi i menshe ap kai phub krenna.

Jakobo 4:5

O Debleskro lab penell gar tchitcheske: O Debleskro Ducho, kai an mende khere hi, kamell men peske kokres.

Jakobo 5:9

Mire phrala, ma rakrenn chojemen jek pral o wawareste, te lenn kek phagi o Deblestar! O Dewel, kai rakrell o tchatchepen win pral i menshende, hi kanna glan o wudar tardo.