Bičepangre 27:40 - O Debleskro Drom 2021 (Sinte)

⁴⁰ Un jon dan kol sasterne shelle tele, un witsran len an o pani, un pandan kol shelle pre, hoi rikran ko kasht, hoi o shiffo ap i tchatchi rig anell. Palle tserdan le ko baro than pre, te phurdell o baro ducho koi dren un anell len ap o them.

O Debleskro Lab 2024 (Sinte-Manouche)

⁴⁰ Oun yon dan kol sasterne shelle tele, oun vitsran len an o pani, oun pandan kol shelle pre, hoy rikran ko kasht, hoy o shiffo ap i čači rig anell. Palle tserdan le ko baro than pre, te phourdell o baro dourho koy dren oun anell len ap o them.

Bičepangre 27:40 Iomraidhean Croise

Jesaja 33:23

Te well jek shiffo, palle hi lengre pesse shelle gar soreles pandlo, un nai rikrenn ko mashkralstuno pesso kasht gar. Un kol plachte hi gar buchles kerdo. Palle wenn kolla, kai pash o pani djiwenn un lenn, hoi le hatsenn. Ninna kolla, kai bango djan, hidjrenn tchomone krik, – jaake bud hi koi.

Mateo 4:18

Un har job pash o baro pani an o them Galilea djas, dikas lo kote dui phralen: O Simon, kai kharella ninna Petro, un leskro phrales, o Andreas. Kolla his matchepangre, un witsran pengre matchengre gone an o pani, te taprenn le matchen.

Bičepangre 27:17

Jon tserdan les pre, un palle pandan le shelle trul o tselo shiffo, te djal lo gar paash. Halauter daran, te nai ulerals o shiffo ap i barra, kai glan o them Libia tel o pani hi. Doleske witsran le ko sasterno shello an o pani tele, hoi rikrell o shiffo pale, te djal lo gar jaake sik. Un jon mukan o shiffo jaake te djal har o baro ducho les pral o pani phurdas.

Bičepangre 27:41

Ap jek kopo uleran le ap i barra, hoi tel o pani hi. Un o shiffo his glanstunes soreles ap i barra beshdo. Un o sorelo pani kras o palstuno kotar paash.