Bičepangre 27:1 - O Debleskro Drom 2021 (Sinte)

¹ Har kran le win, te ulerah mer ap o shiffo an o them Italia, dan le o Paules un wawar stilden an i wasta i baro lurdestar. Leskro lab his Julio. Kowa his i pralstuno pral kol lurdende, kai o baro rajeskre lurde kharedo wenna.

O Debleskro Lab 2024 (Sinte-Manouche)

¹ Har kran le vin, te oulerah mer ap o shiffo an o them Italia, dan le o Paules oun vavar stilden an i vasta i baro lourdestar. Leskro lab his Yulio. Kova his i pralstouno pral kol lourdende, kay o baro rayeskre lourde kharedo venna.

Bičepangre 27:1 Iomraidhean Croise

1. Mose 50:20

Tumer kaman te krenn mange tchilatchepen. O Dewel las peske glan, te krell lo lauter mishto, jaake har hi kau diwes: Bud menshe atchan djido.

Debleskri gili 33:11

Kowa, hoi o baro Dewel kamell te krell, atchell soreles tardo, un kowa, hoi les an peskro dji hi, te krell lo, atchell jaake rah har menshe koi hi.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Gosewe laba 19:21

Bud koowa hi, hoi i mursh peske glan lell an peskro dji; kokres kowa wella, hoi o baro Debles glan hi jekeha.

Ropaskre gilja 3:27

Mishto hi i mensheske, te hidjrell lo, hoi o Dewel leske bitchras, jaake rah har lo terno hi.

Mateo 27:54

Ko pralstuno lurdo un kol wawar, kai khetne leha ap o Jesuseste jak dan, kolla dikan, te was i phub trisslemen, un hoi lauter koi djas. Koi tapras len i bari daar. Un jon penan: “Kau mursh his tchatchepah o Debleskro tchawo.”

Louka 23:47

Har ko pralstuno lurdo dikas, hoi koi djas, sharas lo o Debles un penas: “Tchatchepah, kawa his i latcho mursh.”

Louka 7:2

An ko foro djiwas i pralstuno lurdo. Les his i budepaskro, kai ap o merepen tchiddo hi. Kowa his leske bud moldo.

Bičepangre 10:1

An o foro Cesarea djiwas i mursh, ko kharas Kornelio. Kowa his i Remarjengro pralstuno pral sheel lurdende. Kolen kharan le i lurde dran Italia.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Bičepangre 16:10

Koi pre rodam mer sik i shiffo, kai lell men peha an o them Macedonia. Mer djinam, kai das men o Dewel gole, te penas kote i menshenge o latcho lab o Jesus Kristestar.

Bičepangre 18:2

Koi tapras job i biboldes dran o foro Pontus. Leskro lab his Akwila. Kowa was glan i tikno tsiro peskri romjah, i Priska, dran o them Italia. O baro rai an o foro Rom, o Klaudio, penas, te djan i tsele bibolde dran o foro Rom win. Pash lende djas o Paulo kanna.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 21:32

Un o pralstuno lurdo las sik wawar pralstunen un lurden peha, un nashas kote, kai i menshe khetne wan. Har kolla kol pralstunes un kol lurden dikan, dan le o Paules kek dawa buder.

Bičepangre 22:26

Ko baro lurdo djas pash peskro pralstuneste, un penas ap leste: “Hoi kameh te krell? Kau mursh hi i Remari.”

Bičepangre 23:11

An koi rati mukas pes o rai Jesus glan o Pauleste te dikell, un penas ap leste: “Ma traash, Paulo! Jaake har tu mandar an o foro Jerusalem rakral, jaake hunte rakress mandar ninna an o foro Rom.”

Bičepangre 23:17

O Paulo das i baro lurdes pash peste gole, un penas: “An ko terno murshes pash ko pralstuneste! Job kamell leske tchomone te penell.”

Bičepangre 24:23

Un job mukas o Paules pale an o stilepen te anell, un penas ap ko baro lurdeste, te krell job o Pauleske o djipen gar phares, un te well nai hakeno leskre malendar pash leste, te anell lo leske chapaske.

Bičepangre 25:12

Koi rakras o Festo kolentsa, kolen leha khetne penepaske hi. Palle penas lo ap o Pauleste: “Pash o baro rajeste an o foro Rom kameh tu te djal. Palle dja pash leste!”

Bičepangre 25:25

Me hatsom tchi ap leste, te nai marap les. Job kokres kamell pash o baro rajeste an o foro Rom te djal. Un jaake penom, te well lo kote anlo.

Bičepangre 27:11

Ko baro lurdo shunas budeder ap koleste, kai ulerell ko shiffo un ap koleste, kai hi o rai pral ko shiffo, har ap o Pauleste.

Bičepangre 27:43

Ko baro lurdo kamas gar, te well o Paulo mulo dino. Job djas koi mashkral un penas, te stenn kanna kolla an o pani, kai nai rikrenn pen pral o pani, te wenn le wergel ap o them.

Bičepangre 27:6

Koi hatsas ko baro lurdo i shiffo, hoi was dran o foro Alexandria, un kamas an o them Italia te ulerell. Un mer djam ap ko shiffo.

Bičepangre 28:1

Har mer halauter ap o them wam, shunam, kai ko kotar them an o pani Malta kharella.

Bičepangre 28:16

Har wam an o foro Rom dren, nai las peske o Paulo i isema an i kertchima. Un i lurdo das garda ap leste.

Hebrearja 13:24

Penenn latche laba mendar kolenge, kai denn garda ap tumende, un ninna ap i tsele patslende! I patsle dran o them Italia penenn tumenge “Atchenn o Debleha!”