Bičepangre 24:25 - O Debleskro Drom 2021 (Sinte)

²⁵ Un o Paulo penas lenge, te hunte rikrenn le pen ap o Debleskro tchatchepen, te krenn le kek wi-ladjedo koowa, un te well ko tsiro, kai hakeno glan o Debleste tardo hunte well. Un o Felix las traash, un penas ap o Pauleste: “Kau kopo nai djah tu. Un te hi man tsiro, mukau tut pale gole te dell.”

O Debleskro Lab 2024 (Sinte-Manouche)

²⁵ Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Bičepangre 24:25 Iomraidhean Croise

2. Samuel 23:3

Mantsa rakras o Israeleskro Dewel, un kowa, kai rikras peskre wasta pral o Israel, penas mange: “Koon rai pral i menshende hi, un djal pal o tchatchepen, un rikrell peske o Debles glan peskre jaka pash kowa, hoi lo krell,

1. Rajengro liil 21:27

Har shunas o Ahab kal laba, tserdas lo peskri plaashka an kotja, riwas peske i gono trujel, chas tchi, un rakras buder gar. Ninna o sopaske riwas lo o gono gar win.

2. Rajengro liil 22:19

Un kral tiro dji lenge pre. Un kral tut tiknes glan o baro Debleste, har tu shunal, hoi me penom pral kau foro un kol menshende, kai kate djiwenna, te djal lenge jaake djungeles, te atchell wawar menshenge o rakepen krik i trashatar. Un kowa, kai kamell te well i bibacht pral i wawareste, penella: ‘Tuke te djal, har djas o foreske Jerusalem!’ Har tu kowa shunal, kral tire koola paash, kai ap tute his, un rowal glan mande. Doleske shunom me tut ninna”, penell o baro Dewel.

Esra 10:3

Mer kras maro Debleha win, te bitchras mer kol tsele djuwjen un lengre tchawen mendar krik, jaake har penan tumer – tu, miro rai, un kolla, kai rikrenn maro Debleskre laba. Mer kamah les jaake te krell, har an o Moseskre lila tchinlo hi.

Esra 10:9

Kote wan i tsele mursha i menshendar Juda un Benjamin an o foro Jerusalem khetne. Ap o triinto diwes his le lauter koi. Kowa his o 20. (biishto) diwes an o 9. (enjato) tchon. Un i tsele menshe his beshdo ap i platsa glan o Debleskro kheer un trissan i trashatar pral kau koowa, hoi jon kran, un ninna o baro brishinestar.

Hiob 29:14

Hako tsiro krom, hoi tchatcho hi. Un miro tchatchepen his ap mande, har te wals lo miro ripen un miri stadi.

Debleskri gili 11:7

O baro Dewel hi an o tchatchepen tardo, un kamell hakenes, kai o tchatchepen krella. Koon ap leste shunella peskro tselo djijeha, kowa dikell les peskre jakentsa.

Debleskri gili 119:120

Tutar darau jaake, te trissau. Tu deh i phagi kolen, kai shunan gar ap tute.

Debleskri gili 45:7

Miro Dewel, tiri rajeskri beshepaskri atchell hako tsireske. Tu hal i tchatcho un latcho rai pral tire menshende.

Debleskri gili 72:2

Kre lestar i tchatchepaskro rai, kai dell koles o tchatchepen, kones tchatcho hi, ninna te hi lo tchorwelo.

Debleskri gili 99:1

O baro Dewel hi o baro rai. Job hi beshdo pral i Cherubim. Lestar darella i phub, un hake themma trissenna.

Gosewe laba 16:12

Te krenn bare raja tchilatcho koowa, hi kowa i djungelo koowa glan o Debleste. Te krenn le o tchatchepen, atchell lengri rajeskri beshepaskri soreles tardo.

Sikepaskro 11:9

Terno mursh, muk tiro dji te giwell an tire terne bersha! Ab bachtelo jaake rah, har terno hal. Kre, hoi tiro dji tuke penella un tire jakentsa mishto hi; un biste gar, te well i diwes, kai rakrell o Dewel o tchatchepen win pral tute un halauter, hoi kral.

Sikepaskro 12:14

O Dewel rakrell o tchatchepen win pral halauter, hoi kram, ko latcho un ko tchilatcho koowa, ninna te hi kowa kanna khatedo.

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Jesaja 1:18

“Awenn”, penell o baro Dewel, “te kras men tel mende o tchatchepen win! Te hi i doosh, hoi tumer ap tumende anan jaake lolo har o rat, palle well li parno, jaake parno har gib. Un te hi li lolo har o purpur, palle well li jaake parno har o bakrengro bal.

Jesaja 1:21

Har nai was kowa? Kau foro, hoi rikras pes ap mande peskro tselo djijeha, was har i lubni! O foro his pherdo tchatchepen, un i menshe djiwan pal o Debleskre tchatchepaskre laba. Un kanna djiwenn kate lauter marepangre, kai wawaren mulo denn!

Jesaja 16:5

Palle well i rajeskri beshepaskri pre tardo. Un jek o Davideskre menshendar hi koi pre beshdo, un hi i latcho rai. Les hi i dji peskre menshenge. Un hi i tchatchepaskro rai, kai krell, hoi tchatcho hi, un dell hakenes peskro tchatchepen.

Jesaja 32:11

Trissenn, tumer djuwja, kai tumenge kek shero krenn, trissenn i darjatar, tumer, kai dikenn kokres ap tumende! Riwenn tumare ripja win, un tchiwenn i gono trul tumende!

Jesaja 41:21

O baro Dewel, ko rai pral o Israel, penell ap i menshende an wawar themma: Awenn glan un anenn tumaro koowa glan, pral koleste kamenn mantsa te tchingrell. Anenn kowa glan, koleha tumer kamenn te sikrell, te hi tumen tchatcho!

Jesaja 55:6

Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

Jesaja 61:8

Me, o baro Dewel kamau o tchatchepen, un hom chojedo pral o tchorepen un o tchilatchepen. Un tchatchepah, me dau latcho koowa i menshende an Juda ko tselo tchilatchepaske, hoi ap lende was. Un me krau lentsa win, te atchas mer mala hako tsiro. Koi pre dau miro tchatcho wast.

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 23:29

Miro rakepen hi har i jag, un har i depaskro saster, hoi barra phagell.

Jeremia 36:16

Har shunan le kol tsele laba, lan le traash un penan leske: Ko hunte penas mer o baro rajeske!

Ezekiel 45:9

Kawa penell o baro Dewel, maro rai: Kanna hi doha! Tumer raja pral o Israel, herenn pre, te rikrenn i menshen i sorjah tele! Dukrenn len buder gar! Krenn, hoi mishto un tchatcho hi! Mukenn tele, te tradenn mire menshen dran pengre khera win! Kawa penell o baro Dewel, maro rai.

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Daniel 5:30

An kai rat was o Belsazar, ko baro rai pral o them Babilonia, maredo.

Hosea 10:12

Djiwenn an o tchatchepen, te well latchepen dran tumaro djipen! Krenn tumaro dji newes pre o baro Debleske, jaake har i hacho i newo kotar phub pre krell o djobeske. Kanna hi o tsiro, te rodenn man, o baro Debles. Palle wau un tchorau o latchepen pral tumende win har i brishin.

Hosea 10:4

I bare raja krenn bud laba, denn pen chochene sobja, un krenn pen wawar thementsa khetne. Kowa, hoi kharenn le ‘tchatchepen’, hi har ko tchilatcho senlepen, hoi well baro ap i hachetikri phub un anell o merepen.

Hosea 7:5

Ap maro baro rajeskro diwes pijenn pen i pralstune mates i moljatar. Un o baro rai beshell pes khetne kolentsa, kai san pral halauter.

Amos 5:24

Krenn lauter, te well hakeneske peskro tchatchepen! Mukenn o tchatchepen te nashell an o tselo them har i lengsto pani, hoi les hako tsiro pani hi.

Amos 6:12

Nashenn i graja ap i bare barra? Na-a! Nashte budrenn i hache koi pre i grumjentsa? Na-a! Tumer rissrenn o tchatchepaskre laba jaake, te wenn le har tchomone, hoi marell, un o tchatcho drom jaake, te hi lo har i shutlo pipen!

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Haggai 1:2

O Haggai penas: Kowa penell o baro Dewel, ko rai pral o bolepen un i phub: Kal menshe penenn: O tsiro hi gomme gar kai, te budras ap o kheer maro baro Deblestar.

Mateo 22:5

Un kolla shunan gar ap lende un djan penge. Ko jek djas ap peskro kotar phub, ko wawar ap o mangepen.

Johanni 16:8

Job te wella, palle krell job i menshenge i jaka pre pral lengri doosh, pral o Debleskro tchatchepen un pral o Debleskri choli, hoi wella pral kai phub.

Bičepangre 10:42

Job penas menge, te penas mer i tsele menshenge, kai o Dewel rodas les win, te hi lo o tchatchepaskro rai, kai rakrell o tchatchepen win pral i tsele menshende, pral kolende, kai djiwenna, un ninna pral i mulende.

Bičepangre 17:13

Har shunan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, wan le kote un kran tchingepen. Jon kaman, te wenn i menshe chojedo ap lende.

Bičepangre 17:2

Har pash o Pauleste kowa jaake his, djas lo pash lende dren, un penas lenge ap triin Debleskre diwessa o Debleskro lab.

Bičepangre 17:32

Har shunan le, kai rakrell o Paulo pral i mursheste, kai mulo his un pale djido was, his lenge sapaske. Wawar penan: “Tu te peness menge pral ko koowa i wawar kopo budeder.”

Bičepangre 2:37

Har kol menshe kowa shunan, djas lenge kowa an lengro dji. Un jon putchan o Petrestar un kol wawar Jesuseskre bitchepangrendar: “Murshale, mire phrala, hoi kras mer?”

Bičepangre 24:15

Me patsau ninna har jon, kai kolla, kai meran, pale djido wenna: kol latche un kol tchilatche.

Bičepangre 24:26

Job patsas, te dell les o Paulo lowe, te mukell les lo dran o stilepen win. Doleske mukas job les bud kope glan peste te well, un rakras leha.

Bičepangre 26:28

Koi penas o Agrippa ap o Pauleste: “Rakreh tu kate ap mande, te djap me ninna ap o Jesuseskro drom, un kawa an sawo tikno tsiro?”

Bičepangre 9:6

Ste pre un dja an ko foro! Koi penenn le tuke, hoi te kress.”

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Remarja 14:12

Ap ko diwes well hakeno mendar glan o Debleste un hunte penell leske, hoi job kras un hoske job kowa kras.

Remarja 2:16

Lauter kowa, hoi an o mensheskro dji hi, well diklo ap ko diwes, kai hi o Jesus Kristo o tchatchepaskro rai un rakrell o tchatchepen win pral i menshende. Jaake penell les o Debleskro lab, hoi me i menshenge penau.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

2. Korintarja 5:10

Ap ko diwes, kai rakrell o Jesus Kristo o tchatchepen pral mende win, hunte was mer halauter glan leste tardo. Un hakeno lell pal kowa, hoi job kras, har djiwas lo ap i phub: latcho koowa har tchilatcho koowa.

2. Korintarja 6:2

O Dewel penell an peskro lab: “Ap o tchatcho tsiro shunau tut, ap ko diwes lau tut dran o tchilatchepen win un dau tut o newo djipen.” Shunenn, kanna hi o tchatcho tsiro kai! Kanna lell lo tumen dran o tchilatchepen win!

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

Galatarja 5:23

Job krell pes gar bares un lell pes khetne. O Moseskre laba, kolen hi kek soor pral koleste, koon jaake djiwella.

2. Timoteo 4:1

Kowa, hoi kanna penau tuke, penau glan o Debleste un glan o Jesus Kristeste, kai krell o tchatchepen win pral i djidende un i mulende. Job, kai well pale, te well lo baro rai pral i tsele menshende, kowa shunell, hoi tuke penau:

Tito 1:8

Na-a, job well gar jaake! Job lell i wawaren latches an peskro kheer dren! Les well i baro dji i wawarenge. Job dell pes jak, hoi job rakrella. Job hi tchatcho un krella, hoi o Dewel kamella. Job nai lell pes khetne.

Hebrearja 12:21

Kowa lauter, hoi i menshe kote dikan un shunan, kras len jaake dareno, te penas ninna o Mose: Man hi sawi daar, te trissenn mire herja.

Hebrearja 3:13

Rakrenn hako diwes khetne pral o patsepen, te atchenn pash o Debleste! Ko tsiro, kai rakrell o Dewel ap tumende hi kanna. Te shunenn tumer gar ap o Debleste, nai well i tsiro, kai shunenn tumer buder gar, te dell lo tumen gole.

Hebrearja 4:1

Dran kowa denn mishto garda, te dell kek tumendar peskro patsepen pre! An o phuro tsiro penas o Dewel peskre menshenge, te dell lo len i them, kai jon hako tsiro khere hi. Kau lab, hoi o Dewel lenge penas, atchell menge ninna. An o phuro tsiro shunan le les, un patsan les gar. Jaake wan le gar an o Debleskro them.

Hebrearja 6:2

Ninna was tumenge penlo, te mukenn tumen te taufrell, un hoske i patslo peskre wasta ap i wawareste tchiwella. Tumenge was ninna penlo, te krell o Dewel i mulen djido, un te rakrell lo o tchatchepen pral lende win. Kowa, hoi job len dell, – o djipen har i phagi, – kowa atchell hako tsiro ap lende.

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,

Jakobo 2:19

Tu patseh, kai dell jek Dewel kokres. Mishto, kre kowa! Ninna kol benga patsenn kowa un trashenna.

1. Petro 3:15

O Jesus Kristo kokres te well o rai an tumare djia! Un te putchenn le tumendar tchomone pral tumaro patsepen, ma darenn kek tsiro, te penenn lenge, ap koneste tumer patsenna.

2. Petro 1:6

Koon haiwas, hoi o Dewel lestar kamella, kowa rikrell pes lauterestar pale, hoi leske gar mishto hi. Koon rikrell pes lauterestar pale, hoi leske gar mishto hi, kowa rikrell soreles ap kowa, hoi latcho hi. Koon kowa krella, kamell o Debles.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:7

Tchowale, mukenn tumen kekestar o Debleskro dromestar tele te anell! Tumer hunte djinenna, kolla, kai krenna, hoi tchatcho hi glan o Debleskre jaka, kolla hi an o tchatchepen tardo glan o Debleste jaake har o Jesus an o tchatchepen tardo hi glan o Debleste.

1. Samuel 12:7

Kanna stakrenn glan, te krap o tchatchepen win mank o baro Debleste un tumende; un penap o tselo latchepen, hoi o baro Dewel tumenge un tumare phurenge kras.