Bičepangre 4:21 - O Debleskro Drom 2021 (Sinte)

²¹ Koi dan le len soreles trad, un mukan len te djal. Jon hatsan tchi ap lende, kai nai dans jon lenge i phagi. I menshe sharan o Debles pral kowa, hoi koi djas.

O Debleskro Lab 2024 (Sinte-Manouche)

²¹ Koy dan le len zoreles trad, oun moukan len te djal. Yon hatsan či ap lende, kay nay dans yon lenge i phagi. I menshe sharan o Debles pral kova, hoy koy djas.

Bičepangre 4:21 Iomraidhean Croise

Mateo 15:31

Un i tsele menshe, kai trul leste tardo hi, kran bare jaka, har jon dikan, har i nassele sasto wan. Kolla, kai nashte rakran gar, rakrenn nai. Un kolla, kolengre wasta un herja gar sasto his, len hi kanna saste wasta un herja. Un i bange nai djana. Un i korele nai dikenna. Har i menshe kowa dikan, sharan le o Israeleskro Debles.

Mateo 21:46

Un jon kaman les te taprell, un kran kowa gar. Jon daran i menshendar. Kolla patsan, kai hi o Jesus o Debleskro rakepaskro.

Mateo 26:5

“Mer taprah les gar ap o Passa,” penan le, “te wenn i menshe gar diwjo un chojedo ap mende.”

Mateo 9:33

Un o Jesus tradas o benges win. Har ko beng win his, nai rakras ko mursh pale. Un kol bud menshe, kai kote tardo his, kran bare jaka un penan: “Kek tsireske was sawo koowa an o them Israel diklo.”

Mateo 9:8

Un har kol bud menshe kowa dikan, daran le o Deblestar un sharan les, kai das i menshes jaake bud soor.

Louka 13:17

Har job kowa penas, ladjan lauter, kai chojedo ap leste his. Un kol bud wawar, kai kote tardo hi, his bachtelo pral ko tselo railo koowa, hoi o Jesus kras.

Louka 20:19

Un i biboldengre tchatchepangre un i bare rashaja haiwan, kai rakras o Jesus lendar. Un jon kaman te taprenn le les sik pal leskro rakepen, te tchiwenn le les an o stilepen. Jon trashan i menshendar. Doleske tapran le les gar.

Louka 20:6

Te penah mer leske: I menshe bitchran les, witsrenn le barrentsa ap mende, te marenn le men. Jon patsenn soreles, te hi lo i Debleskro rakepaskro.”

Louka 22:2

Un i bare rashaja un i biboldengre tchatchepangre rodan i drom, har jon nai marenn o Jesuses. Jon kaman les gar glan kol bud menshende te taprell. Kolendar daran le.

Louka 5:26

Un kolla, kai dikan kowa, kran bare jaka, un sharan o Debles. Un i bari traash was ap lende, un jon penan: “Mer dikam kau diwes i baro koowa.”

Bičepangre 4:17

Das len soreles trad, te penenn jon kekeske buder tchi o Jesusestar, te djal ko rakepen gar dureder pash i tsele menshende!”

Bičepangre 4:22

Ko mursh, kai sasto was, his star-deesh bersha phuro.

Bičepangre 5:13

Kol wawar, kai gar patsle his, trashan, te beshenn le pen pash lende. Ninna te trashan le lendar, rakran le lendar mishto.

Bičepangre 5:26

Koi djas ko pralstuno klisto kol wawar klistentsa an o Debleskro baro kheer, un lan i Jesuseskre bitchepangre win. Kowa kran le kek sorjah. I kliste daran i menshendar, te marenn le len i barrentsa.

Bičepangre 5:40

Palle dan jon o Jesuseskre bitchepangren gole, dan len dawa i tchupnijah, un dan len trad, te rakrenn le buder gar o Jesusestar. Un palle mukan le len te djal.