Bičepangre 24:26 - O Debleskro Drom 2021 (Sinte)

²⁶ Job patsas, te dell les o Paulo lowe, te mukell les lo dran o stilepen win. Doleske mukas job les bud kope glan peste te well, un rakras leha.

O Debleskro Lab 2024 (Sinte-Manouche)

²⁶ Yob patsas, te dell les o Paulo love, te moukell les lo dran o stilepen vin. Doleske moukas yob les boud kope glan peste te vell, oun rakras leha.

Bičepangre 24:26 Iomraidhean Croise

2. Familjakro liil 19:7

Un kanna rikrenn o baro Debles glan tumare jaka, rikrenn tumen ap o tchatchepen un denn hakeneste peskro tchatchepen. Ma bistrenn, pash maro baro Debleste hi kek chochepen. Un job dikell witar gar ap kowa koon glan leste tardo hi. Un job mukell pes gar te ginell.

Hiob 15:34

Jaake djal i familjenge kolendar, kai djiwenn kek Debleha. Jon atchenn kek tchawentsa. Un i jag chatchrell lengre khera pre, hoi kran le kol lowentsa, hoi lenge plaissedo was te chochenn le.

2. Mose 23:8

Te hi jek an o tchingepen i wawareha un kamell tut te ginell, te dess les tchatchepen, ma le kowa, hoi job kamell tut dell! Koon sau koowa an-lell, well korelo o tchatchepaske un dikell buder gar, koon an o tchatchepen hi.

Gosewe laba 17:23

O tchilatcho kamell i lowe, hoi leske tchorchanes dino well, te rissrell lo o tchatchepen trujel.

Gosewe laba 17:8

Kowa, kai wawaren tchorchanes lowe dell, te krenn le, hoi job kamell, an koleskre jaka hi peskre lowe har durkepangre barra, hoi anenn leske bacht an hako koowa.

Gosewe laba 19:6

Bud makenn o braweleske gwin trul o mui, un hakeno hi o maal kolestar, kai dell tchomone tchitcheske.

Gosewe laba 29:4

I baro rai, kai rikrell pes ap o tchatchepen, kowa krell, te djal o themeske latches. Kowa, kai lell bud themeskre lowe peskre menshendar, kowa krell o them paash.

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Jesaja 33:15

Kolla, kai an o tchatchepen tardo hi, un rakrenn, hoi tchatcho hi; kolla, kai kekeske chochepah lowe tele lenn, te wenn le brawelo, un tserdenn pengre wasta pale, te kamell jek len lowe te dell, te anenn le chochepen pre; kolla, kai shunenn gar ap kolende, kai kamenn jekes te marell, un kolla, kai djan gar kolentsa, kai o tchilatchepen krenn,

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

Ezekiel 22:27

Tire pralstune hi har diwje djukle, kai marenn, un hi boklo pal rat. Jon marenn menshen, te lenn le lengro koowa penge.

Ezekiel 33:31

Un jon wenn pash tute jaake, har menshe khetne wenn, un beshenn pen pash tute, un shunenn, hoi peneh. Kowa, hoi penal, krenn le gar. Pengre mujentsa penenn le, te kamenn le man. Lengro dji djal koleske palla, har le bud lowe nai krenn.

Hosea 4:18

Jon pijenn pen mates, un palle lubrenn le trujel. Jon nashenn wi-ladjedo koowa palla, un ladjenn pen gar.

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Mateo 17:3

Un ap jek kopo dikan le o Moses un o Elijas koi tardo, kai leha rakrenn.

Bičepangre 24:17

Bud bersha homs an i wawar themma. Kanna wom pale an o foro Jerusalem, te anap mire menshenge lowe, hoi wawar dan. Ninna wom, te chatchrap viechen o Debleske an o Debleskro baro kheer.

1. Korintarja 6:9

Tumer hunte djinenn, kolla, kai tchilatcho koowa krenna, wenn gar pash o Debleste an o bolepen, un lenn gar ko latcho koowa, hoi o Debles peskre tchawenge hi. Ma chochenn tumen kokres! Kolla, kai wi-ladjedo koowa krenna, wenn gar pash o Debleste an o bolepen, witar gar kolla, kai mangenn wawar koowa an har o Debles, witar gar kol mursha, kai chochenn pengri romjat i wawar djuwjah, witar gar kol djuwja, kai chochenn pengro romes i wawar mursheha, witar gar kol mursha, kai krenn wi-ladjedo koowa wawar murshentsa un tchawentsa,

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

2. Petro 2:3

Kol chochene sikepangre kamenn tumen chochene labentsa ap pengri rig te anell, te lenn le lowe tumendar. O Debleskri choli well tchatchepah pral lende, un lengri bibacht wella sik.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”

1. Samuel 8:3

Jon djan gar o drom har lengro dad, un rodan kowa, hoi lenge o feteder his, un lan tchorchanes lowe, un phagan o tchatchepen.