Bičepangre 3:20 - O Debleskro Drom 2021 (Sinte)

²⁰ Palle well ko latcho tsiro, kai dell tumen o Dewel newi soor. Job bitchrell tumenge koles, kai was tumenge glan i rah tsiro win rodedo. Kowa hi o Jesus Kristo.

O Debleskro Lab 2024 (Sinte-Manouche)

²⁰ Palle vell ko lačo tsiro, kay dell t'men o Devel nevi zoor. Yob bičrell t'menge koles, kay vas t'menge glan i rah tsiro vin rodedo. Kova hi o Yezous Kristo.

Bičepangre 3:20 Iomraidhean Croise

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Mateo 24:3

Pale djas lo ap i djeteskri berga un beshas pes. Leskre mala kokres his pash leste un putchan lestar: “Ap hawo tsiro well o Debleskro baro kheer tele phagedo? Har nai dikas mer, te was ko tsiro, kai tu pale weh, un o Dewel o rai hi pral halauter?”

Markus 13:26

Palle dikenn le o Menshengro Tchawes, har well lo an i wolke bari sorjah un railepen.

Louka 19:11

O Jesus his gar dur o forestar Jerusalem, un i menshe patsan, kai ko tsiro kanna kai hi, kai o Dewel sikrella, te hi lo o rai pral i tseli phub. Koi penas o Jesus lenge laba, kai i khatedo tchatchepen dren hi,

Louka 21:27

Un palle dikenn i tsele menshe o Menshengro Tchawes, har well lo ap i wolka bari sorjah un railepen.

Bičepangre 17:31

O Dewel djinell ko diwes, kai rakrell lo o tchatchepen win pral i tsele menshende, un job djal pal o tchatchepen. O Dewel rodas i murshes win, te well job tchatchepaskro rai. Koles kras job i mulendar djido. Jaake sikras o Dewel hakeneste, kai job kau murshes win rodas.”

Bičepangre 3:19

Mukenn tumaro phuro djipen un awenn pash o Debleste, te lell job tumari doosh tumendar!

Bičepangre 3:21

Job atchell an o bolepen jaake rah, bis te well ko tsiro, kai wella lauter newes kerdo. Kowa penan menge o Debleskre rakepangre glan i rah tsiro. O Dewel penas les lenge.

2. Tessalonikarja 2:2

Mer mangah tumen: Ma mukenn tumen dinelo un dareno te krell, te penenn i menshe tumenge: “Ko diwes hi kanna kai.” Ma patsenn lenge ninna, te penenn le, te sikras len o Dewel kowa, witar gar, te penenn le, te lans le i liil mendar, kai mer kowa tchinams!

2. Tessalonikarja 2:8

palle sikrell pes ko tchilatcho mensho, har job tchatchepah hi. Koles marell maro rai Jesus ap ko diwes, kai well lo pale. Job phurdell ap leste, un kowa merella.

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.