Bičepangre 2:42 - O Debleskro Drom 2021 (Sinte)

⁴² Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

O Debleskro Lab 2024 (Sinte-Manouche)

⁴² Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Bičepangre 2:42 Iomraidhean Croise

Louka 24:30

un beshas pes te chal lo lentsa, las o maro, parkras pes pash o Debleste, phagas ko maro an kotja, un das kowa lende.

Louka 24:35

Koi ginan kol dui lenge dren, hoi lenge ap o drom djas, un har jon les prindjran, har job o maro phagas.

Bičepangre 1:14

Kalen lauteren his jek dji un jek djipen un mangan o Debles an. Pash lende his ninna djuwja, un i Maria, o Jesuseskri dai, un o Jesuseskre phrala.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Bičepangre 20:11

Koi djas o Paulo pale pre, phagas o maro, chas les lentsa, un rakras i tseli rat lentsa, un palle djas lo peske.

Bičepangre 20:7

Ap o kurko wam mer khetne, te phagas o maro. Un o Paulo penas o Debleskro lab i menshenge. Un o wawar diwes kamas job ap o shiffo dureder te ulerell. Doleske rakras job jaake rah bis deesh-te-dujenge an i rati.

Bičepangre 4:23

Un har kolla mukan len te djal, wan jon pash i patslende, un penan lenge, hoi kol bare rashaja, un kol biboldengre phureder ap lende penan.

Bičepangre 4:31

Ap jek kopo, har jon o Debles an-mangan, trissas i phub kote, kai jon his. Un o Debleskro Ducho was ap lauterende. Un jon penan o Debleskro lab, un kek traash his an lende.

Bičepangre 6:4

Mer kamah o Debles an-mangell, un i menshenge o Debleskro lab te penell.”

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

1. Korintarja 10:21

Tumer nai pijenn gar dran o Jesuseskro khoro un dran o bengeskro khoro. Tumer nai chan gar o Jesuseskro chapen un o bengeskro chapen.

1. Korintarja 11:2

Me hom bachtelo pral tumende, te bistran tumer gar, hoi me tumenge penom. Kowa, hoi shunom un tumenge penom, krenn tumer.

1. Korintarja 14:6

Kanna, mire phrala, har wals kowa, te woms me pash tumende, un rakroms an i rakepen, hoi kek haiwella? Kowa molals tumenge tchi. Tumenge hi budeder moldo, te rakrap an i rakepen, hoi tumer haiwenna, un te penap tumenge, hoi o Dewel mande sikras, un hoi lestar djinau. Un tumenge hi ninna budeder moldo, te penap tumenge i lab, hoi wella o Deblestar, un te sikrap tumen, har te djan ap o Debleskro drom.

Galatarja 1:6

Mange atchas o rakepen krik, har me shunom, kai tumer mukan jaake sik o Jesuseskro drom. O Dewel das tumen gole, te patsenn ap o Jesus Kristeste, kai his jaake latcho ap tumende. Un kanna shunenn tumer ap menshende, kai kamenn tumen ap i wawar drom te anell.

Efesarja 2:20

I tsele Debleskre menshe hi har jek kheer, kerdo dran barra. Tumer han kol barra, hoi hi tardo ap i telstune barra. I telstune barra hi o Jesus Kristeskre bitchepangre un o Debleskre rakepangre. O Jesus Kristo hi ko sorelo bar, hoi rikrell o tselo kheer khetne. Un o kheer well baro un bareder, un well i shukar kheer, kai o Dewel djiwella.

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Filiparja 1:5

Tumer budran mantsa khetne, har mer sikram i menshende o Jesuseskro drom. Kowa kran tumer, har patslo wan, un mukan gar tele bis kau diwes.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

Kolossarja 4:2

Ma mukenn tele, te mangenn o Debles! Parkrenn tumen hako tsiro pash leste!

2. Timoteo 3:14

Tu, Timoteo, atch pash kowa, hoi tuke penlo was, un hoi tu patseh! Tu djineh, koon tuke kowa lauter penas.

Hebrearja 10:25

Das jak, te atchas gar krik, te wenn i patsle khetne. Hi sawe mashkral i patslende, kai wenn buder gar khetne. Kowa hi gar mishto. Tumer dikenna, te hi o diwes gar dur, kai well o rai Jesus pale. Doleske djan kote, kai wenn i patsle khetne, te krell jek o wawares soreles an o dji.

Hebrearja 10:39

Tchatchepah, mer ham gar kolendar, kai mukenn leskro drom un djan nashedo. Na-a. Mer ham kolendar, kai atchah an o patsepen, un lah o djipen, hoi gar pre-herella.

1. Johanni 1:3

Kowa, hoi mer dikam un shunam, penah mer tumenge, te nai was mer tumentsa khetne an o tchatchepen. Un tchatchepah, mer ham khetne o Debleha, kai hi maro dad an o bolepen, un leskro tchaweha, o Jesus Kristeha.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

1. Johanni 2:19

Kolla wan mendar. Jon his gar tchatchepah mendar. Te wans jon mendar, atchans le pash mende. Un har jon penge djan, nai dikas hakeno, te his le gar mendar.

Judas 1:20

Tumer, mire phrala un phenja, atchenn soreles an tumaro patsepen, hoi das tumen o Dewel. Un mangenn les jaake, har leskro Ducho an tumende kamell.