Bičepangre 22:12 - O Debleskro Drom 2021 (Sinte)

¹² Koi his i patslo mursh. Kowa kharas Anania. Job rikras pes ap kowa, hoi an o Moseskre lila tardo hi. Kowa his an-diklo pash i tsele biboldende, kai kote djiwan.

O Debleskro Lab 2024 (Sinte-Manouche)

¹² Koy his i patslo morsh. Kova kharas Anania. Yob rikras pes ap kova, hoy an o Moseskre lila tardo hi. Kova his an-diklo pash i tsele biboldende, kay kote djivan.

Bičepangre 22:12 Iomraidhean Croise

Louka 2:25

Ap ko tsiro djiwas an o foro Jerusalem i mursh. Leskro lab his Simeon. Kowa patsas ap o Debleste, un djiwas jaake, har o Dewel kowa kamas. Un job dikas ap ko tsiro, kai lell o Dewel i bibacht i Israeleskre menshendar krik. O Simeon his pherdo Debleskro Ducho.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Bičepangre 17:4

Mank i biboldende his sawe, kai patsan kowa, hoi o Paulo lenge penas. Un jon rikran pen ap i rig o Paulestar un o Silasestar. Ninna bud, bud griche, kai lan o biboldengro patsepen an, patsan kowa, hoi o Paulo penas. Mank lende his ninna bud an-dikle djuwja.

Bičepangre 6:3

Doleske, mire phrala, rodenn mashkral tumende efta murshen win! Kolla hunte wenn mursha, kai hi pherdo Debleskro Ducho un goswepen. Kolla hunte lenn koi budi ap pende.

Bičepangre 8:2

Un mursha, hoi ap o Debleskro drom djan, paskran o Stefanes un rowan bud pral leskro merepen.

2. Korintarja 6:8

Hi menshe koi, kai sharenn men, un wawar, kai praassenn men. Hi menshe, kai rakrenn djungeles pral mende, un wawar, kai rakrenn kamles pral mende. Ko jek penell: “Chochene!” ap mende, kol wawar djinenn, mer penah o tchatchepen.

1. Timoteo 3:7

I phureder hunte well jek, pral koleste ninna kol menshe, kai gar patslo hi, mishto rakrenna. Jaake hunte ladjell lo pes gar, un perell gar an o bengeskro wast.

Hebrearja 11:2

Sawo patsepen his an mare phurende, un o Dewel dikas latches ap lende.

3. Johanni 1:12

O Demetrio krell o latchepen. Lauter rakrenn mishto pral leste. Un leskro djipen sikrella, te hi lo an o tchatchepen tardo. Mer ninna penah, kai kowa, hoi job krella, mishto hi. Un tu djineh, kai kowa, hoi mer penah, tchatcho hi.