Bičepangre 4:36 - O Debleskro Drom 2021 (Sinte)

³⁶ Jaake kras kowa ninna o Josef. Kowa his i Levitari un was dran o them Ciprus. O Jesuseskre bitchepangre dan les ninna Barnabas gole. Ko kharella ap lengro rakepen: O mursh, kai rakrell i menshentsa latcho, te hi lengro dji pharo.

O Debleskro Lab 2024 (Sinte-Manouche)

³⁶ Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.

Bičepangre 4:36 Iomraidhean Croise

Markus 3:17

un o Jakobo un leskro phraal o Johanni. Lengro dad hi o Zebedeo. Kolen das lo ko lab Boanerges. Kowa kharella Mursha pherdo choli.

Bičepangre 11:30

Un jon dan o Barnabes un o Saules kol lowe, te denn jon kol lowe kolende, kai hi i phureder mank i patslende an o them Judea.

Bičepangre 12:25

O Barnabas un o Saulo anan kol lowe i patslenge an o foro Jerusalem. Palle wan le pale an o foro Antiochia. Lentsa djas o Johanni Marko.

Bičepangre 13:1

Mashkral i patslende an o foro Antiochia his Debleskre rakepangre un sikepangre. Kolla his o Barnabas un o Simon, ap koleste penan le Kalo, ninna o Lucio dran o foro Kirene, un o Manaen. Kowa his i maal o baro rajestar Herodes Antipas. Un o Saulo his ninna mank lende.

Bičepangre 13:15

Koi pal, har i bibolde dran kol lila glan draweran, hoi o Mose un o Debleskre rakepangre tchinan, mukan lenge kol pralstune pral i biboldengri kangri te penell: “Mare phrala, te kamenn tumer menge i lab te penell, hoi krell men sorelo an o patsepen, penenn les menge!”

Bičepangre 13:2

His i diwes, kai sharan le o Debles un chan tchi, te wenn le leske feteder koi. Koi penas lenge o Debleskro Ducho: “Bitchrenn o Barnabes un o Saules win, te krenn le koi budi, hoi me len dau. Me dom len gole, te krenn le kowa.”

Bičepangre 13:4

O Debleskro Ducho bitchras o Barnabes un o Saules an o foro Seleucia. Un palle uleran le ap o shiffo an o them Ciprus.

Bičepangre 15:12

Koi tchingran kol tsele menshe buder gar lentsa, un shunan ap o Pauleste un o Barnabeste, har kolla lenge penan, hawo baro un sorelo koowa o Dewel mashkral kolende kras, kai kek bibolde hi.

Bičepangre 15:2

Har o Paulo un o Barnabas kowa shunan, penan le kol murshenge: “Hi gar tchatcho, hoi tumer i patslenge penan!” Koi his len i baro tchingepen lentsa. Koi pre penan lenge i phrala, te djan jon dui i wawar phralentsa an o foro Jerusalem pash o Jesuseskre bitchepangre un pash i phureder mank i patslende, te putchenn le lendar, hoi jon pral kowa penenna.

Bičepangre 15:37

O Barnabas kamas ninna o Johanni Markes peha te lell.

Bičepangre 15:39

Un kote tchingran pen o Paulo un o Barnabas pral o Markeste jaake, kai djas hakeno peskro drom. O Barnabas las o Markes peha, un jon uleran ap o shiffo an o them Ciprus.

Bičepangre 21:16

Mentsa djan ninna patsle dran o foro Cesarea. Jon anan men pash o Menason. Kowa his i patslo, kai was dran o them Ciprus, un was glan o rah tsiro patslo. Pash leste atcham nai i tsiro.

Bičepangre 21:3

Har wam jaake dur, te dikam nai o them Ciprus, mukam kowa serwes tchiddo, un uleram ap o shiffo an o them Syria, un wam an o foro Tirus. Koi anan jon o tselo koowa, hoi o shiffo hidjras, an o foro.

Bičepangre 27:4

Har mer dureder uleram, phurdas i baro ducho pral o baro pani. Doleske uleram mer ap koi rig ko themestar Ciprus, kai ko baro ducho gar jaake soreles phurdas.

Bičepangre 9:27

O Barnabas las les pash peste un anas les pash kol Jesuseskre bitchepangre, un penas lenge, har o Saulo ap ko drom, kai djal an o foro Damaskus, o rai Jesuses dikas, un kowa leha rakras, un har job an o foro Damaskus i menshenge o Jesusestar penas, un les kek daar his, te rakrell lo lestar.

1. Korintarja 14:3

Kowa, kai penell i menshenge i lab, hoi wella o Deblestar, kowa rakrell jaake ap i menshende, te well lengro patsepen soreles, un te wenn lengre djia bachteles un soreles.

1. Korintarja 9:6

Me putchau tumendar: Hunte budrap me un o Barnabas maro chapaske kokres?

Galatarja 2:1

Pal deesh-te-star bersha djom pale an o foro Jerusalem. O Dewel sikras mande, te djap koi. O Barnabas djas mantsa. Un o Tito his ninna pash mande. An o foro Jerusalem djom pash i pralstunende mank i patslende, un penom lenge, har sikrau me o Debleskro drom kol menshende, kai kek bibolde hi. Me kamom te djinell, te hi kowa lenge mishto, hoi me penau, te well koi budi, hoi me krau un krom, gar tchitcheske.

Galatarja 2:13

Jaake har o Kefas dui tchipjentsa rakras, kran ninna kol wawar patsle bibolde. Har o Barnabas len dikas, kras job ninna jaake har jon, un tserdas pes kol patslendar pale, kai kek bibolde hi, te well lo an-diklo pash i biboldende.

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

Kolossarja 4:10

O Aristarcho, kai mantsa an o stilepen hi, penell tumenge “Atchenn o Debleha!” Ninna o Marko un ko Josua, kai ninna Justo kharella, penenn tumenge “Atchenn o Debleha!” O Marko hi o kakeskro tchawo o Barnabestar. Te well lo pash tumende, lenn les kamles pre, har penom tumenge glan i tsiro! Kolla triin mursha hi bibolde, kai ap o Jesus Kristeste patsenna. I tsele biboldendar, kai kate hi, krenna kol triin kokres mantsa khetne o Debleskri budi. Jon dan man soor an miro dji.