Bičepangre 21:26 - O Debleskro Drom 2021 (Sinte)

²⁶ Koi las o Paulo kol murshen pash peste. Un o wawar diwes thowas lo pes lentsa khetne pal o biboldengro tchatchepen. Palle djas job an o Debleskro baro kheer. Un kote penas lo i rashajenge: “Mer thowam men pal o biboldengro tchatchepen. An efta diwessa anah mer viechen hakeneske mendar, te wenn le maredo o Debleske. Koi tsiro hi kanna trujel, ap hoi mer men sowel dam.”

O Debleskro Lab 2024 (Sinte-Manouche)

²⁶ Koy las o Paulo kol morshen pash peste. Oun o vavar dives thovas lo pes lentsa khetne pal o biboldengro čačepen. Palle djas yob an o Debleskro baro kheer. Oun kote penas lo i rashayenge: “Mer thovam men pal o biboldengro čačepen. An efta divessa anah mer firhen hakeneske mendar, te venn le maredo o Debleske. Koy tsiro hi kanna trouyel, ap hoy mer men sovel dam.”

Bičepangre 21:26 Iomraidhean Croise

4. Mose 19:11

Koon i mulo menshes an-tapella, kowa hi efta diwessa pale-tchiddo.

Johanni 11:55

His i tikno tsiro glan kol bare biboldengre diwessa, kai kharenna Passa. Dran ko tselo them wan i menshe an o foro Jerusalem, te thowenn pen le an o pani glan o Passa, jaake har i biboldengro koowa hi.

Bičepangre 21:24

Ko tsiro hi sik trujel. Le len pash tute, un thob tut lentsa khetne pal o biboldengro tchatchepen, un de len lowe, te mukenn jon pengre balla tele te tchinell! Jaake dikenn i tsele bibolde, kai kowa gar tchatcho hi, hoi jon pral tute penan. Un jon dikenna, kai tu pal o biboldengro tchatchepen djiweh.

Bičepangre 24:18

Har homs an o Debleskro baro kheer un thowom man pal o biboldengro tchatchepen, his gar bud menshe pash mande, witar kek, kai his chojedo un diwjo.

1. Korintarja 9:20

Te hom pash i biboldende, palle djiwau har i biboldo, un rikrau man ap o Moseskre laba, te anap i bibolden pash o Jesuseste, ninna te hom me gar tel o Moseskre laba tardo.