Bičepangre 4:20 - O Debleskro Drom 2021 (Sinte)

²⁰ Mer nai rikrah gar maro mui pral kowa, hoi dikam un shunam.”

O Debleskro Lab 2024 (Sinte-Manouche)

²⁰ Mer nay rikrah gar maro mouy pral kova, hoy dikam oun shounam.”

Bičepangre 4:20 Iomraidhean Croise

2. Samuel 23:2

O baro Debleskro ducho rakras dran mande, un leskre laba hi ap miro tchip.

Jeremia 1:7

O baro Dewel penas ap mande: Pen gar: Me hom gar phuro doha! Tu hunte djas, kai me tut bitchrau. Un pen halauter, hoi me tuke penau.

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Jeremia 6:11

Tiri choli pral lende chatchell ninna an mande. Me nai rikrau lat gar pale. Koi penas o baro Dewel ap mande: Palle tchore miri choli pral lende win: pral kol tchawende ap o drom, un pral kol terne murshende. Jon lauter, mursha un djuwja, ninna kol phure un an-dikle, wenn pandles krik anlo.

Ezekiel 3:11

Dja pash i menshende dran tiro them, kai pandles krik anlo wan an o them Babilonia! Rake ap lende un pen lenge, hoi me o baro Dewel, lengro rai, kamell lenge te penell! Nai well, te shunenn le. Nai well, te shunenn le gar.

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?

Micha 3:8

Man hi i bari soor. O baro Dewel tchiwas peskro ducho an mande. un kras miro dji pherdi soor, te rakrap o tchatchepen win, te penap o Jakobeskre tchawenge pengri doosh, awa, te sikrap i Israelenge kai le o Debleskro dromestar tele djan.

4. Mose 22:38

Penas o Bileam ap leste: “Ake hom. Shun, me nai rakrau tchi wawar har kowa, hoi mange o baro Dewel an o mui tchiwas. Kowa kokres nai rakrau me.”

4. Mose 23:20

Shun, job penas mange te rakrap i bacht pral kol menshende win. Job tchiwas i bacht pral lende. Un me nai krau tchi wawares.

Louka 1:2

Jon tchinan pre, hoi kolla penan, kai kote pashel his un kowa lauter dikan.

Bičepangre 1:22

ko tsirestar, kai mukas job pes o Johannestar te taufrell, bis ap ko diwes, kai was lo mendar an o bolepen lino. Kau mursh hunte penell mentsa khetne i menshenge, kai o Jesus i mulendar pre stas.

Bičepangre 1:8

Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

Bičepangre 18:5

Har o Silas un o Timoteo dran o them Macedonia wan, tchiwas o Paulo peskri budi ap i rig, te nai penell lo i menshenge o Debleskro lab. An o Debleskro lab sikras lo i biboldende, kai o Jesus ko baro rai hi, koles o Dewel bitchras.

Bičepangre 2:32

Kau Jesuses mukas o Dewel i mulendar pre te stell. Kowa djinah mer. Mer halauter dikam les djido.

Bičepangre 2:4

Un jon wan lauter pherdo Debleskro Ducho, un rakran an wawar rakepen. Un jon rakran ko rakepen, hoi o Debleskro Ducho len das.

Bičepangre 22:15

Tu hunte rakress lestar glan i tsele menshende un peness, hoi tu dikal un shunal.

Bičepangre 3:15

Ko rajes, kai o djipen della, maran tumer. Koles mukas o Dewel i mulendar pre te stell. Kowa djinah mer, mer dikam les.

Bičepangre 5:32

Kowa dikam mer un penah nai tumenge, un o Debleskro Ducho ninna. Koles dell o Dewel kolende, kai shunenn ap leste.”