Bičepangre 21:5 - O Debleskro Drom 2021 (Sinte)

⁵ Pal efta diwessa djam mer dureder. Mentsa djan i phrala pengre romjentsa un i tchawentsa dran o foro win pash o pani. Un kote djam mer ap i tchanga un mangam o Debles an.

O Debleskro Lab 2024 (Sinte-Manouche)

⁵ Pal efta divessa djam mer doureder. Mentsa djan i phrala pengre romyentsa oun i čaventsa dran o foro vin pash o pani. Oun kote djam mer ap i čanga oun mangam o Debles an.

Bičepangre 21:5 Iomraidhean Croise

1. Rajengro liil 8:54

Un har o Salomo o baro Deblestar jaake mangas, his lo tchiddo ap peskre tchanga glan o Debleskri chatchepaskri un rikras peskre wasta an o bolepen. Har job halauter penas, hoi job kamas te penell, stas lo pre un las ninna peskre wasta pale tele.

2. Familjakro liil 20:13

Un i tsele mursha dran o them Juda, ninna lengre tchawe un djuwja pengre tikne tchawentsa, halauter his tardo glan o baro Debleste.

Nehemia 12:43

Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Debleskri gili 95:6

Awenn, mangas les an! Te djas ap mare tchanga, un peras tele glan o baro Debleste! Job hi kowa, kai kras men.

Mateo 14:21

Kolla, kai chan, his nai jaake pantch serja (5.000) mursha. Ninna bud djuwja un tchawe his kote pashel.

Markus 1:40

I mursh was pash o Jesuseste. Koles his i djungelo nasslepen, kai leskro mass tele merella. Job peras glan leste tele, un mangas lestar: “Te kameh tu, nai kreh man sasto.”

Louka 22:41

Un o Jesus kokres djas i tikno kotar dureder, un witsras pes ap i tchanga,

Bičepangre 15:3

Un i phrala penan ap o Pauleste un ap o Barnabeste: “Djan o Debleha!” Un kol dui kran pen ap o drom un wan an i themma Fenicia un Samaria. Un kote penan le i menshenge, har kolla, kai kek bibolde hi, patslo wan. Koi pral wan i tsele patsle bachtelo.

Bičepangre 17:10

An koi rat bitchran kol patsle o Paules un o Silases an o foro Berea. Har jon koi wan, djan jon an i biboldengri kangri.

Bičepangre 20:36

Har o Paulo kowa penas, djas lo lauterentsa ap i tchanga un mangas o Debles lenge.

Bičepangre 20:38

Ko lab, hoi o Paulo penas, te dikenn le les buder gar pale, kras len bare duka an o dji. Palle djan le leha pash o shiffo.

Bičepangre 9:40

Un o Petro tradas len win, djas ap i tchanga glan o Debleste, mangas o Debles, un djas pash koi muli djuwjate un penas: “Tabita, ste pre!” Koi kras joi peskre jaka pre. Har joi o Petres dikas, beshas pes li pre.

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.