Bičepangre 27:23 - O Debleskro Drom 2021 (Sinte)

²³ Kai rat was i bolepaskro pash mande. Koles bitchras miro Dewel, koleske budrau.

O Debleskro Lab 2024 (Sinte-Manouche)

²³ Kay rat vas i bolepaskro pash mande. Koles bičras miro Devel, koleske boudrau.

Bičepangre 27:23 Iomraidhean Croise

Debleskri gili 116:16

Ach, baro Dewel, me hom jek kolendar, kai tuke budrenn. Awa, tiro budepaskro hom un budrau tuke har miri dai kras. Tu kral i shelle pre, hoi pandan man.

Debleskri gili 135:4

O baro Dewel rodas peske o Jakobeskre menshen win, awa, o Israel las lo, te well lo leskro.

Debleskri gili 143:12

Tu hal jaake latcho ap mande. Doleske le kolen krik, kai ap mande djan, un mare lauteren, kai mange miro djipen phares krenn. Me hom tiro budepaskro!

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

Kamlepaskri gili 2:16

Miro pirno hi miro, un me hom leskri. Job hatsell peskri bacht mank i lilja.

Kamlepaskri gili 6:3

Miro pirno hi miro, un me hom leskri. Job hatsell peskri bacht mank i lilja.

Jesaja 44:21

Ma biste kowa, Jakob! Tu, Israel, hal miro budepaskro. Me krom tut, tu hal miro budepaskro. Israel, me bistrau tut gar.

Jesaja 44:5

Jek pal o wawar penell: O baro Dewel hi miro rai. Bud kamenn tire menshe te well. Jon tchinenn ap pengro wast: ‘Me hom o baro Debleske’, un kharenn pen ‘Debleskre menshe’.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 32:38

Jon hi mire menshe, un me hom lengro Dewel.

Ezekiel 36:38

An kol forja, kolendar kanna tchi har barra koi hi, djiwenn palle jaake bud menshe, har his bakre an o foro Jerusalem an kol bare diwessa, har kol bakre o baro Debleske maredo un chatchedo wan. Un jon dikenn un haiwenn palle, te hom me o baro Dewel.

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Daniel 3:26

Un o Nebukadnezar djas pash ko wudar ko bobestar un das gole: “Shadrach, Meshach un Abed-Nego, tumer budepangre o pralstuno Deblestar, awenn koi win, un wenn pash mande!” Un o Shadrach, o Meshach un o Abed-Nego djan win dran i jag.

Daniel 3:28

Un o Nebukadnezar penas: “Sharedo well o Dewel, koles o Shadrach un o Meshach un o Abed-Nego an-mangenn. Job bitchras peskro bolepaskres un las peskre budepangren dran o merepen win. Kolla rikran ap leste, un shunan gar ap miro lab, un dan pengro djipen an o merepen. Jon kaman kek wawar debles an-mangenn har pengro Debles kokres.

Daniel 6:16

Kote nashan kol mursha pale khetne pash o baro rajeste un penan ap leste: “Tu djineh, baro rai, pash i Medarja un o Persarja hi o tchatchepen jaake, te nai well kek lab pale pale lino, hoi o baro rai mukas te tchinell!”

Daniel 6:20

Sik taissarlakro, har o kham gar pre djas, stas o baro rai pre, un djas sik pash i gruba, kai i lewe hi.

Daniel 6:22

Kote rakras o Daniel o baro rajeha un penas: “Baro rai, te djiwess hako tsireske!

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Maleachi 3:17

Un pral lende penell o baro Dewel, ko rai pral o bolepen un i phub: Ap ko diwes, kai me wau, sikrell pes, kai hi le mire. Un me krau miro dji lenge jaake pre, har i mursh peskro dji pre krell peskro tchaweske, kai leske koi hi.

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

Bičepangre 16:17

Koja las o Paules un men palla, un das gole: “Kalla mursha budrenn ko baro Debleske! Kalla sikrenn tumenge o drom pash leste.”

Bičepangre 18:9

I rati penas o rai Jesus an i suni ap o Pauleste: “Ma traash! Rake mandar un muk gar tele!

Bičepangre 23:11

An koi rati mukas pes o rai Jesus glan o Pauleste te dikell, un penas ap leste: “Ma traash, Paulo! Jaake har tu mandar an o foro Jerusalem rakral, jaake hunte rakress mandar ninna an o foro Rom.”

Bičepangre 5:19

An i rati was i bolepaskro o Deblestar un kras kol wudja an o stilepen pre, un anas len win, un penas ap lende:

Bičepangre 8:26

O Debleskro bolepaskro penas ap o Filipo: “Ste pre un dja ap ko drom, kai djal dran Jerusalem tele an ko foro Gaza. Ap ko drom hi gar bud menshe.”

Remarja 1:1

Me, o Paulo, o budepaskro o Jesus Kristestar, tchinau kau liil. Job das man gole, te wap leskro bitchepaskro, un rodas man win, te sikrap i menshende leskro drom.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

1. Korintarja 6:20

O Dewel plaissras tumenge peskro tchaweskro rateha. Doleske sharenn les tumaro tselo djipah!

5. Mose 32:9

I Israelitarja hi leskre menshe. Jon, o Jakobeskre tchawe, hi kolla, kai rodas lo peske win.

2. Timoteo 1:3

Hako diwes un haki rati mukau gar tele, te parkrap man pash o Debleste tuke, un te mangap o Debles tuke. Job hi kowa, koleske budrau me o djudjo djijeha, jaake har ninna mire phure kowa kran.

2. Timoteo 2:24

Kowa, kai budrell o Debleske, hunte tchingrell pes gar. Na-a, job hi kamlo ap hakeneste, un haiwell mishto i menshende o Debleskro drom te sikrell. Job well gar chojedo ap lende,

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Tito 1:1

Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”