Bičepangre 5:39 - O Debleskro Drom 2021 (Sinte)

³⁹ Te hi ko koowa o Deblestar, palle nai phagenn les gar. Denn jak, te tchingrenn tumer gar ap o Debleste.” Un jon shunan ap o Gamalijel.

O Debleskro Lab 2024 (Sinte-Manouche)

³⁹ Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

Bičepangre 5:39 Iomraidhean Croise

1. Mose 24:50

Koi penan o Laban un o Betuel: “Kau koowa kras halauter o baro Dewel. Pral ko koowa nai penah mer tchi, kek latcho koowa, witar kek tchilatcho koowa.

2. Samuel 5:2

Glan i rah tsiro har o Saul baro rai pral mende his, anal tu o Israel an o kurepen un pale khere. Un o baro Dewel penas tuke ninna: ‘Tu dess jak ap mire menshende Israel, un tu wess o rai pral o Israel.’”

1. Rajengro liil 12:24

Jaake penell o baro Dewel: “Ma djan pre, te kurenn tumen tumare phralentsa, kol murshentsa an Israel! Djan pale khere, hakeno an peskro kheer. Kau tselo koowa was mandar.” Kote shunan jon ap o lab o baro Deblestar un djan pale pale, hakeno an peskro kheer, har o baro Dewel lenge penas.

2. Rajengro liil 19:22

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Gosewe laba 21:30

Kote dell kek goswepen, tchi hoi jek feteder nai djinals un penals, har nai krell o baro Dewel.

Jesaja 43:13

Un kowa atchau me ninna. Kek hi koi, kai nai lell win dran miro wast, un tchiwell pes mange an o drom.

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Bičepangre 11:17

Me dikom, o Dewel das lende ninna peskro Ducho, jaake har job mende das, har mer patsam ap o rajeste, o Jesus Kristeste. Koon hom me, te rikrap me o Debles pre?”

Bičepangre 23:9

Halauter dan bari gole, un kol tchatchepangre, kai ninna Farisarja his, stan pre un tchingran, un penan: “Mer hatsah kek tchilatchepen ap leste. Te rakras i bolepaskro ap leste, hoi krah mer palle? Te rakras i mulo ap leste, hoi krah mer palle?”

Bičepangre 6:10

O Debleskro Ducho das les goswepen, te nai rakras kek lendar leske pale.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

Bičepangre 9:5

Penas lo: “Rai, koon hal tu?” Kowa penas: “Me hom o Jesus, koles, kai tu palla leh.

1. Korintarja 1:25

Ninna te penenn i wawar menshe: “Kowa, hoi o Dewel krella, hi dinlepen,” hi job gosweder har i menshe. Ninna te penenn le: “O Debles hi kek soor,” hi job sorleder har jon.

1. Korintarja 10:22

Ma choirenn o Debles! Mer ham gar sorleder har job.