Bičepangre 21:16 - O Debleskro Drom 2021 (Sinte)

¹⁶ Mentsa djan ninna patsle dran o foro Cesarea. Jon anan men pash o Menason. Kowa his i patslo, kai was dran o them Ciprus, un was glan o rah tsiro patslo. Pash leste atcham nai i tsiro.

O Debleskro Lab 2024 (Sinte-Manouche)

¹⁶ Mentsa djan ninna patsle dran o foro Cesarea. Yon anan men pash o Menason. Kova his i patslo, kay vas dran o them Ciprus, oun vas glan o rah tsiro patslo. Pash leste ačam nay i tsiro.

Bičepangre 21:16 Iomraidhean Croise

Debleskri gili 92:14

Jon hi har ruka, kai hi tardo an o baro Debleskro kheer, un kai wenn senelo ap i platsa glan o Debleskro kheer.

Gosewe laba 16:31

Parne balla hi har i kutch rajeskri stadi, hoi o Dewel kolen dell, kai leskro drom djan.

Bičepangre 10:24

O diwes koi pre was job an o foro Cesarea. Kote his o Kornelio peskre menshentsa un malentsa khetne. Job das len gole, te shunenn le halauter, hoi o Petro lenge penella.

Bičepangre 10:48

Un job penas: “Mukenn tumen te taufrell, te sikrenn tumer, kai patsenn ap o Jesus Kristeste!” Pal kowa mangan le o Petres, te atchell lo triin, star diwessa pash lende.

Bičepangre 11:19

An ko tsiro, kai o Stefano maredo was, wan i patsle palla lino. Kolla nashan dran o foro Jerusalem, un djan an i themma Fenicia un Ciprus, un an o foro Antiochia. Un jon penan kote kokres i biboldenge o Debleskro lab, un kek wawarenge.

Bičepangre 15:39

Un kote tchingran pen o Paulo un o Barnabas pral o Markeste jaake, kai djas hakeno peskro drom. O Barnabas las o Markes peha, un jon uleran ap o shiffo an o them Ciprus.

Bičepangre 15:7

Har jon pen i rah tsiro tchingran, stas o Petro pre, un penas: “Mire phrala, tumer djinenna, kai o Dewel rodas man glan rah tsiro win, un kamas, te penap me o latcho lab o Jesus Kristestar kolenge, kai kek bibolde hi. Un kolla shunan un patsan.

Bičepangre 21:8

O wawar diwes djam mer dureder, un wam an o foro Cesarea. Kote djam an o kheer, kai o Filipo djiwell, un atcham pash leste. Kowa his i mursh, kai penell i menshenge o latcho lab o Jesus Kristestar. Job his jek kol eftendar, kai his wi-rodedo an o foro Jerusalem, te denn le i tchorwele patslende chapaske.

Bičepangre 4:36

Jaake kras kowa ninna o Josef. Kowa his i Levitari un was dran o them Ciprus. O Jesuseskre bitchepangre dan les ninna Barnabas gole. Ko kharella ap lengro rakepen: O mursh, kai rakrell i menshentsa latcho, te hi lengro dji pharo.

Bičepangre 8:40

O Filipes hatsan le an o foro Ashdod. Un job djas trujel, un penas o latcho lab o Jesusestar an kol tsele forja. Un jaake was lo an o foro Cesarea.

Remarja 16:7

Penenn ninna latche laba mandar ap o Androniko un i Junia! Kolla hi ninna bibolde har me un his mantsa an o stilepen. Jon hi an-diklo mank kolende, kolen o Jesus Kristo win bitchras, te penenn le leskro lab. Kol dui wan glan mande ap leste patslo.