Bičepangre 28:8 - O Debleskro Drom 2021 (Sinte)

⁸ Leskro dades his i djungelo nasslepen an o per. Leskro tselo shero his tato, un job his an o tchiben tchiddo. O Paulo djas pash leste, mangas o Debles leske, tchiwas peskre wasta ap leste, un kras les sasto.

O Debleskro Lab 2024 (Sinte-Manouche)

⁸ Leskro dades his i djoungelo nasslepen an o per. Leskro tselo shero his tato, oun yob his an o čiben čiddo. O Paulo djas pash leste, mangas o Debles leske, čivas peskre vasta ap leste, oun kras les sasto.

Bičepangre 28:8 Iomraidhean Croise

Mateo 10:1

Un o Jesus das peskre deesh-te-dui malen pash peste gole, un das len i soor pral i benga, te nai tradenn le len dran i menshende win, un te nai krenn le lauteren sasto, kai nasselo hi.

Mateo 10:8

Krenn i nasselen sasto, un krenn i mulen djido! Un kolla, kai i djungelo nasslepen ap o mass hi, kolen krenn ninna sasto! Tradenn i bengen dran i menshende win! Kai soor dom tumen tchitcheske. Doleske krenn kowa ninna tchitcheske, un lenn kek lowe lendar!

Mateo 12:13

Un ap ko mursheste penas lo: “Hade tiro wast pre!” Un job hadas peskro wast pre. Un leskro wast was sasto, har ko wawar wast.

Mateo 9:18

Un har job kowa rakras, was i pralstuno pral i biboldengri kangri pash leste, witsras pes glan leste tele ap i phub, un penas: “Miri tchai meras glan i tikno tsiro. Am mantsa un tchip tiro wast ap late! Un joi wella djido.”

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Markus 5:23

un mangas les o tselo djijeha un penas: “Miri tchai hi ap o merepen tchiddo. Am un tchip tire wasta ap late, te well li sasto, un te djiwell li!”

Markus 6:5

Un kote nashte kras job kek baro koowa an o Debleskri soor, kokres i nasslenge tchiwas job i wasta pre un kras len sasto, un kolla his gar bud nassele.

Markus 7:32

Un jon anan jekes pash leste, kowa nai shunas gar un rakras gar. Un jon mangan o Jesusestar, te tchiwell lo peskro wast ap leste.

Louka 13:13

Un job tchiwas peskre wasta ap late. Koi hadas pes li pre, un sharas o Debles.

Louka 4:40

Un o kham djas tele. Un bud menshe anan i nasselen pash leste. Kolen his bud nasslepen. Un o Jesus tchiwas peskre wasta ap hakeneste lendar, un kras len sasto.

Bičepangre 28:7

Gar dur djiwas o themeskro pralstuno. Les his kote bud them. Job kharas Publio. Kowa las men pash peste triin diwessa kamles pre.

Bičepangre 28:9

Koi wan ninna kol wawar nassele dran ko them pash o Pauleste, un mukan pen sasto te krell.

Bičepangre 9:40

Un o Petro tradas len win, djas ap i tchanga glan o Debleste, mangas o Debles, un djas pash koi muli djuwjate un penas: “Tabita, ste pre!” Koi kras joi peskre jaka pre. Har joi o Petres dikas, beshas pes li pre.

1. Korintarja 12:28

Kote, kai i patsle khetne wenna, das o Dewel hakenes i budi. Peskre bitchepangren das lo koi budi, te penenn le i menshenge peskro lab. Un wawar hi o Debleskre rakepangre, kai penenna, hoi o Dewel len sikras. Koi hi ninna sikepangre, kai sikrenn i menshende o Debleskro drom, un kolla, kai krenn baro koowa an o Debleskri soor, kai kek kokres pestar nai krella. Wawaren das job i soor, te krenn le i nasselen sasto. Hi patsle, kai hi o wawarenge koi, un ninna wawar, kai rikrenn i patslen khetne, un pale wawar, kai rakrenn nai an i wawar rakepen, hoi o Debleskro Ducho len das.

1. Korintarja 12:9

I wawares dell job i baro patsepen. Un pale i wawares dell job i soor, te nai krell lo i nasselen sasto. Hi jek Debleskro Ducho, kai kowa lauter della.