Bičepangre 21:24 - O Debleskro Drom 2021 (Sinte)

²⁴ Ko tsiro hi sik trujel. Le len pash tute, un thob tut lentsa khetne pal o biboldengro tchatchepen, un de len lowe, te mukenn jon pengre balla tele te tchinell! Jaake dikenn i tsele bibolde, kai kowa gar tchatcho hi, hoi jon pral tute penan. Un jon dikenna, kai tu pal o biboldengro tchatchepen djiweh.

O Debleskro Lab 2024 (Sinte-Manouche)

²⁴ Ko tsiro hi sik trouyel. Le len pash toute, oun thob tout lentsa khetne pal o biboldengro čačepen, oun de len love, te moukenn yon pengre balla tele te činell! Yaake dikenn i tsele bibolde, kay kova gar čačo hi, hoy yon pral toute penan. Oun yon dikenna, kay tou pal o biboldengro čačepen djiveh.

Bičepangre 21:24 Iomraidhean Croise

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Hiob 41:25

Ap i phub hi kek wawar har job, jaake kerdo, te nai krell leske tchi daar.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 19:14

Koi djas o Mose i berga tele un penas i menshenge, te krenn le pen djudjo o Debleske. Un hakeno thowas peskre koola.

4. Mose 6:13

Kowa hi ko lab, hoi penell koleske, kai hi i tsireske o Debleske koi, hoi te krell lo: Te hi ko tsiro trujel, kai das job pes sowel, hunte well lo pash o wudar glan o Debleskro plachteno kheer anlo.

4. Mose 6:18

Un ko mursh, kai his i tsireske o Debleske koi, hunte tchinell o bal ap peskro shero, hoi mukas lo lengsto te well o Debleske. Un job tchinell les pash o wudar glan o Debleskro plachteno kheer, un lell les un witsrell les ap i jag, kai chatchrenn kol thulle kotja ko bakrestar, hoi chan le khetne glan o Debleste.

4. Mose 6:5

Jaake rah har job koi sowel das, hunte well gar leskro bal tchinlo, bis te ko tsiro trujel hi, kai das job pes an o baro Debleskro wast. Job hi o Debleskro, un hunte mukell peskro bal ap o shero lengsto te well.

4. Mose 6:9

Te his job pashel, har meras jek ap jek kopo, wenn leskre balla pale-tchiddo shob diwessa. Ap o eftato diwes hunte tchinell job peskro bal ap o shero, un job well pale erligo.

Johanni 11:55

His i tikno tsiro glan kol bare biboldengre diwessa, kai kharenna Passa. Dran ko tselo them wan i menshe an o foro Jerusalem, te thowenn pen le an o pani glan o Passa, jaake har i biboldengro koowa hi.

Johanni 3:25

Jek diwes tchingras i biboldo kolentsa, kai djan o Johanneske palla, pral kowa, har kolla, kai pal o biboldengro tchatchepen pale-tchiddo hi, nai wenn pale erligo.

Bičepangre 18:18

O Paulo atchas i tsiro an o foro Korint. Koi pal penas lo i patslenge: “Atchenn o Debleha!” Un job uleras ap o shiffo pral o baro pani an o them Syria. I Priska un o Akwila his pash leste. Glan kowa, har jon an o foro Kenchrea ap o shiffo djan, das pes o Paulo sowel un mukas peskre balla tele te tchinell.

Bičepangre 21:26

Koi las o Paulo kol murshen pash peste. Un o wawar diwes thowas lo pes lentsa khetne pal o biboldengro tchatchepen. Palle djas job an o Debleskro baro kheer. Un kote penas lo i rashajenge: “Mer thowam men pal o biboldengro tchatchepen. An efta diwessa anah mer viechen hakeneske mendar, te wenn le maredo o Debleske. Koi tsiro hi kanna trujel, ap hoi mer men sowel dam.”

Bičepangre 24:18

Har homs an o Debleskro baro kheer un thowom man pal o biboldengro tchatchepen, his gar bud menshe pash mande, witar kek, kai his chojedo un diwjo.

1. Korintarja 9:20

Te hom pash i biboldende, palle djiwau har i biboldo, un rikrau man ap o Moseskre laba, te anap i bibolden pash o Jesuseste, ninna te hom me gar tel o Moseskre laba tardo.

Čačepangre 13:5

Ko tchawes, kai leh, well i mursh, kai o Debleske hi peskro tselo djipen fun ko diwes, kai well lo ap i phub. Leskre balla wenn gar tchinlo. Un job lell o Israel win dran i wasta i Filistarendar.”