Bičepangre 27:41 - O Debleskro Drom 2021 (Sinte)

⁴¹ Ap jek kopo uleran le ap i barra, hoi tel o pani hi. Un o shiffo his glanstunes soreles ap i barra beshdo. Un o sorelo pani kras o palstuno kotar paash.

O Debleskro Lab 2024 (Sinte-Manouche)

⁴¹ Ap yek kopo ouleran le ap i barra, hoy tel o pani hi. Oun o shiffo his glanstounes zoreles ap i barra beshdo. Oun o zorelo pani kras o palstouno kotar paash.

Bičepangre 27:41 Iomraidhean Croise

1. Rajengro liil 22:48

An ko tsiro his kek Edomari o rai pral o them Edom. I pralstuno mursh, bitchedo o rajestar dran Juda, his o rai pral o them.

2. Familjakro liil 20:37

Koi his i mursh, kowa kharas Elijeser, un his dran Maresha. Leskro dad his o Dodawa. Ap leste penas o baro Dewel i lab, hoi kowa dureder penas ap o Josafat. Job penas: “Tu kral tut khetne mit o Ahasja. Doleske krell o baro Dewel kowa paash, hoi kral.” Un kol shiffe phagan an kotja, un nai djan gar an Tarsis.

Ezekiel 27:26

Kolla, kai anan kashtentsa o shiffo glan, anan tut win ap o baro pani. I sorelo ducho hoi kotar was, kai o kham pre djal, kowa tapras tut un phagas tut an kotja, mashkral ap o baro pani.

Ezekiel 27:34

Kanna hal an kotja phagedo, un an o baro pani tele witsedo. Un tiro parepen halauter tele djas. Un kolla, kai tuke budran, halauter an o pani tassan.

Bičepangre 27:17

Jon tserdan les pre, un palle pandan le shelle trul o tselo shiffo, te djal lo gar paash. Halauter daran, te nai ulerals o shiffo ap i barra, kai glan o them Libia tel o pani hi. Doleske witsran le ko sasterno shello an o pani tele, hoi rikrell o shiffo pale, te djal lo gar jaake sik. Un jon mukan o shiffo jaake te djal har o baro ducho les pral o pani phurdas.

Bičepangre 27:30

Kol budepangre ap o shiffo kaman penge tchorchanes mendar te djal, un penan chochenes ap i wawarenge: “Mer mukas ko tikno bero an o pani, te nai witsras ninna glan o shiffo sasterne shelle an o pani.”

Bičepangre 27:40

Un jon dan kol sasterne shelle tele, un witsran len an o pani, un pandan kol shelle pre, hoi rikran ko kasht, hoi o shiffo ap i tchatchi rig anell. Palle tserdan le ko baro than pre, te phurdell o baro ducho koi dren un anell len ap o them.

Bičepangre 27:42

Koi kaman i lurde i stilden te marell, te nashell kek peske.

1. Korintarja 15:58

Doleske, mire kamle phrala, atchenn soreles an o patsepen! Ma mukenn tumen kekestar o Debleskro dromestar tele te anell! Awenn hako tsiro o Debleske koi, un budrenn leske mishto! Tumer djinenna: Kai budi, hoi leske krenna, hi gar tchitcheske.