Bičepangre 3:16 - O Debleskro Drom 2021 (Sinte)

¹⁶ Mer patsah ap leste. Doleske was kau mursh sasto. Tumer prindjrenn les lauter un djinenn, kai job nashas nai gar. Job patsas ap o Jesus Kristeste, un kowa kras les sasto.

O Debleskro Lab 2024 (Sinte-Manouche)

¹⁶ Mer patsah ap leste. Doleske vas kava morsh sasto. T'mer prindjrenn les lauter oun djinenn, kay yob nashas nay gar. Yob patsas ap o Yezous Kristeste, oun kova kras les sasto.

Bičepangre 3:16 Iomraidhean Croise

Mateo 14:29

“Ab!” penas lo. Un o Petro djas dran o bero, un djas ap o pani pash o Jesuseste.

Mateo 9:22

Un o Jesus rissras pes trujel, dikas lat, un penas ap late: “Romnija ma traash! Tiro patsepen kras tut sasto.” Un ap kau tsiro was koi djuwel sasto.

Johanni 14:12

Tchatchepah, me penau tumenge: Koon ap mande patsella, krell ninna kowa, hoi me krau. Un job krell bareder koowa har me, kanna, kai djau me pash o dadeste.

Johanni 7:23

Tumer tchinenn tumare tchawen ap o mass ap o Debleskro diwes, te well rikedo, hoi o Mose tchinas an peskre lila. Hoske han tumer jaake chojedo ap mande, kai krom i tselo menshes sasto ap o Debleskro diwes?

Bičepangre 14:9

Kowa shunas, hoi o Paulo rakras. Un har o Paulo haiwas, kai job patsella, kai o Jesus nai krell les sasto, dikas lo ap leste,

Bičepangre 16:18

Kowa das li gole hako diwes. O Paulo was chojedo, un rissras pes trujel, un penas ap ko bengeste, kai hi an late: “Me penau tuke an o Jesus Kristeskro lab: Dja dran late win!” Koi djas o beng dran kai rakli win.

Bičepangre 3:6

O Petro penas: “Rup un sonakai hi man gar. Hoi man hi, dau me tut. An o lab o Jesus Kristestar dran Nazaret penau me tuke: Ste pre un dja trujel!”

Bičepangre 3:8

Job stas sik pre, nai djas, un djas lentsa an o Debleskro baro kheer, nashas un stas trujel un sharas o Debles.

Bičepangre 4:10

Jaake hunte djinenn tumer un i tsele menshe an o them Israel: O Jesus Kristo dran Nazaret, koles tumer ap o trushel dan, kras kau murshes sasto. Kau Jesuses mukas o Dewel i mulendar pre te stell.

Bičepangre 4:30

Sike lende tiri soor! Kre i nasselen sasto, un kre bud baro un sorelo koowa an ko lab o Jesusestar, kai tutar was un tiro budepaskro hi!”

Bičepangre 4:7

Un jon mukan o Jesuseskre bitchepangren glan pende te anell, un jon putchan lendar: “An koneskri soor un an koneskro lab kran tumer kowa?”

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.