Bičepangre 21:40 - O Debleskro Drom 2021 (Sinte)

⁴⁰ Un o pralstuno lurdo penas ap o Pauleste: “Palle rake!” O Paulo his tardo pral glan o kheer un hadas peskro wast, te wenn le pokones. Har jon buder gar gole dan, rakras job lentsa ap hebretikes.

O Debleskro Lab 2024 (Sinte-Manouche)

⁴⁰ Oun o pralstouno lourdo penas ap o Pauleste: “Palle rake!” O Paulo his tardo pral glan o kheer oun hadas peskro vast, te venn le pokones. Har yon bouder gar gole dan, rakras yob lentsa ap hebretikes.

Bičepangre 21:40 Iomraidhean Croise

2. Rajengro liil 9:13

Koi las sik hakeno peskri plaashka, tchiwas lat glan leste ap kol pralstune barra ko dromestar. Jon phurdan an i phurdepaskri un dan gole: “O Jehu hi baro rai!”

Louka 23:38

Un pral leste ap i kasht his tchinlo: Kowa hi i o baro rai pral i biboldende.

Johanni 19:13

Har o Pilato kol laba shunas, anas job o Jesuses win un beshas pes ap ko tchatchepaskro beshepaskro, hoi kharella Barrengri Phub. Ap o biboldengro rakepen kharella kowa Gabbata.

Johanni 19:17

Un job hidjras peskro trushel, un djas dran ko foro win ap ko kotar them, hoi kharella muleskro shero. Kowa kharella ap o biboldengro rakepen Golgata.

Johanni 19:20

Kowa, hoi koi pre tchinlo hi, draweran bud bibolde. Ko kotar them, kai dan le o Jesuses ap o trushel, his gar dur o forestar tchiddo. Un kol laba his tchinlo ap hebretikes, lataintikes, un grichtikes.

Johanni 5:2

An o foro Jerusalem his i pani pash ko foreskro wudar, kai kharella bakrengro wudar. Ko pani kharella ap hebretikes Betesda. Kote his i thopaskro kheer, kai pantch bare iseme dren his, kai pre his.

Bičepangre 1:19

I tsele menshe an o foro Jerusalem shunan kowa. Doleske penenn jon ap ko kotar phub, kai o Judas meras: Hakeldamach. Kowa kharella ap lengro rakepen ratli phub.

Bičepangre 12:17

I wastentsa sikras lo len, te denn le kek gole, un penas lenge, har o rai Jesus les dran o stilepen win las. Un ninna penas o Petro lenge: “Penenn kowa o Jakobeske, un kol wawar phralenge!” Palle djas job win, un djas peske an i wawar foro.

Bičepangre 13:16

Koi stas o Paulo pre, hadas o wast, te atchenn jon pokones, un job penas: “Murshale dran Israel, un ninna tumer tsele wawar, kai mangenn o Debles an, shunenn, hoi me tumenge penau!

Bičepangre 19:33

Mashkral lende his menshe, kolla djan pash o Alexandro, un penan leske, hoske i menshe jaake diwjo hi. Un i bibolde mangan lestar, te rakrell job ap halauterende. Job hadas i wasta pre, te sikrell lo len, kai job kamas te rakrell lentsa.

Bičepangre 21:35

Kol bud menshe lan les palla, un dan gole: “Denn les mulo!” Har o Paulo glan ko lurdengro kheer was, hunte hidjran i lurde les, jaake diwjo his i menshe, kai kaman les te marell.

Bičepangre 22:2

Har jon shunan, kai rakrell job hebretikes, dan le buder gar gole. Un job penas:

Bičepangre 26:14

Un mer lauter peram ap i phub. Un me shunom jekes, kai penas ap hebretikes ap mande: Saulo, Saulo, hoske leh tu man palla? Tiro kurepen hi tchitcheske. Me hom sorleder har tu.

Bičepangre 6:1

An kol diwessa, kai i patsle budeder wan, djas i tchingepen mashkral i patslende, kai rakran hebretikes, un kol patslende, kai rakran grichtikes. Mashkral kolla, kai rakran grichtikes, his djuwja, kolengre romma mulo his. Un kolla lan gar jaake bud chapaske har kolla, kai rakran hebretikes. Doleske his kolla, kai rakran grichtikes, chojedo ap kolende, kai rakran hebretikes.

Debleskro tsiro 9:11

Un len hi i rai pral pende. Kowa hi o bolepaskro pral o telstunepen. Kowa kharell ap hebretikes Abadon. Un ap grichtikes kharell lo Apoljon.