Bičepangre 20:16 - O Debleskro Drom 2021 (Sinte)

¹⁶ O Paulo kamas gar an o foro Efesus te djal, te nashrell lo an ko them Asia kek tsiro. Job kamas jaake sik har djala an o foro Jerusalem te djal, te well lo kote ap o baro diwes, kai kharella Fingsta.

O Debleskro Lab 2024 (Sinte-Manouche)

¹⁶ O Paulo kamas gar an o foro Efesus te djal, te nashrell lo an ko them Asia kek tsiro. Yob kamas yaake sik har djala an o foro Yerusalem te djal, te vell lo kote ap o baro dives, kay kharella Fingsta.

Bičepangre 20:16 Iomraidhean Croise

2. Mose 34:22

Rikrenn bare diwessa mange dren ap ko tsiro, kai tumer o newo djob dren anenn! Un palle rikrenn bare diwessa dren pal i nijal, te anan i drake dren un lauter, hoi ap i ruka un ap tumari phub bares was.

Bičepangre 12:13

O Petro das o wasteha ap o wudar, un i budepaskretsa was. Lakro lab his Roda. Joi kamas te shunell, koon koi hi.

Bičepangre 16:6

O Paulo un o Silas djan dureder. Un har o Debleskro Ducho gar kamas, te penan le o Debleskro lab an o them Asia, djan le an i themma Frigia un Galatia.

Bičepangre 18:19

Pal kowa wan le an o foro Efesus. Un o Paulo mukas o Akwiles un i Priskat koi. Job djas an i biboldengri kangri un rakras koi i biboldentsa.

Bičepangre 18:21

Har djas lo peske, penas lo ap lende: “Te kamell o Dewel, wau pale pash tumende.” Un job djas win dran o foro Efesus, un uleras ap o shiffo pral o baro pani,

Bičepangre 19:1

Har o Apollo an o foro Korint his, djas o Paulo an i themma Galatia un Frigia, un palle was lo an o foro Efesus. Koi hatsas job ninna patslen.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 2:1

Ap i biboldengro baro diwes, hoi kharella Fingsta his jon lauter an jek kheer khetne.

Bičepangre 20:13

O Paulo kamas kokres o tselo drom an o foro Assos te nashell. Mer wawar djam lauter ap o shiffo, un uleram glan-wi an o foro Assos. Kote kamam mer o Paules ap o shiffo te lell. Jaake kamas o Paulo kowa mendar.

Bičepangre 20:18

Har jon pash o Pauleste wan, penas lo ap lende: “Tumer djinenna, har djiwom un hoi krom o tselo tsiro, har homs pash tumende an o them Asia.

Bičepangre 20:22

Un kanna penell mange o Debleskro Ducho, te djap an o foro Jerusalem. Un me hunte shunap ap leste. Hoi i bibolde an o foro Jerusalem mantsa krenna, kowa djinau gar.

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarcho un o Sekundo lentsa. Dran o foro Derbe was o Gajo lentsa. Ninna o Timoteo djas lentsa. Un o Tichiko un o Trofimo wan dran ko them Asia lentsa.

Bičepangre 20:6

Har i diwessa trujel his, kai i bibolde kek shutlo maro chan, uleram mer ap o shiffo dran o foro Filipi win, un wam pal pantch diwessa an o foro Troas. Kote atcham efta diwessa.

Bičepangre 21:4

Kote rodam i patslen, un har hatsam len, atcham efta diwessa pash lende. O Debleskro Ducho penas kote i patslenge, te wenn bare duka ap o Pauleste an o foro Jerusalem. Koi penan jon ap leste, te djal lo gar an o foro Jerusalem.

Bičepangre 24:17

Bud bersha homs an i wawar themma. Kanna wom pale an o foro Jerusalem, te anap mire menshenge lowe, hoi wawar dan. Ninna wom, te chatchrap viechen o Debleske an o Debleskro baro kheer.

1. Korintarja 16:8

Kate an o foro Efesus atchau, bis te well ko baro diwes, hoi kharella Fingsta.