Bičepangre 2:33 - O Debleskro Drom 2021 (Sinte)

³³ Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

O Debleskro Lab 2024 (Sinte-Manouche)

³³ Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Bičepangre 2:33 Iomraidhean Croise

Debleskri gili 118:16

Leskro tchatcho wast hi hadedo: Job hi o sorleder an o kurepen.”

Debleskri gili 89:19

Baro Dewel, tu dal men koles, kai ap mende garda della. Tu, o Dewel pral o Israel, rodal les win, te well lo maro baro rai.

Debleskri gili 89:24

Me kamau kolen khetne te stakrell, kai ap leste djan, un kolen, kai leske tchilatchepen kamenn, dau me an i phub.

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Jesaja 53:12

Doleske dau me les i platsa mank i bare un sorele rajende. Doleske, te das job peskro djipen an o merepen. Ninna te dikan i menshe ap leste, har te wals lo i tchilatcho, las job i doosh kol budendar ap peste, un mangas o Debles i tchilatchenge.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Markus 16:19

Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Louka 24:49

Un me bitchrau tumenge koles, kolestar miro dad penas, te well job pash tumende. Atchenn an o foro Jerusalem jaake rah, bis te lan i soor dran o bolepen!”

Johanni 14:16

Un me mangau o dadestar, te bitchrell job tumenge i rakepaskres, kai well ap tumari rig. Job djal buder gar krik tumendar.

Johanni 14:26

Me te hom buder gar pash tumende, bitchrell o dad tumenge o rakepaskres, kai well ap tumari rig. Kowa hi o Debleskro Ducho. Un job penell tumenge halauter jaake, te nai haiwenn kowa mishto. Un job mukell tumenge halauter an o shero te well, hoi me tumenge penom.

Johanni 15:26

Te hom pash o dadeste, palle bitchrau tumenge o rakepaskres, kai wella ap tumari rig. Kowa hi o Debleskro Ducho. An leste hi o tchatchepen. Job wella o dadestar, un penell o tchatchepen pral mande.

Johanni 17:5

Un kanna, tata, de man ko railepen un koi soor, hoi his man pash tute, har o bolepen un i phub gar koi his!

Bičepangre 1:4

Har job lentsa khetne his, penas job lenge soreles: “Atchenn an o foro Jerusalem, un djan gar krik, jaake rah har bitchras miro dad an o bolepen gomme gar peskro Ducho ap tumende, jaake har penom les tumenge.

Bičepangre 10:45

Kol patsle biboldenge, kai o Petreha wan, atchas o rakepen krik, har jon dikan, kai peras o Debleskro Ducho ninna ap kolende, kai kek bibolde hi.

Bičepangre 2:17

Ko tsiro wella, penell o Dewel, kai me tchiwau miro Debleskro Ducho ap i tsele menshende. Un tumare tchawe un tcha dikenn nai glan-wi, hoi wella. Un i terne mursha dikenn kowa, hoi o Dewel len sikrell, un i phure mursha denn suni.

Bičepangre 5:31

Koles hadas o Dewel un beshas les ap peskri tchatchi rig, te well lo rai un lell i menshen dran o tchilatchepen un o merepen win. Kowa kras o Dewel, te mukenn i menshe an o them Israel pengro phuro djipen, jaake te nai lell lo lengri doosh lendar krik.

Remarja 5:5

Un kau patsepen mukell jekes gar nashedo te djal. O Dewel kamell men o tselo djijeha. Kowa sikras men o Debleskro Ducho, hoi o Dewel an mende das.

Galatarja 3:14

Un kowa kras o Jesus Kristo, te well o Debleskri soor pash i tsele menshende, jaake har o Dewel glan i rah tsiro o Abrahameske penas. Kanna nai lah mer lauter o Debleskro Ducho, te patsah mer ap o Jesuseste.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

Efesarja 4:8

Doleske hi an o Debleskro lab tchinlo: Har job pre an o bolepen djas, las lo kolen peha, kai leskro wan, un das len i budi o Debleske te krell.

Tito 3:6

Koles bitchras o Jesus Kristo pash mende, un mer lam lestar bud.

Hebrearja 10:12

O Jesus Kristo das pes jek kopo an o merepen, te lell lo i doosh i menshendar krik, un beshas pes hako tsireske ap o Debleskri tchatchi rig. Kote dikell lo ap ko diwes, kai wenn kolla tel leskre pire tchiddo, kai kaman les gar.

Hebrearja 2:9

Kones mer dikah, kowa hi o Jesus. Job his i tikno tsiro tikneder har i bolepangre, un meras i menshenge. Doleske kras o Dewel les baro un railo. Jaake latcho his o Dewel i menshenge, te bitchras lo o Jesuses lauterenge an o merepen.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!