Bičepangre 28:3 - O Debleskro Drom 2021 (Sinte)

³ Har o Paulo kashta khetne las, un ap i jag witsras, was i sap dran i kashta win, un dandras leske an o wast.

O Debleskro Lab 2024 (Sinte-Manouche)

³ Har o Paulo kashta khetne las, oun ap i yag vitsras, vas i sap dran i kashta vin, oun dandras leske an o vast.

Bičepangre 28:3 Iomraidhean Croise

Hiob 20:16

Ko tchilatcho koowa, hoi lo kras, hi an leste har sapeskro tchunger, un marell les har i tchilatcho sap, kai dandras les.

Jesaja 30:6

Kate sikrell o Dewel, hoi pral i viechende an o mulo tato them Negev wella: An o them pherdi daar un traash, kai djiwenn o lewo un i lewetsa, ninna tchilatche sapa un wawar sapa, kolengro dandepen o merepen anell, kote hunte hidjrenn i burike pharo koowa ap pengro dumo, un i khamele bud kutch koowa ap pende, hoi anenn i menshe dran Juda pash kol menshende, kolendar jon tchi hi.

Jesaja 41:24

Djinenn, kowa nai krenn le gar! Kol debla hi tchi-moldo un nai krenn tchi. Koon len peske win rodell, krell i pale-tchiddo koowa glan o Debleste.

Jesaja 59:5

jaake har tikne tchilatche sapa, kai dran lengre jare wenn, un har koi netsa, hoi i spinna krell. Kowa, kai kol sapengre jare chala, hunte merell. Te stakrell lo i jaro khetne, well i sap win.

Amos 5:19

Kowa hi har te nashals jek peske glan o lewo, un i wawar baro diwjo viecho taprals les. Job khatrell pes an i kheer, tchiwell peskro wast ap i wanta, un i sap dandrell les.

Mateo 12:34

Tumer han sapa! Tumer han tchilatcho un nai rakrenn gar latcho koowa. I mensho penell kowa, hoi an leskro dji dren hi.

Mateo 23:33

Tumer han sapa. Awa, tchilatche sapa han tumer. O Dewel witsrell tumen an o bengeskri jag. Un tumer nashte nashenn gar glan koleste krik.

Mateo 3:7

Ninna bud Farisarja un Sadduzarja wan pash leste, te mukenn le pen lestar te taufrell. Har job kolen dikas, penas lo ap lende: “Tumer tchilatche sapa! Tumer nai nashenn gar krik glan o Debleskri choli, hoi wella pral i menshende.

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Bičepangre 28:2

Kolla, kai kote djiwan, lan men kamles pre. Brishin das, un his shila. Doleske kran le i jag, un lan men pash pende.

Bičepangre 28:4

Har kol menshe ko themestar ko sap ap leskro wast dikan, penan le: “Kawa hi jek, kai maras jekes. Dran o baro pani was job djido win, un kanna lell lo peskri phagi.”

2. Korintarja 11:23

Jon penenn, te hi le o Jesus Kristeskre budepangre. Kanna rakrau har i dinelo: Me hom budeder har jon leskro budepaskro. Me budrom budeder. Me wom budeder stildo. Me lom budeder dawa. Man his budeder o merepen glan i jaka har jon.

2. Korintarja 6:9

Pash jekeste ham prindjedo, pash i wawarende ham gar prindjedo. Ninna te hi o merepen glan mare jaka, ham gomme djido. Mer lam dawa un meram gar.